Спорт
Чаби Алонсо се распрашува за Марко Асенсио
Марко Асенсио би можел да го напушти Пари Сен Жермен на крајот од преодниот рок.
Според последните информации, Чаби Алонсо контактирал со својот сонародник и му понудил место во својот тим, кој води жестоката битка за титулата во Бундес лигата..
И покрај тоа што од ПСЖ излегоа со став дека Асенсио не е на продажба, во овој случај може да пресуди желбата на фудбалерот.
Асенсио не е стандарден кај Луис Енрике, дефинитивно очекуваше дека во првиот дел од сезоната ќе одигра повеќе од 572 минути.
Асенсио забележа 12 настапи, главно како замена во клучните натпревари, постигна четири гола и забележа три асистенции.
Баер Леверкузен ќе се обиде да го доведе до крајот на преодниот рок. Се уште не е познато дали се работи за директен трансфер или позајмица до почетокот на летото, со потенцијален откуп…
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Фотографија на годината: Белингем ја сликаше мајка си со Мурињо
Невообичаено интересна сцена по финалниот натпревар од Лигата на шампионите во Лондон.
Еден од најдобрите актери на финалето на Вембли, 20-годишниот Џуд Белингем по мечот најпрвин ја прослави титулата со соиграчите, потоа ја сподели радоста со братот и мајка си, а потоа отиде директно кај Жозе Мурињо и побара од него услуга:
„Го замолив Жозе Мурињо да се слика со мајка ми, таа е негова обожавателка со години“, изјави младиот фудбалер за англиските медиуми.
“Sorry about that, my mum’s fancied you for years!” 🤣🥰
We’re all here for Jude Bellingham’s mum asking for a picture with Jose Mourinho 📸#UCLfinal | @BellinghamJude pic.twitter.com/6j96sy7wUG
— Football on TNT Sports (@footballontnt) June 1, 2024
Славниот Португалец, еден од специјалните гости на Вембли, со задоволство го прифати предлогот, но ја искористи приликата да се пошегува и да го „регрутира“ Џуд Белингам.
„Сега ти дојди во Фенербахче“, му рекол.
Жозе Мурињо штотуку стана нов тренер на турскиот гигант, а како и сите тренери во светот, би сакал во својот тим да види суперталентиран фудбалер.
Реал ја победи Борусија Дортмунд со 2:0 во финалето на Лигата на шампионите на Вембли и ја освои рекордната 15-та титула на Европското првенство.
Спорт
Ѓоковиќ и Мусети играа до три сабајле – Светскиот број 1 победи во пет сета
Новак Ѓоковиќ и Лоренцо Мусети одиграа спектакуларен меч во третото коло на Ролан Гарос. Мечот траеше четири часа и 29 минути, заврши во три часот и седум минути. Ѓоковиќ славеше со 7:5, 6:7, 2:6, 6:3, 6:0.
„Ова е можеби мојот најдобар меч во кариерата на Ролан Гарос“, рече Ѓоковиќ по победата над Мусети.
Поради пренатрупаниот распоред, мечот започна два часа подцна од предвиденото во 22:35 часот. Оние кои останаа, а ги имаше доста присуствуваа на најдобриот меч во досегашниот тек од турнирот.
Блескаше Мусети, спаси сет топка за предност на Ѓоковиќ 2:0, го освои сетот изедначи на 1:1, а потоа во третиот сет издоминира против свеетскиот број 1. На крајот третиот сет Мусети имаше 12 винери повеќе и 10 неизнудени грешки помалку.
Но Мусети потона по 2:2 во четвртиот сет. Веројатно клучниот момент се случи при резултат 40:30, кога Италијанецот направи дупла грешка, а потоа Ѓоковиќ направи брејк.
Тука играта на Мусети се распадна, до крајот на мечот тој освои само еден гем, а Ѓоковиќ 10.
Противник на Ѓоковиќ во четвртото коло ќе му биде Аргентинецот Франсиско Серундоло.
Спорт
Дон Карло, апсолутен рекордер во Лигата на шампионите
Тренерот на Реал Мадрид, Карло Анчелоти стана најтрофејниот тренер во историјата на Лигата на шампионите.
На „Вембли“, петти пат во кариерата стана европски првак. Реал во финалето ја победи Борусија Дортмунд со 2:0.
Дон Карло трипати го освојуваше овој трофеј со Реал, а уште два пати со тимот на Милан.
По натпреварот тој имаше интересна изјава за тоа како ќе го прослави овој апсолутен рекорд и уште еден трофеј во низа.
„Ќе славам во карактеристичен стил, со уште една пура на плоштадот Цибелес во Мадрид“, беше одговорот на Анчелоти во изјавата за шпански „Мовистар“.
Секако, имаше и неколку зборови за самиот натпревар.
„Малку го турнавме Винисиус понапред, бидејќи во првото полувреме бевме малку мрзеливи, ја губивме топката. Играа како што сакаа, влегоа во многу опасни ситуации и многу опасно не нападнаа“, изјави Анчелоти.
Имаше што да каже и за Тони Крос кој со оваа титула се збогува од Реал Мадрид.
„Малку е тажно што Тони вака не остава. Но тој е на врвот на кариерата и тоа мора да се почитува“, заклучи Анчелоти.