Свет
Три девојчиња починаа поради ритуален обред во Сиера Леоне
Три девојчиња починаа во Сиера Леоне поради ритуален обред на женските гениталии, а родителите на децата и оние кои ја извршиле процедурата се во полициски притвор, изјави Амината Корома, извршен секретар на Форумот против штетни практики, организација која работи против ваквите појави во Сиера Леоне.
Полицијата ја истражува смртта на 12-годишната Адамсаи Сесаи, 13-годишната Саламат Џалох и 17-годишната Кадијата Бангура, кои починаа минатиот месец за време на обредот во северозападниот дел на Сиера Леоне.
Според Корома, родителите во Сиера Леоне трошат меѓу 300 и 400 долари за церемонијата, која трае околу три недели.
Организацијата лобира за закон кој би го криминализирал овој ритуал и работи на промовирање на алтернативни обреди кои би ја замениле сегашната практика.
И покрај повиците на активистите и поборниците за човекови права да се криминализира оваа практика, таа останува легална во Сиера Леоне.
Националното истражување од 2019 година покажа дека 83 проценти од жените биле подложени на ритуалот, што е мало намалување во споредба со 90 проценти од жените кои биле подложени на пракса пред 11 години.
„Целосно е неприфатливо, и покрај фактот што жените и девојчињата продолжуваат да умираат од FGM во Сиера Леоне, владата останува целосно апатична и не сака да ги преземе неопходните активности за да спречи такви смртни случаи или да ја забрани практиката“, рече Диниа Сринивасан од организација „Еднаквост сега“.
Во јужниот дел на Сиера Леоне, во областа Бронте, пред три години, 21-годишнata Масерај Сеи починалa од компликации по ритуалот за FGM.
Лицето кое го извршило ритуалот е обвинето за убиство од небрежност, но случајот е отфрлен поради грешка во лекарскиот извештај за смртта на девојчето.
Иако Обединетите нации донесоа резолуција со која се забранува ритуалот за FGM уште во 2012 година, тој сè уште се практикува во околу 30 земји, пишува Гардијан.
Според сегашните проценки, најмалку 200 милиони жени и девојки ширум светот се подложени на ритуалот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Ковчези со натпис „Француски војници во Украина“ пронајдени во близина на Ајфеловата кула
Полицијата уапси три лица откако беа пронајдени пет ковчези во близина на Ајфеловата кула во Париз, обложени со француски знамиња со натпис „Француски војници во Украина“, пренесува „АФП“.
Инцидентот се истражува како можно мешање на странска сила во француските работи, соопшти полицијата.
Вчера околу 9 часот три лица оставиле пет ковчези во близина на подножјето на Ајфеловата кула, една од најпосетуваните туристички атракции во светот. Во кутиите имало гипс, изјави за АФП извор близок до случајот.
Возачот на комбето со кое ги превезувал ковчезите, кој бил уапсен во близина, во полиција изјавил дека за тоа му биле платени 40 евра. Се претпоставува дека мажот пристигнал од Бугарија претходната вечер.
Другите двајца беа уапсени подоцна на другиот крај на градот на автобуската станица Берси каде што требаше да се качат на лет за Берлин.
Претседателот Емануел Макрон минатиот месец изјави дека прашањето за испраќање западни трупи во Украина би било легитимно доколку Русија ги пробие линиите на украинскиот фронт и Киев поднесе такво барање.
Макрон ги повтори тие тврдења неколку пати, а Кремљ ги осуди неговите изјави, нарекувајќи ги „опасни“.
Француските власти се сомневаат во руско мешање во неколку други неодамнешни инциденти, вклучително и минатиот месец кога беа испишани црвени графити на францускиот споменик на Холокаустот.
Тројца осомничени во тој случај побегнале во странство.
Франција се сомнева дека Русија стои зад уште еден инцидент, поставувањето на десетици Давидови ѕвезди на зградите во Париз и предградијата набргу по нападот на 7 октомври од милитантите на Хамас врз Израел.
Инспекторите рекоа дека некои од масовните графити, широко осудени како антисемитски, можеби биле извршени на „експресно барање“ на лице кое живее во странство, што имплицира можна поврзаност со Русија. Москва негираше дека има некаква врска со тоа.
Свет
Трамп: На Меланија и е тешко поради моето судење
Доналд Трамп изјави дека судскиот процес против него е многу тежок за неговата сопруга, поранешната прва дама Меланија Трамп, пренесува Newsweek.
Трамп стана првиот поранешен претседател на САД кој беше осуден за кривично дело кога беше прогласен за виновен во четвртокот за 34 точки од обвинението за фалсификување деловни досиеја во случај што произлегува од тајните плаќања на порно актерката Сторми Даниелс за време на претседателската кампања во 2016 година.
Тој е обвинет дека се обидел да ја прикрие веста за наводната вонбрачна сексуална врска. Трамп негираше дека имал афера со Даниелс и жестоко ја критикуваше пресудата на поротата.
Додека неколку членови на семејството на Трамп присуствуваа на судењето за да ја покажат својата поддршка, Меланија Трамп не дојде во судницата.
Во интервјуто што се емитуваше на Фокс во неделата, Трамп рече дека Меланија е добро, но дека и е многу тешко.
„Мислам дека е потешко за моето семејство отколку за мене“, рече Трамп.
„Добро е, но мислам дека и е многу тешко. Мислам, добро е. Но, знаете, таа мора да ги прочита сите овие сра*а“, додаде тој.
Инаку, извори блиски до Трамп изминативе денови зборуваа за гневот на Трамп што Меланија не му пружила јавна поддршка. Меланија не се појави на ниту едно судење во постапката против Трамп.
Свет
Пронајдени телата на двете девојки што ги однесе реката во Италија, потрагата по момчето се’ уште трае
Телата на двете девојки кои исчезнаа пред неколку дена заедно со млад човек кога ги однесе надојдената вода додека стоеја прегрнати, се пронајдени денеска околу пладне во реката Натисон во Премариакo.
Оваа информација ја потврди и градоначалникот на Премариакo, Микеле де Сабата.
Станува збор за Бјанка Дорох, 23-годишна девојка која пристигнала од Романија пред неколку дена да ги посети родителите кои живеат во Удине, но и да се состане со своето момче Кристијано Касијано Молнар (25) кое живее во Австрија; и Патриша Кормос, која утрото пред да замине на брегот го положила испитот на Академијата за ликовни уметности во Удине.
Како што пишува италијанскиот Тикали, телата на девојчињата ги пронашле припадниците на Цивилната заштита на неколку стотини метри од местото каде што ги одвлекла поројната вода.
Потрагата по Кристијано продолжува. Како што соопшти градоначалникот Де Сабата, во потрагата се вклучиле и голем број волонтери и граѓани.