Спорт
(Видео) Пет гола во мрежата на Барселона – Виљареал победи на „Монжуик“
Еден од најдобрите натпревари сезонава во Ла Лига одиграа Барселона и Виљареал, на крајот гостите славеа по голем пресврт со 5:3 со голиви постигнати во 99. и 102.минута.
Барселона дефинитивно губи чекор во шампионската трка со Реал Мадрид и Џирона. Каталонците доживеаја тежок пораз на домашен терен од Виљареал, откако се врати од 0:2. На крајот „жолтата подморница“ испука пет торпеда во мрежата на Ињаки Пења.
На „Монжуик“, беа видени два пресврт и осум гола. Гостите поведоа со голот на Морено во 41. минута. И покрај тоа што на истиот играч нешто порано, во 22. минута, му беше поништен гол поради прекршок во нападот.
Акомах ја удвои предноста во 54. минута, по големата грешка на Жоао Кансело.
Во тој момент сите ја прежалија Барселона, но играчите на Чави изведоа нестварен пресврт. За само 11 минути постигнаа три гола и го презедоа водството. Надежта им ја врати Гундоган во 60. минута, а истиот играч осум минути подоцна му асистираше на Педри за израмнување.
Веќе во 71. минута Барселона направи пресврт, со автоголот на Баи.
Но, Виљареал не се предаде, во 84. минута публиката во Барселона беше шокирана од Гуедеш, кој на своето деби за Виљареал постигна гол за 3:3.
Тука не беше крај на драмата, во 99.минута полуконтра на Виљареал, дефанзивецот Кубарси и голманот Пења несмасно интервенираа, а грешката ја казни играчот на мечот Сорлот. Точка на натпреварот во 102.минута стави ветеранот Моралес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Крај на сезоната и за Дуван Запата
Викендов сезоната која е на самиот почетоко заврши за уште еден фудбалер. Колумбиецот Дуван Запата, спроед прогнозите ќе паузари седум до девет месеци.
Запата се повреди во саботата на натпреварот против Интер.
Беше изнесен од теренот на носилки, па деталните анализи потврдија дека му се оштетени предните вкрстени лигаменти на коленото, а исто така го оштетил менискусот, што дополнително ја усложнува ситуацијата.
Запата е петтиот фудбалер кој во последниве две недели се здоби со тешка повреда поради која ја заврѓи сезоната.
Претходно тоа им се случи на Родри од Манчестер сити, десниот бек на Реал, Дани Карвахал, стоперот на Јувентус, Бремер, како и Марк-Андре тер Штеген и Марк Бернал од Барселона.
Спорт
Погба и Јувентус ќе ја раскинат соработката
Пол Погба официјално ќе се врати на терените следната година откако и официјално беше потврдено дека сусоензијата од четири години му е намалена на 18 месеци.
Светскиот првак со Франција ќе може да тренира од јануари, а од март 2025 година целосно може да му се врати на фудбалот.
Според Фарбрицио Романо, Јувентус и Погба сега ќе отворат преговори за раскин на договорот и се очекува тој наскоро да биде слободен агент.
Погба беше казнет откако беше позитивен на тестостерон на натпреварот од првото коло минатата сезона кога Јувентус играше со Удинезе.
Спорт
Со „Среќна 13-ка“ на „Спорт лајф“ секој месец добивки до 120 илјади денари
Во обложувалниците на Спорт Лаиф, во тек е акцијата „Среќна 13-ка“, која може да ви донесе премија и до 120 000 денари. Истата ќе се одвива во месечни етапи сѐ до 30 јуни наредната 2025 година.
Акцијата се однесува на тикетите на кои се типувани и погодени 13 натпревари, со минимален коефициент по натпревар од 1,4 и со минимална уплата од 20 денари.
На крајот на секој месец, ако двајца или повеќе обложувачи имаат погодено 13 натпревари на тикет од исто толку типувани, за победник ќе се смета играчот со повисок погоден коефициент на добитниот тикет. Првопласираниот ќе освои 120.000 денари, додека второ и третопласираните 60.000 и 20.000 денари, за секоја месечна етапа посебно.
Акцијата важи исклучиво за несистемски тикети, односно за тикети со една комбинација, и тоа регистрирани со SL клуб-картичката, а во понудата на натпревари се опфатени и натпреварите „Во живо“ и натпреварите од понудата „Супер тип“.
Резултатите и тековните рангирања на обложувачите од „Среќна 13-ка“, можете да ги следите на веб страницата на Sport Life.
ПР текст