Македонија
„Спасовски заминува како најнеславен министер на МВР со стотици скандали, убиства, мафијашки пресметки, бегства, кражби и киднапирања“, вели ВМРО-ДПМНЕ

„Оливер Спасовски после 8 години конечно заминува од позицијата министер за внатрешни работи. Спасовски освен што го уништи МВР, целосно ја загрози безбедноста на граѓаните, а неговото министерување беше проследено со стотици скандали за кои до ден денешен нема никаква разрешница“, соопшти ВМРО-ДПМНЕ.
„Спасовски наместо да ги заштити граѓаните, ги штитеше криминалците и се фотографираше со нив.
Спасовски наместо МВР да ја претвори во институција која ќе обезбеди безбедност, јавен ред и мир и стабилност на државата и граѓаните, ја претвори во институција на скандали.
Спасовски единствено ќе биде запаметен како министер кој додели 215 македонски пасоши на белосветски нарко босови на нарко картели.
Во време на Спасовски се случи полициски службеник да се “удри” во пајак, се проби полициската акција Планина во која што требаше да бидат уапсени нарко дилерите од Грчец, се случија дури 5 нерасчистени убиства низ скопски улици и локали, мафијашки пресметки на банди во трговски центри, кражби, киднапирања на деца, дојави за бомби низ училиштата, трговски центри, станбени згради и државни институции, кражби на марихуана, кражба на оружје од полициско депо, бегство на криминалции, делење на коруптивни тендери со милионски суми, а се случи и грозоморното убиство на Вања и Панче, каде што се увиде дека полицијата можела и морала да го спречи ова двојно убиство, доколку Спасовски и службите веднаш реагирале и откриеле додека возилото на убиениот Панче се возело со денови низ скопските улици, па со истото возило, убијците да ја киднапираат Вања и потоа да ја убијат.
Во време на министерувањето на Спасовски командири пукаа со оружје и се снимаа и објавуваа на социјалните мрежи, а криминалците од Арачиново наместо во затвор беа во полициски станици, тепаа и бркаа полициски службеници.
Во последниот месец од неговото катастрофално министерување се случи и целосен хаос со вадење на нови патни исправии на граѓаните кои до ден денеска се оставени на минусни температури да чекаат, иако обрасци за подготовка на патни исправи и возачки дозволи нема доволно.
Се случи и скандал од невидени размери со упадот на партиската војска на ДУИ во македонска навигација во време кога контролорите во М-НАВ опслужувале летање, слетување и прелетување на над 40тина авиони.
Спасовски за 8 годино целосно го узурпираше Министерството за внатрешни работи.
Само криминалците се чувствуваа безбедни со Спасовски, а подземјето стана надземје.
Спасовски заминува како најнеславен министер за внатрешни работи.
Со Спасовски и СДС во Македонија никогаш не било полошо, но доброто е што денеска завршува неговото катастрофално и најнеуспешно министерување. После ова следува одговорност! Важно е да ги поразиме!“, се додава во соопштението на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) ВМРО-ДПМНЕ ги објави имињата на уште осум кандидати за градоначалници

Извршниот комитет на ВМРО-ДПМНЕ, вечерва во Штип определи уште осум кандидати за градоначалници за претстојните локални избори.
ВМРО-ДПМНЕ донесе одлука да му предложи на Централниот комитет.
1. Македонски Брод – Жарко Ристески.
2. Могила – Драганчо Саботковски
3. Пробиштип – Тони Тоневски
4.Богданци – Марјан Пеев
5. Демир Капија – Наталија Димитриева
6. Росоман – Ѓорги Крстевски
7. Новаци – Стевче Стевановски
8. Дебарца – Златко Силјановски
Пратеникот Антонијо Милошоски по состанокот изјави дека овие 8 кандидати за градоначалници се одговорни, исполнителни личности кои што својата активност ја докажале не само во рамките на коалицијата на ВМРО-ДПМНЕ туку имаат углед и во самите општини. Ним ќе им биде препорачано во следниот период, да си отворат што поголема комуникација со локалните граѓани во општините за да може да поработат директно на терен за составување на програмата која што е потребна за локални избори.
Централниот штаб ќе биде на располагање заедно со еден тим кој што ќе биде формиран за локалните избори, да им помогне за одредени проекти, кој што се од поголемо капитално значење за Македонски брод, Могила, Новаци, Пробиштип, Богданци, Демир Капија, Росоман и Дебарца.
„Цениме дека со овие 8 вечерва објавени кандидати за градоначалници и претходните 25, ВМРО-ДПМНЕ со самодоверба чекори кон локалните избори бидејќи сме единствената партија која што во моментов има обзнането имиња на 33 кандидати за градоначалници за кои што сметаме дека се на добар пат и да ја добијат довербата на граѓаните“, рече Милошоски.
За оние кои што се актуелни градоначалници, партијата смета дека дека со досегашната работа, ќе имаат добар кредит да ја добијат и понатамошната доверба.
Македонија
СДСМ: Јавното обвинителство се обиде да ја релативизира одговорноста на актуелните функционери

Според СДСМ, со денешната прес-конференција, Јавното обвинителство уште еднаш потврдило дека постои сериозен обид да се минимизира и релативизира одговорноста на носителите на актуелни функции и институции поврзани со трагедијата во Кочани.
Од опозициската партија велат дека наместо да се лоцира институционалната одговорност и да се повикаат на одговорност директорите на Државниот пазарен инспекторат, УЈП и други релевантни органи кои имаа обврска да постапуваат, фокусот се префрла на индивидуални случаи и на маргинални групи, избегнувајќи ја суштината – зошто и како фирма увезувала и со месеци продавала опасна пиротехника без дозвола, и кој тоа го дозволил.
Дополнително, како што се додава, наместо да се отворат посебни истраги за секој аспект од случајот – за незаконскиот увоз, за институционалниот надзор, за реакцијата на полицијата и за конкретните пропусти на диското, Обвинителството сѐ спакува во еден предмет, со што ризикува да се развлекува постапката со години, па дури и децении. Со ваков пристап, правдата станува недостижна – а тоа е неприфатливо.
„Сериозно прашање е и одлуката приведените полицајци и полициски функционери, кои биле одговорни кобната вечер, да се пуштат на слобода со мерки за претпазливост. Особено загрижува фактот дека двајца од нив биле пресретнати на пат кон граница со Бугарија, што отвора сомнеж за можно бегство и криење на вината.
СДСМ уште еднаш потенцира – без целосна и непристрасна истрага, без одговорност за институциите и носителите на функции кои затаиле, нема да има вистинска правда за жртвите и нивните семејства.
Граѓаните гледаат. И со право очекуваат правда“, се додава во партиското соопштение.
Македонија
(Видео) Во Гази Баба се гради огромна дива депонија без никакви дозволи, објави Арсовска

Во општина Гази Баба, фирма затекната од инспекторат на град Скопје при вршење нелегални активности, правење огромна дива депонија со градежен и опасен отпад и бесправна експлоатација на земјиште, без лиценци, елаборати, дозволи и одобренија, што претставува сериозна опасност по здравјето на граѓаните и животната средина, објави градоначалничката на Град Скопје, Данела Арсовска.
„Апелираме до Министерството за внатрешни работи да постапи, бидејќи неказнивоста и непостапувањето предизвикува сторителите на вакви дела да мислат дека се недопирливи пред законот. Фирмата која прави дива депонија и каде се експлоатира, го има поткопано 110kV кабловски и воздушен далновод кој го напојува со електрична енергија градот Скопје. На ова земјиште сопственост на Република Македонија се прави сериозна штета на главниот далновод, известени се сите надлежни институции за кои очекуваме да не се кријат и да постапуваат“, вели Арсовска.