Спорт
Хамилтон од 2025 година во Ферари?!
Скудерија Ферари е на добар пат да потпише договор со Луис Хамилтон (39), седумкратниот светски шампион во Формула 1, во следните неколку дена, најавуваат добро информираните италијански новинари.
Според истите извори, Британецот директно преговара со претседателот на Ферари, Џон Елкан и доколку се биде во ред, договор ќе биде постигнат во следните неколку дена.
Хамилтон би се преселил во Маранело во 2025 година, иако има договор со Мерцедес до крајот на таа година.
Меѓутоа, во истиот тој договор меѓу Хамилтон и тимот од Бракли, постои клаузула која му дозволува да го напушти тимот на крајот на 2024 година. Ако оваа информација се покаже како точна, Хамилтон во тимот би дошол на местото на Карлос Саинц јуниор и би му бил партнер на Шарл Леклер кој минатата недела потпиша нов договор со Ферари.
Во исто време, новинарот Вил Бакстон на својот профил на социјалната мрежа „X“, напиша:
„Слушам дека големата вест доаѓа на крајот на неделата. Ако е тоа што мислам, ќе биде огромно“.
Останува да видиме дали трансферот на Хамилтон во Ферари ќе испадне реалност или уште една доза неосновани шпекулации на италијанските медиуми.
Минатата година, пред Британецот повторно да потпише за Мерцедес, се шпекулираше дека е блиску до преселба во најуспешниот тим во историјата на Формула 1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Уште една шлаканица за Ѓоковиќ, елиминиран од Махач во полуфиналето во Женева
Новак Ѓоковиќ уште еднаш ги разочара своите навивачи. Најдобриот светски тенисер испадна во полуфиналето на турнирот од серијата 250 во Женева. Јиржи Махач го порази Ѓоковиќ со 6:4, 0:6, 6:1. И покрај та што не играше на многу турнири од почетокот на сезоната, нестварно звучи податокот дека Ѓоковиќ се уште играл финале во 2024 година.
Српскиот тенисер оваа сезона не игра на своето препознатливо ниво. Три полуфиналиња на Австралија опен, во Монте Карло и во Женева, не се резултатите на кои е навикнат Новак, кој во лоша форма ќе пристигне во Париз, каде во понеделник ќе започне вториот Грен слем сезонава, Ролан Гарос, а накој Ѓоковиќ ја брани титулата.
Чехот Јиржи Махач ја забележа најголемата победа во кариерата. Ги искористи сите грешки и подароци што му ги сервираше Ѓоковиќ.
Ѓоковиќ имаше комтни 4:1 во првиот сет кога влезе во „црна дупка“, Махач освои пет гема во низа и го освои првиот сет.
Во вториот се „појави“ вистонскиот Ѓоковиќ, го збриша противникот со 6:0, за во третиот повторно да падне во летаргија. Го освои првиот гем, а потоа Махач доби шест гема во низа и се пласира во финалето.
Спорт
Инзаги тренер на сезоната во Серија А
Тренерот на Интер, Симоне Инзаги е прогласен за најдобар тренер во Серија А за оваа сезона, соопштија челниците на натпреварувањето.
Наградата ја додели жирито на директори на спортските медиуми. Тие го оценуваа секој тренер врз основа на технички и спортски критериуми, квалитетот на играта на нивните тимови, како и нивното однесување на натпреварите.
Инзаги со Интер во актуелната сезона убедливо ја освои титулата шампион на Италија, на коло пред крајот на првенството има 19 бода повеќе од второпласираниот Милан.
Тој во досегашната кариера покрај Интер беше тренер и на Лацио.
Спорт
(Видео) Тепачка меѓу навивачи на ПАО и Фенер, има повредени
Во пресрет на првото полуфинале во Евролигата, во кое од 18 часот ќе се сретнат Панатинаикос и Фенербахче, на улиците на Берлин дошло до општа тепачка.
Како и претходните денови дојде до конфликт меѓу две навивачки групи, доста бројни на овој фајналфор.
Инцидентите се случиле пред „Убер арена“. каде се одржува завршниот турнир. Полицијата имала има полни раце работа.
Има повредени, но и уапсени, но нивниот број не е познат.
Исто така, од местото на настанот пристигнуваат информации дека голем број турски навивачи сакаат да влезат во салата без билет.
Fenerbahçe taraftarı Türkiye’ye küfür eden bir grup eşşeğe Berlin’de haddini bildiriyor. pic.twitter.com/5eluFy6pKo
— Honorede (@HonoreDeBerke) May 24, 2024
Και σύλληψη οπαδού του #paobc pic.twitter.com/WS7RkeEC3S
— Yannis Psarakis (@YPsar) May 24, 2024
Τώρα επεισόδια #paobc pic.twitter.com/0tu6ExCo0m
— Yannis Psarakis (@YPsar) May 24, 2024
Turkish fans tried to enter the arena without tickets, doors are locked down, arrests are made pic.twitter.com/Zk0h28LQsh
— Eurohoops (@Eurohoopsnet) May 24, 2024