Свет
Ким нареди уништување на споменикот што го симболизира обединувањето на Северна и Јужна Кореја
Северна Кореја, по наредба на својот лидер Ким Џонг-Ун, уништи споменик во главниот град што ја симболизира целта за помирување со Јужна Кореја.
Сателитските снимки на Пјонгјанг денеска покажуваат дека споменикот, лак што ја симболизира надежта за обединување на Кореја, повеќе не постои, пренесува „НК Њуз“, портал кој ја следи Северна Кореја. Споменикот висок триесет метри е изграден по меѓукорејската средба одржана во 2000 година.
BREAKING: North Korea appears to have demolished a large monument in Pyongyang symbolizing hope for unification with South Korea, according to NK News analysis of satellite imagery, after leader Kim Jong Un ordered it be removed earlier this month. https://t.co/pUjWc77COI
— NK NEWS (@nknewsorg) January 23, 2024
Во средината на јануари, Ким го нарече „трн во окото“ на седницата на собранието каде што нареди измена на уставот за прогласување на Јужна Кореја за непроменлив „главен непријател“.
Тензиите меѓу двете Кореи се зголемија по засилените воени маневри на Јужна Кореја и САД, откако Северна Кореја тестираше оружје и објави дека се подготвува за „нуклеарна војна“ со своите непријатели.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Валери Залужни назначен за амбасадор на Украина во Велика Британија
Поранешниот врховен командант на украинската армија Валериј Залужни денеска е назначен за украински амбасадор во Велика Британија.
Указот за назначување на Залужни беше потпишан од украинскиот претседател Зеленски, кој претходно во март објави дека ја прифатил неговата кандидатура за функцијата, пренесува UNIAN.
Зеленски на 8 февруари го разреши Залужни од позицијата врховен командант на вооружените сили, наведувајќи го неуспехот на летната офанзива и „стагнацијата“ на ситуацијата на фронтот.
Свет
Поради строгите мерки за штедење во Аргентина, индустриското производство нагло падна
Индустриското производство во Аргентина драстично падна во март, покажаа податоците на заводот за статистика INDEC, што ги одразува последиците од строгите мерки за штедење што ги спроведе новата влада на претседателот Хавиер Мајли.
Во март производството паднало за 21,2 отсто во однос на истиот период лани.
Производството на мебел потона за повеќе од 40 отсто, на електроника и алати за речиси 43 отсто, а на метални производи и машини за речиси 33 отсто. Производството на неметални минерали и основни метали е намалено за околу 35 отсто, а на автомобили и транспортни средства за 25 отсто, покажуваат податоците на INDEC.
На месечно ниво, производството се намали за 6,3 отсто, најсилно од мај во пандемијата 2020 година, кога потона за 26,2 отсто. Во првите три месеци од годинава падна за речиси 15 отсто на годишно ниво, објави заводот за статистика.
Свет
Две украински хидроцентрали беа онеспособени во руските напади
Две украински хидроцентрали се онеспособени откако руските вооружени сили ги нападнале, соопшти украинската компанија „Укрхидроенерго“.
„На 8 мај беше направена значителна штета на хидроцентралите. Две хидроцентрали беа онеспособени“, се вели во соопштението на каналот Телеграм на компанијата.
Се додава дека хидроенергетското производство на Украина „претрпело огромни штети“, и дека поправката на уништената опрема ќе бара „голем напор и значителни финансиски средства“, пренесува украинската агенција УНИАН.