Спорт
„Винисиус мисли дека е недопирлив, бргу ќе сфати дека е лесно заменлив“
Евентуалниот трансфер на Килијан Мбапе во Реал Мадрид ќе предизвика заминување на Винисиус Жуниор, пренесуваат шпанските медиуми повикувајќи се на извори од „кралскиот клуб“.
Мбапе е долгогодишна желба на Реал и од клубот се надеваат дека конечно по завршувањето на оваа сезона ќе успеат да го реализираат овој трансфер. Доколку Реал го реализира планот и го донесе Мбапе, веднаш на продажба ќе го стави Бразилецот.
Винисиус минатата сезона постигна 23 гола и забележа 21 асистенција, оваа сезона има 10 гола и четири асистенции на 18 одиграни натпревари.
Тој веќе пропуштил повеќе од десет поради повреди.
„Се смета себеси за недопирлив, можеби затоа што е убеден дека ги отелотворува вистинските вредности на клубот“, пишува шпански „Спорт“, а потоа додава: „Сепак, тој има рок на траење на „Сантијаго Бернабеу“ и наскоро би можел да сфати дека е лесно заменлив отколку што мисли“.
Претседателот на клубот Флорентино Перез, се наведува во текстот, е личноста која одлучува за се, а целта му е да го доведе Килијан Мбапе. Доколку успее да го направи тоа во летниот преоден рок, ќе го жртвува Винисиус бидејќи е свесен дека тие двајца се неспоиви во фудбалот. Покрај тоа, трансферот на Винисиус ќе ги ослободи парите потребни за фараонските плати на Мбапе.
„Винисиус можеше да погледне што се случи со Кристијано Роналдо, најистакнатиот фудбалер во модерната историја на Реал. Тој го напушти клубот на „мала врата“, а Перез и денес зборува лошо за него“.
Винисиус е во Реал од 2018 година. Учествуваше во освојувањето на 10 титули со клубот, од кои две во Ла Лига и една од Лигата на шампионите. На 243 натпревари во белиот дрес постигна 69 и забележа 68 асистенции.
„Перез очекуваше тој да биде во Реал како што беше Нејмар во Барселона. Но, тој не е најдобриот играч на тимот. Единственото нешто во што го надмина Нејмар е неговото неприфатливо однесување на теренот“, пишува во текстот на „Спорт“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024