Спорт
Чави се вади на четвртиот судија: Ми кажа дека беше чист пенал
Вечерва Барселона и Виљареал одиграа спектакуларен натпревар на „Монжуик“, кој заврши со победа на „жолтата подморница“ 5:3.
Виљареал водеше 0:2, но таа предност Барселона ја стигна и престигна за само 11 минути. Во 84.минута Гуедеш изедначи на 3:3, а потоа Виљареал постигна два гола во 99. и 102.минута за конечен триумф.
По натпреварот во Барселона се огорчени на судијата, сметаат дека се оштетени за пенал, во судиското надополнување на времето.
Главниот судија покажа на белата точка, но откако доби сугестија од ВАР собата да ја прегледа снимката ја смени својата одлука. Впечаток е дека пенал немаше, односно дека раката на Комесања беше во природна положба, а топката го погоди во лактот.
Тренерот на Барселона, Чави, ја презеде одговорноста за поразот но посебен акцент стави на поништениот пенал.
„Ќе ме казнат, но вие анализирајте дали тоа беше игра со рака или не. Таа ситуација го реши натпреварот. Четвртиот судија ми рече дека е чист пенал. Нема повеќе да зборувам, но има слики…“, изјави Чави за судењето.
Неговиот тим упати 22 удари кон противничкиот гол, три пати ја затресе мрежата, но имаше многу слабости во одбраната кои фудбалерите на Виљареал знаеја да ги искористат.
„Овој ден е олицетворение на нашата сезона. Ни недостигаше зрелост. Тимот е емотивно уништен. Јас сум најодговорен за оваа ситуација. Лошо ја менаџиравме ситуацијата и не ги направивме тактичките фаули што беа потребни. Сега треба да ја смениме динамиката.
Мораме побрзо да го вратиме поседот за да спречиме да се случат вакви контранапади. Не можете да ја вратите топката? Тогаш правете тактички фаули“, рече Чави со оптимистичка порака:
„Како клуб, Барса излегувала и од полоши сутиации“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024