Спорт
(Видео) Одбиена е жалбата: ЕХФ ги „олади“ Швеѓаните, нема да има реприза на натпреварот
Европската ракометна федерација (ЕХФ) го отфрли протестот на Шведска по натпреварот против Франција, кој заврши на контроверзен начин со победа на галските петли благодарение на голот на Елоим Пранди во продолженијата.
Швеѓаните сметаат дека овој гол не требало да биде дозволен, бидејќи Пранди го постигнал од белата точка кога веќе истекло времето и ја поместил ногата за приземјување, што не е според правилата.
Македонските судии не реагираа, а правдата ја делеа Славе Николов и Ѓорѓи Начевски, па Французите преку продолженијата успеаја да ја совладаат Шведска, која веќе имаше победа во нивните очи.
Во соопштението се наведува дека Швеѓаните се жалеле на тоа што Николов и Начевски не ни помислиле да користат ВАР технологија за проверка на голот.
Од ЕХФ наведуваат дека внимателно ја провериле дадената ситуација, а комисијата утврдила дека судиите имаат право, но не и обврска да го сторат тоа, што сигурно ќе ги налути навивачите во Шведска.
Нагласено е дека ВАР се користи само кога судиите имаат сериозни сомневања за правилната одлука што треба да ја донесат или не можат јасно да ја видат ситуацијата. Очигледно тогаш немаше дилема за Николов и Начевски.
Дури и делегатот може да побара преглед на ВАР технологијата, но и тој не се сетил да го направи тоа.
Затоа одлуката стана правосилна и протестот беше отфрлен.
Погледнете го контроверзниот гол.
ELOHIM PRANDI SENDS US INTO EXTRA TIME 🤯🤯🤯#ehfeuro2024 #heretoplay #FRASWE pic.twitter.com/NJRaVdZyLc
— EHF EURO (@EHFEURO) January 26, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мареска цели кон напаѓач: Бонифејс е желба на Челзи
Челзи одлично ја започна новата сезона. Доаѓањето на Енцо Мареска е освежување на „Стемфорд Бриџ“, а на тренерот на „сините“ се уште му недостига напаѓач кој како да го пронајдоа.
Николас Џексон одлично ја започна сезоната и постигнува многу голови, но Челзи би сакал да купи уште еден центарфор од светска класа. Го најдоа во Германија.
🚨 Chelsea remain interested in signing Victor Boniface from Bayer Leverkusen as head coach Enzo Maresca searches for a striker.
(Source: @CaughtOffside) pic.twitter.com/8sVMhJFO36
— Transfer News Live (@DeadlineDayLive) October 7, 2024
Лондонскиот клуб го таргетираше Виктор Бонифејс како потенцијално засилување во шпицот на сезоната. Нигериецот и оваа сезона игра фантастично, па не изненадува интересот на големите клубови за него.
Бонифејс оваа сезона во Бундеслигата постигна четири гола на шест натпревари и се наоѓа во добра форма. Почувствува и како е да се игра во Лигата на шампионите, па е уште поискусен од претходната сезона.
Сепак, останува прашањето дали Леверкузен ќе го пушти зимава, бидејќи Нигериецот е важен играч и има важечки договор до 2028 година.
Според проценетиот пазар, Бонифејс вреди 40 милиони евра, но сепак Челзи би требало да плати многу повеќе. Тоа не им беше проблем во минатото…
Спорт
Почина еден од најдобрите фудбалери од минатиот век
На 73-годишна возраст почина Јохан Нескенс, еден од најдобрите фудбалери на 20 век.
Светско признание и слава стекна играјќи за холандската репрезентација, како и за клубовите Барселона и Ајакс.
Признаен како еден од најголемите фудбалери на 20 век, Нескенс, заедно со Јохан Кројф, беше дел од златната генерација на Ајакс која освои три европски купа на почетокот на 1970-тите, а исто така беше член на холандската репрезентација која стигна до две последователни финалиња Светско првенство во 1974 и 1978 година.
Johan Neeskens 🙏🏻
pic.twitter.com/YEsOykxim7— ᴇᴅᴜᴀʀᴅ ʟɪɴᴅᴇʙᴏᴏᴍ (@linde17) October 7, 2024
„Есенски ден кој започна сончево, додека не добивме порака од Алжир дека почина Јохан Нескенс. Јохан остана во Алжир поради проектот на нашата алијанса. Зборовите се несоодветни за оваа огромна, ненадејна загуба. Нашите мисли се со неговата сопруга Марлис, неговите деца, семејството и пријателите. Светот се збогува не само со надарениот спортист, туку особено од посветен, енергичен и прекрасен човек“, се вели на веб-страницата на Фудбалскиот сојуз на Холандија.
Спорт
(Видео) Што значи фудбалот за тебе? Одговорот на Иниеста е солзи
Андрес Иниеста пред неколку дена најави прес-конференција која ја закажа за 8 октомври во Барселона. Се шпекулира и сите очекуваат тој да објави дека става крај на својата играчка кариера.
Ден пред средбата со медиумите, Иниеста на социјалните мрежи објави кратко видео од кое треба да имаме претстава што не очекува.
Иако не беше конкретно наведено, се е јасно – Андрес Иниеста ја заврши кариерата.
„Што за тебе значи фудбалот?“, видеото започнува со тоа прашање.
Одговорот доаѓа по пауза и избришани солзи…
„За мене фудбалот беше…“ и нема крај на реченицата.
El Juego Continúa ❤️⚽️ 8️⃣🔟2️⃣4️⃣ pic.twitter.com/YLrDOfxVCB
— Andrés Iniesta (@andresiniesta8) October 7, 2024
Луис Енрике ќе каже дека се сеќава кога децата биле на улиците и кога мајките ги повикувале кога ќе се стемни и веќе не се гледа топката.
„Тоа е Андрес Иниеста за мене. Тој има 40 години и се уште не е сигурен – дали да продолжам да играм“.
И соиграчите и тренерите на Иниеста ќе се менуваат во своите изјави, ќе го фалат великанот што го имаше играта… Но, одговорот на Иниеста што е за него фудбалот – го нема.
Иако во двете минути од видеото наречено „Играта продолжува“, воздишките и солзите на Иниеста го кажуваат она што тој очигледно не може да го каже.