Свет
Објавени први снимки: Пакистан го ракетира Иран, има мртви
![](https://makfax.com.mk/wp-content/uploads/2024/01/GEGHqzAaEAALDEy.jpg)
Пакистан изврши напади во Иран насочени кон сепаратистичките милитанти, соопшти пакистанското Министерство за надворешни работи, два дена откако Техеран соопшти дека нападнал бази на милитанти поврзани со Израел на пакистанска територија.
Иранските медиуми јавуваат дека неколку проектили погодиле локација во провинцијата Систан и во Белуџистан, која се граничи со Пакистан, при што загинале три жени и четири деца, од кои ниту едно по потекло од Иран.
„Неколку терористи беа убиени за време на оваа операција заснована на разузнавање“, се вели во соопштението на пакистанското министерство опишувајќи ја операцијата како „серија високо координирани и конкретно насочени воени напади против терористичките засолништа“.
⚡️ ❗🇵🇰🇮🇷 Videos from Iran confirming attack by Pakistan.
Pakistan Airforce is reportedly been involved in Strikes inside Iran.#Pakistan #Iran pic.twitter.com/QnpZ2tYgNq
— The Macro Story (@themacrostory) January 18, 2024
„Пакистан целосно ги почитува суверенитетот и територијалниот интегритет на Исламската Република Иран“, додаде Министерството за надворешни работи и објасни дека „единствената цел на денешниот чин е да се обезбеди безбедноста и националниот интерес на Пакистан, кои се најважни и не може да бидат загрозени“.
Пакистански разузнавачки извор за „Ројтерс“ изјави дека нападите биле извршени со воени авиони.
„Нашите сили извршија напади врз милитантите на Белуџистан во Иран“, изјави разузнавач во пакистанската престолнина Исламабад.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Израелските сили ги нападнаа северниот и јужниот дел на Газа, а борбите продолжија во текот на ноќта
![](https://makfax.com.mk/wp-content/uploads/2024/06/вцв.jpg)
Израелските сили денеска нападнаа неколку области низ Газа, а жителите известија дека борбите продолжиле во текот на ноќта во Рафах на југот од палестинската енклава.
Жителите изјавија дека борбите се интензивирале во населбата Тел Ал Султан во западниот дел на Рафах, каде тенкови се обидувале да се пробијат на север, пренесува Ројтерс.
Претходно денеска во израелски напад загинаа тројца Палестинци во близина на кампот Џабалија.
Свет
(Видео) Асанж пристигна во Австралија: емотивна средба со сопругата и неговиот татко
![](https://makfax.com.mk/wp-content/uploads/2024/06/677z381_asanz-kanbera.jpg)
Џулијан Асанж, кој од денеска и официјално е слободен човек, се врати во Австралија, а најемотивната средба ја имаше со сопругата Стела.
Julian Assange greets his supporters at the fence and kisses his wife after touching down a free man #auspol pic.twitter.com/HQ4JbyWKvH
— Sarah Basford Canales (@sbasfordcanales) June 26, 2024
Откако авионот слета на аеродромот во Канбера, Асанж излегол од авионот, а го пречекале бројни новинари и поддржувачи кои аплаудирале и скандирале за него.
Камерите го снимиле моментот кога Асанж ја прегрнал сопругата, ја кренал од земја и ја бакнал, а потоа го прегрнал и татко си.
Свет
Кремљ се огласи за Асанж: Сите го добија тоа што го сакаа
![](https://makfax.com.mk/wp-content/uploads/2022/03/kremlj-moskva.jpg)
Портпаролот на Кремљ, Дмитриј Песков, рече дека секој го добил она што го сакал кога станува збор за признавањето на вината и ослободувањето на основачот на Викиликс, Џулијан Асанж.
– Овде зборуваме за судски договор. Како што разбрав, секој го доби она што го сака. Нема што да се додаде, ништо да се коментира – изјави Песков на новинарите.
Асанж беше формално ослободен пред американскиот суд на Маријанските Острови, откако се изјасни за виновен по едното обвинение за кршење на Законот за шпионажа според договорот со американското Министерство за правда.
Основачот на „Викиликс“ потоа отпатува во родната Австралија.