Спорт
Трагедија кај познат фудбалер: крадци упаднале во домот, ја задавиле тетка му, а потоа ги претепале мајка му и вујко му
Страшна вест доаѓа од Мексико, каде на фудбалерот на грчки АЕК, Родолфо Пизаро, крадци ја задавиле тетка му, а ги претепале мајка му и вујко му.
Играчот од средниот ред не бил во Мексико за време на злосторството. Според локалните медиуми, неговата тетка, Елизабет Томас Гонзалес, најпрвин била претепана, а потоа задавена, додека неговата мајка Лаура била тешко повредена.
Наводно, се се случило кога мајката и вујкото на фудбалерот заедно со куќната помошничка отишле кај неговата тетка, која не им се јавувала на телефон.
На лице место нашле грозоморни сцени, а крадците почнале да ги тепаат. Голема трагедија е избегната благодарение на куќната помошничка која успеала да повика помош, а на местото на настанот брзо пристигнале полициски патроли и медицински служби.
За жал, само можеле да ја констатираат смртта на тетката на Пизар.
¡FUERZA RODO ESTAMOS CONTIGO! 🙏
Lamentablemente le arrebataron la vida a la tía de Rodolfo Pizarro en Ciudad Madero
Su mamá intentó huir y recibió dos impactos de bala, su tío fue golpeado gravemente pic.twitter.com/If6rwQbPuW
— Analistas (@SomosAnalistas_) January 29, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Тиквеш го освои Купот на Македонија
Foot/ ffm.mk
Фудбалерите на Тиквеш испишаа историја и за прв пат во историјата го освоија Купот на Македонија. Исто така, оваа победа им овозможи на кавадарчани првпат да учествуваат во европските купови, тие ќе играат во квалификациите во Конференциската лига.
Во финалето кое се одигра на Националната Арена националниот стадион „Тодор Проески“ во Скопје ја совлада Воска Спорт со 2:1.
Тиквеш поведе преку Кристијан Стојкоски, кој постигна одличен гол од слободен удар во 41. минута.
Tikves markiert in der 41. Minute das 1:0 per Freistoß https://t.co/nOamIuabKS pic.twitter.com/GoNMIrOQ4K
— Makedonien.mk (@makedonien_mk) May 22, 2024
По еден час игра, Бразилецот Луан Силва зголеми на 2:0, за голема радост на 10.000 навивачи кои од Кавадарци дојдоа во главниот град да го бодрат својот тим.
#Tikves erhöht in der 59. Minute nach Eckball auf 2:0 https://t.co/ZgXE2lTKNk pic.twitter.com/pneNaK7TJI
— Makedonien.mk (@makedonien_mk) May 22, 2024
Голот за надеж за Воска го постигна Никола Саркоски во 77. минута, но охриѓани немаа сили да се вратат во мечот.
Со ова Тиквеш ја заокружи најуспешната сезона во клупската историја, во првенството овој тим го освои четвртото место.
Спорт
(Видео) Гасперини го надмудри Алонсо, Лукман со хет-трик го растури Баер, Аталанта ја освои Лига Европа
Фудбалерите на Аталната го освоија првиот европски трофеј во клупската историја. „Ла Деа“, во финалето во Даблин, го победи Баер Леверкузен со 3:0. Хет-трик постигна Адемола Лукман, кој го совлада Ковар во 12., 26. и 75.минута. Аталанта со победата во финалето стави крај на европскиот рекорд на Баер, играчите на Чаби Алонсо до овој меч немаа пораз на 51 натпревар.
Спорт
Борусија сите вработени ќе ги носи на финалето со Реал
Борусија Дортмунд на 1 јуни на „Вембли“ ќе го игра финалето од Лигата на шампионите против Реал Мадрид, а челниците на германскиот тим покажаа зошто популарните „милионери“ се голем клуб и колку се грижат за луѓето, кои се дел од целиот проект.
Сите вработени во клубот, на број се 519, ќе бидат специјални гости на мечот за највредниот трофеј во клупскиот фудбал. Сите трошоци ќе бидат на товар на Борусија.
На трибините ќе бидат сите од хигиеничарките до директорите.
На овој начин клубот сака да изрази благодарност за сето она што го прават секојдневно и придонесуваат за успехот на Борусија.
Освен тоа, „милионерите“ во Лондон ќе ги однесат сите членови на нивната младинска школа од 12 до 19 години, за да бидат дел од големиот спектакл.
Борусија Дортмунд последен пат беше во финалето на Лигата на шампионите во 2013 година кога токму на „Вембли“, загуби од Баерн (2:1).