Свет
Галант: Елиминирана четвртина од терористите на Хамас
![](https://makfax.com.mk/wp-content/uploads/2023/12/izraelska-vojska.jpg)
Израелскиот министер за одбрана, Јоав Галант, изјави дека „четвртина од терористите на Хамас се елиминирани“, а „барем една четвртина сè уште се ранети“, објави „Џерусалем пост“.
„Ние сме во долга војна, но на крајот ќе го скршиме Хамас. Се бориме против џебовите на отпорот, ќе бидат потребни месеци, а не еден ден. Од друга страна, тие немаат резерви, немаат муниција и нема засилување. Тешко им е да се грижат за себе, за нашите ранети и за други работи. Веќе убивме најмалку една четвртина од терористите на Хамас, а исто толку се ранети“.
Портпаролот на израелските одбранбени сили (ИДФ), Даниел Хагари, изјави дека израелската армија досега убила повеќе од 2.000 оперативци во областа на градот Кан Јунис, јужно од Појасот Газа.
Хагари рече дека главните борби моментно се водат во Кан Јунис за кој рече дека е „упориштето на Хамас на југ, каде што војниците работат на елиминирање на Хамас“.
„Во Кан Јунис повеќе од 2.000 оперативци на Хамас се убиени, и на терен и во подземн и објекти, од почетокот на операцијата на југот минатиот месец“, додаде Хагари, според „Тајмс оф Израел“.
Тој исто така истакна дека „многубројни команданти на Хамас биле убиени, побегнале или ѝ се предале на израелската армија“.
„Нашите војници уапсија многубројни борци на Хамас, кои учествуваа во терористичкиот напад на 7 октомври“, рече Хагари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Хорор во Америка, регистрирани неколку напади на ајкули
![](https://makfax.com.mk/wp-content/uploads/2024/07/Screenshot-2024-07-05-145108.jpg)
Три лица се повредени во напади на ајкула во Тексас и Флорида, соопштија денеска официјални лица.
Ајкула каснала за стапало млад човек недалеку од плажата на Флорида и тој бил пренесен во болница, јави Си-ен-ен.
Во Тексас група од четири лица наишле на ајкула додека пливале во океанот веднаш до брегот на островот Јужен Падре.
Ајкулата каснала двајца од нив, а уште едно лице од групата било повредено додека се обидувало да им помогне. Двете лица, кои биле каснати од ајкула, биле пренесени во болница во Браунсвил.
„Појавата на ајкули не е вообичаена во Тексас“, велат локалните власти.
Според податоците на Меѓународната организација за следење напади на ајкули, Тексас имал само 10 напади на ајкули од 2012 година. Најмногу имало на Флорида, дури 259, потоа на Хаваи – 76, Јужна Каролина – 45, а 31 напад на ајкула е забележан во Северна Каролина и 29 во Калифорнија.
Европа
Столтенберг: НАТО беше однапред информиран за одењето на Орбан во Москва
![](https://makfax.com.mk/wp-content/uploads/2024/06/stoltenberg.jpg)
Генералниот секретар на НАТО, Јенс Столтенберг, денеска изјави дека алијансата била однапред информирана за заминувањето на унгарскиот премиер, Виктор Орбан, во Москва на разговори со рускиот претседател, Владимир Путин.
Столтенберг на самитот на НАТО истакна дека Орбан патува во својство на премиер на Унгарија и дека нема да го претставува НАТО, чиј член е Унгарија, во Москва, пренесува „Ројтерс“. Орбан рано денеска пристигна во Москва и по пристигнувањето рече дека со оваа посета ја продолжува мировната мисија откако неодамна го посети Киев, каде што разговараше со украинскиот претседател, Володимир Зеленски.
Столтенберг рече и дека НАТО работи на подготовка на Украина за приклучување кон алијансата.
„Сè што правиме, правиме за да ја направиме Украина посилна и поподготвена да се приклучи на нашиот сојуз“, рече тој додавајќи дека очекува земјите членки да обезбедат повеќе воздушна одбрана и муниција на Украина.
Столтенберг додаде дека Украина треба да одлучи, кои се прифатливите услови за мировни преговори. Од друга страна, според него, нема индиции дека Путин е подготвен за мир.
Европа
Кир Стармер официјално назначен за нов премиер на Обединетото Кралство
![](https://makfax.com.mk/wp-content/uploads/2024/07/Screenshot-2024-07-05-141137.jpg)
Британскиот крал Чарлс денеска му го довери мандатот за формирање на новата влада на Велика Британија на лидерот на Лабуристичката партија, Кир Стармер, по убедливата победа на неговата партија на парламентарните избори.
Назначувањето на Стармер за премиер беше потврдено од Бакингемската палата.
„Кралот го прими уважениот Кир Стармер и побара од него да формира нова влада. Стармер ја прифати понудата“, соопшти Бакингемската палата, пренесува „Гардијан“.
По Бакингемската палата, Стармер се упати кон Даунинг стрит, каде што се наоѓа седиштето на британската влада. На општите избори во ОК, Лабуристичката партија освои 410 од 650 места во долниот дом, со што стави крај на 14-годишната влада предводена од конзервативците.
Претходно денеска, сега веќе поранешниот премиер Риши Сунак му поднесе оставка на кралот Чарлс.