Спорт
Почина тренерот Дејан Милојевиќ
Српскиот кошаркарски тренер Дејан Милојевиќ почина на 47-годишна возраст од срцев удар.
Оваа информација ја потврди и Голден Стејт Вориорс каде Милојевиќ беше помошник тренер.
На Милојевиќ му се слошило во вторникот вечерта додека вечерал во ресторан во Солт Лејк Сити, веднаш бил пренесен во најблиската болница, а потоа итно опериран.
Веста брзо се прошири низ светот, а иако првично беше објавено дека е во стабилна состојба, тој не преживеа.
Своите први кошаркарски чекори ги напаравил во кошаркарскиот клуб Беовук од Белград.
Додека играше за Беовук јуниорс, тој постигна 131 поен на еден натпревар, што е рекорд и до ден денес.
Во 1998 година се преселил во ФМП Железник. По две сезони во ФМП, тој се пресели во Будуќност каде ги покажа своите кошаркарски способности и за четирите години поминати во клубот ја освои двојната круна во сезоната 2000/01 и се пласираше во 16-те најдобри екипи во Евролигата.
Во 2004 година се пресели во Партизан и стана најдобар играч на регионалната лига и неколку пати најкорисен играч на колото во Евролигата.
Со Партизан освои две шампионски титули на Србија и Црна Гора. Избран е за најдобар играч на Јадранската лига и за најдобар играч на СЦГ во сезоната 2003/04.
Замина од Партизан во Памеса, каде мина две сезони, но со нешто помал успех.
Во сезоната 2008/2009. кратко време беше член на турски Галатасарај.
Во 2009 година се врати во Партизан каде ја заврши кариерата.
Беше младински репрезентативец до 22 години (со кој освои злато).
Со сениорската репрезентација на СР Југославија освои златен медал на ЕП 2001 во Турција.
Настапуваше и на ЕП 2005 во Србија и Црна Гора.
Во октомври 2012 година, откако претходниот тренер Владе Вукоичиќ замина во Црвена Звезда, стана прв тренер на Мега.
Таму остана најдолго, дури осум години, освојувајќи го Купот Радивој Корач во 2016 година, за кој истакна дека е најдобар момент во неговата кариера.
Оттаму, тој замина во НБА во 2020 година и таму продолжи да ја гради својата кариера.
Од октомври 2021 година, стана член на стручниот штаб на Стив Кер во Голден Стејт Ворирос. Во Сан Францисоко работеше со центрите на Ворирос.
Во 2022 година со Ворирос ја освои титулата во НБА лигата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Болоња преку Интер до финалето на Суперкупот
Актуелниот освојувач на Купот на Италија, Болоња, ќе се бори за трофејот во Суперкупот. Болоња во Ријад го победи Интер по изведувањето пенали со 3.2. Во регуларниот дел натпреварот заврши 1:1.
Интер беше подобар во текот на целиот натпревар, но тоа не успеа да го претвори во победа. Турам му донесе предност на Интер во втората минута. Болоња изедначи од пенал во 35-та минута, преку Орослини.
Во пенал серијата, во херој се претвори голманот на Болоња, Раваља. Тој ги одбрани ударите на Бастони и Бони, а Барела шутираше над голот.
Финалниот натпревар се игра в понеделник од 20 часот. Противник на Болоња ќе и биде актуелниот првак Наполи.
Спорт
Алекс Фергусон: Можно е Манчестер Јунајтед уште 10 години да не биде шампион
Легендарниот менаџер на Манчестер Јунајтед, Сер Алекс Фергусон, даде загрижувачка прогноза за иднината на клубот, предупредувајќи дека може да помине уште една деценија пред повторно да го кренат трофејот од Премиер лигата.
Јунајтед ја освои последната титула во лигата во 2013 година, точно во последната сезона на шкотскиот стручњак на клупата.
Фергусон денес има 83 години и освои 13 титули во англиското првенство и две Лиги на шампиони со Јунајтед. Тој го водеше клубот 27 години, од 1986 до 2013 година.
Според Фергусон, клучната причина за долгогодишниот пост лежи во лошиот избор на играчи. Тој истакна дека подобрувањето на процесот на регрутирање и доведување засилувања е неопходен предуслов за враќање на клубот на патеките на старата слава.
Тој посочи три нови играчи, за кои смета дека се засилувања
„Аморим е добра личност, не му е лесно. Кога јас пристигнав, Ливерпул беше одличен. Тие беа европски шампиони, но потоа им требаа 30 години за повторно да ја освојат титулата во англиската лига. Таква е ситуацијата со Јунајтед. Може да потрае уште десет години пред да ја освоиме титулата во лигата.
Мора да се погрижиме да доведеме подобри играчи. Голманот Ламенс беше доведен за да направи разлика. Тој е млад, агилен, висок и знае како да игра со рацете и нозете. Тука се и Мбеумо и Куња, за кои мислам дека исто така ќе бидат од голема помош“, им рече Фергусон на новинарите во Бахреин.
Foto/ depositphotos
Спорт
Гвардиола: Сити мора да се подготви за моето заминување
Тренерот на Манчестер Сити, Пеп Гвардиола, изјави дека клубот „мора да се подготви“ за да го испланира неговото заминување и да пронајде наследник. Иако Шпанецот има договор до крајот на сезоната 2026/27, гласни се шпекулациите дека ќе замине по заврпувањето на сезоната. Би-Би-Си пишува дека клупските челници веќе го започнале процесот на барање потенцијални кандидати за негова замена.
За време на неговата кариера во Сити, која ја започна во 2016 година, Гвардиола се етаблираше како една од најважните фигури во историјата на клубот, освојувајќи шест титули во Премиер лигата и Лигата на шампионите. Кога беше прашан дали ќе го заврши договорот, 54-годишникот одговори криптички.
„Во последните три или четири години во одреден период, ми го поставуваат ова прашање. Порано или подоцна, на 75 или 76 години, ќе го напуштам Манчестер Сити. Го разбирам прашањето, но сè уште имам 18 месеци, и воодушевен сум“, рече Гвардиола.
Кога директно го прашаа дали ќе биде во Сити следната сезона, тој додаде: „Одговорив на тоа прашање и претходно. Тука сум. Што ќе се случи, којзнае, но и да имав договор од 10 години или шест месеци, фудбалот многу се менува.“
Тој, исто така, ги отфрли обвинувањата за разговори за предвремено заминување. „Нема дискусија – крај на темата. Нема да бидам тука засекогаш и претходно реков дека нема да бидам тука засекогаш. Што ќе се случи, ќе се случи и клубот мора да биде подготвен за сè“, заклучи тој.
Во услови на неизвесност, менаџерот на Челзи, Енцо Мареска, кој претходно беше помошник на Гвардиола во Сити, се споменува како еден од потенцијалните наследници. Италијанецот, сепак, категорично ги негираше ваквите гласини.
„Воопшто не ме засега бидејќи знам дека се 100% шпекулации. А во моментов нема време за такви работи“, рече Мареска, чиј договор со Челзи е до 2029 година.
„Мојот фокус, многу пати сум рекол, е само на овој клуб и многу сум горд што сум тука. Пред една недела бев поврзан со Јувентус. Затоа не обрнувам внимание бидејќи знам дека не е вистина.“
Би-Би-Си дознава дека чувството за потенцијална промена го натера Сити да ја интензивира потрагата по наследник на Гвардиола. Се верува дека се идентификувани најмалку двајца кандидати, иако нивните имиња засега остануваат тајна.
Спортскиот директор Уго Вијана има клучна улога во составувањето на списокот, а конечна одлука за иднината на Гвардиола не се очекува пред крајот на сезоната. Сити, кој моментално е два бода зад лидерот Арсенал, е домаќин на Вест Хем во сабота.
Foto/ depositphotos

