Спорт
Барселона во преговори со „Пума“ за спонзорски договор

Барселона и Пума се блиску до остварување на историско спонзорство, кое на Каталонците би им донело околу 200 милиони евра по сезона, пренесува „Спорт“.
Како што пренесува шпанскиот весник, преговорите меѓу двете страни во последно време водат интензивни преговори. .
Доколку дојде до договор, тој би можел да стане најпрофитабилниот договор за спонзорство на дрес во фудбалот.
Најмалку 115 милиони евра годишно се наменети за Барселона, но таа бројка може да се искачи до 200 милиони, доколку се исполнат одредени услови.
Главната пречка е што каков било договор меѓу Барса и Пума не може да се заврши поради договорот со Најк.
Најк соработува со Каталонците од 1998 година. Во моментов според договорот дава 105 милиони евра по сезона, а таа бројка може да порасне и до 155 милиони, пренесува „Спорт“.
Истиот извор наведува дека Пума нема да го парафира договорот, освен ако дојде до прекин на соработката со актуелниот спонзор, но е подготвена да и понуди бонус на Барселона, доколку успее да излезе од договорот со американската компанија. .
Најк верува дека ќе претрпи загуба од 350 милиони евра доколку Бараса ја прекине соработката и дефинитивно нема намера да прифати таква понуда.
Во исто време Барселона преговара со Пума, и се обидува да го реши проблемот со Најк.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Турција ја загази Летонија

Турција, во дербито на денот на 42. Европско првенство во кошарка, ја декласира домашната селекција Летонија со 93:73 (24.21, 23:18, 25:16, 21:18).
Тирците буквално го затрупаа летонскиот кош, шутира фантастични 60 проценти за три поени, Турците погодија а 15 од 25 обиди од зад линијата 6,75.
Летонсците некако се држеа до третиот период, кога се разиграа Шејн Ларкин И Џеди Осман. На почетокот на последниот период резултатот беше 72:55, а во последниот пеирод Турците имаа предост и од 24 поени.
На крајот, најефикасни во Турција беа Осман со 20, Сипахи со 19, Шенгун со 16 и Ларкин со 15 поени. Летонците исто така имаа четворица со двоцифрен број на поени, но со многу послаб настап, Ломас постигна 16, Жагарс 11, а Порзингис и Шмитс постигнаа по десет поени.
Foto/ EPA
Спорт
Убедлив триумф на Литванија во првиот меч на ЕП

Европското првенство во кошарка, 42. по ред, започна со убедливата победа на Литванија против селекцијата на Велика Британија 94:70.
Балтичката селекција против Велика Британија ја оправда својата улога како фаворит во првото коло. Велика Британија даде се од себе, ослабена од отсуството на Гејб Оласени поради повреда на грбот.
Литванците лошо шутираа на овој меч, погодија само две тројки од 19 обиди, но одбраната и офанзивниот скок им обебзедија убедлива победа. Две третини од поените Литванците постигнаа од рекетот.
Британците добро се држеа три четвртини, се враќаа на едноцифрен минус, но потоана во последноте седум минути кога Литванците направија предност од 20 пеони.
Очекувано доминираше во рекетот Јона Валачиунас со 18 поени и девет скока, поен помалку со седум скока имаше Тубелис, а Јокубаитис и Нормантас забележаа по 12 поени.
на спротивната страна се истакна Јебоа со 17 поени, а двоцифрени, со по 10 поени беа Филип и Хенсон.
Foto/ EPA/KIMMO BRANDT
Спорт
Вулверхемптон одби уште една понуда од Њукасл за Ларсен

Фудбалскиот клуб Вулверхемптон ја одби и втората понуда од Њукасл за норвешкиот напаѓач Јорген Странд Ларсен, кој постигна два гола во вчерашната победа над Вест Хем во Лига купот.
Њукасл овој пат понуди 55 милиони фунти, откако претходно беше одбиена и понуда од 50 милиони фунти.
Управата на Вулверхемптон не сака да се откаже од 25-годишниот репрезентативец на Норвешка, пред сè поради краткото време за наоѓање замена, бидејќи шреодниот рок завршува за четири дена.
Странд Ларсен беше купен од Селта минатото лето за 23 милиони фунти и постигна 14 гола во Премиер лигата минатата сезона.