Спорт
(Видео) Дончиќ го одигра мечот на својот живот на годишнината од смртта на неговиот пријател Коби
Лука Дончиќ го одигра натпреварот на кариерата и постигна 73 поени во победата на Далас Маверикс над Атланта Хокс 148:143. Погоди 25 од 33 удари од поле, осум од 13 тројки и 15 од 16 слободни фрлања, а успеа да зграпчи 10 скока и да подели седум асистенции.
Неговиот историски учинок е четврти највисок учинок во историјата на НБА, а заедно со Вилт Чембрлен, кој покрај рекордните 100 имаше натпревар со 78 поени, само Коби Брајант (81) постигна повеќе од Дончиќ. Случајно или не, Дончиќ го постави својот рекорд токму на четвртата годишнина од трагичната смрт на Брајант во хеликоптерска несреќа.
Иако директно не му го посвети настапот, Дончиќ емотивно проговори за Коби кога го прашаа за него. „Беше многу посебно, сите го сакаме Коби, тоа беше голема трагедија, не ми се верува дека веќе поминаа четири години. Посебно е да се прави ова на тој ден. Очигледно, посакувам да беше тука“, изјави Дончиќ кој на Твитер го има Брајант и на профилот и на насловните фотографии.
Doncic spoke about scoring 73 points on the fourth anniversary of Kobe’s passing 🗣️
— Eurohoops (@Eurohoopsnet) January 27, 2024
Лука и Коби имаа посебен однос и се восхитуваа еден на друг, а во колективната меморија на НБА остана сцената од натпреварот во Далас кога Брајант седеше во првиот ред и разиграно го провоцира Словенецот на неговиот јазик.
„Слушнав како некој зборува на словенечки и се свртев да видам кој зборува на мојот јазик. Какво изненадување“, прокоментира подоцна Лука, кој му се насмевна на идолот, му ја подаде раката и продолжи да игра. Што му кажа Коби? „Некои грди зборови“, се насмеа Дончиќ тогаш. Брајант научи да пцуе на словенечки кога му беше соиграч на Саша Вујачиќ во Лејкерси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Почина еден од најдобрите фудбалери од минатиот век
На 73-годишна возраст почина Јохан Нескенс, еден од најдобрите фудбалери на 20 век.
Светско признание и слава стекна играјќи за холандската репрезентација, како и за клубовите Барселона и Ајакс.
Признаен како еден од најголемите фудбалери на 20 век, Нескенс, заедно со Јохан Кројф, беше дел од златната генерација на Ајакс која освои три европски купа на почетокот на 1970-тите, а исто така беше член на холандската репрезентација која стигна до две последователни финалиња Светско првенство во 1974 и 1978 година.
Johan Neeskens 🙏🏻
pic.twitter.com/YEsOykxim7— ᴇᴅᴜᴀʀᴅ ʟɪɴᴅᴇʙᴏᴏᴍ (@linde17) October 7, 2024
„Есенски ден кој започна сончево, додека не добивме порака од Алжир дека почина Јохан Нескенс. Јохан остана во Алжир поради проектот на нашата алијанса. Зборовите се несоодветни за оваа огромна, ненадејна загуба. Нашите мисли се со неговата сопруга Марлис, неговите деца, семејството и пријателите. Светот се збогува не само со надарениот спортист, туку особено од посветен, енергичен и прекрасен човек“, се вели на веб-страницата на Фудбалскиот сојуз на Холандија.
Спорт
(Видео) Што значи фудбалот за тебе? Одговорот на Иниеста е солзи
Андрес Иниеста пред неколку дена најави прес-конференција која ја закажа за 8 октомври во Барселона. Се шпекулира и сите очекуваат тој да објави дека става крај на својата играчка кариера.
Ден пред средбата со медиумите, Иниеста на социјалните мрежи објави кратко видео од кое треба да имаме претстава што не очекува.
Иако не беше конкретно наведено, се е јасно – Андрес Иниеста ја заврши кариерата.
„Што за тебе значи фудбалот?“, видеото започнува со тоа прашање.
Одговорот доаѓа по пауза и избришани солзи…
„За мене фудбалот беше…“ и нема крај на реченицата.
El Juego Continúa ❤️⚽️ 8️⃣🔟2️⃣4️⃣ pic.twitter.com/YLrDOfxVCB
— Andrés Iniesta (@andresiniesta8) October 7, 2024
Луис Енрике ќе каже дека се сеќава кога децата биле на улиците и кога мајките ги повикувале кога ќе се стемни и веќе не се гледа топката.
„Тоа е Андрес Иниеста за мене. Тој има 40 години и се уште не е сигурен – дали да продолжам да играм“.
И соиграчите и тренерите на Иниеста ќе се менуваат во своите изјави, ќе го фалат великанот што го имаше играта… Но, одговорот на Иниеста што е за него фудбалот – го нема.
Иако во двете минути од видеото наречено „Играта продолжува“, воздишките и солзите на Иниеста го кажуваат она што тој очигледно не може да го каже.
Спорт
Крај на сезоната и за Дуван Запата
Викендов сезоната која е на самиот почетоко заврши за уште еден фудбалер. Колумбиецот Дуван Запата, спроед прогнозите ќе паузари седум до девет месеци.
Запата се повреди во саботата на натпреварот против Интер.
Беше изнесен од теренот на носилки, па деталните анализи потврдија дека му се оштетени предните вкрстени лигаменти на коленото, а исто така го оштетил менискусот, што дополнително ја усложнува ситуацијата.
Запата е петтиот фудбалер кој во последниве две недели се здоби со тешка повреда поради која ја заврѓи сезоната.
Претходно тоа им се случи на Родри од Манчестер сити, десниот бек на Реал, Дани Карвахал, стоперот на Јувентус, Бремер, како и Марк-Андре тер Штеген и Марк Бернал од Барселона.