Спорт
(Видео) Јанис го доби дуелот со Дончиќ, рапсодија на Кари во Атланта

Пресметката меѓу Лука Дончиќ и Јани Адетокумбо и брилијантниот Стеф Кари ја обележаа ноќта в НБА лигата.
Милвоки Бакс победија во Далас со 129:117 и покрај тоа што првата четвртина ја загубија со 42:20.
Тимот од Висконсин го предводеше Јанис Адетокумбо со 48 поени, шест скока и 10 асистенции, а го следеше Демијан Лилард со 30 поени, три скока и осум асистенции.
Двоцифрени беа и Крис Мидлтон со 13 поени, три скока и осум асистенции, како и Боби Портис со дабл-дабл учинок, 12 поени и 10 скока.
Кај Маверикс Словенецот Лука Дончиќ постигна 40 поени со девет скока и 11 асистенции. Му недостигаше само еден скок за трипл-дабл.
Го следеа Макси Клебер со 21 и Џош Грин со 20 поени и девет скока. Двоцифрен беше и Тим Хардавеј Јуниор со 18 поени.
Голден стејт Вориорс загубија во продолжението од Атланта со 141:134. Мареј погоди двојка на четири секунди до крајот на регуларниот дел и на Атланта и обезбеди продолжение. Таму домашниот тим ги постигна првите 11 поени и го реши победникот.
Стеф Кари го обележа натпреварот со 60 поени, то е негов рекорд оваа сезона. Тој шутираше 22/38 од поле, постигна 10 тројки од 23 обиди, а забележа и шест скока и четири асистенции.
Кај Вориорс уште тројца постигнаа двоцифрен број на поени. Лестер Кинонес 17 поени и пет скока, Џонатан Куминга 16 и Брандин Пожиемски 15, со 11 скока и пет асистенции.
Во редовите на Атланта најефикасен беше Тре Јанг со 35 поени и шест асистенции, додека Ониека Оконгву забележа 22 поени и 16 скока.
Џејлен Џонсон постигна 21 поен, 13 скока и 8 асистенции, Дижонте Мареј имаше 19 поени, седум асистенции и пет скока, а Клинт Капела имаше 17 поени и 15 скока.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Баерн во 94.минута се спаси против Слетик, Бриж ја изненади Аталанта, Бенфика го преживеа Монако

Клуб Бриж, Баерн Минхен и Бенфика се пласираа во осминафиналето во Лигата на шампионите.
По Милан, италијанскиот фудбал остана без уште еден тим во елитното натпреварување. Актуелниот освојувач на Лига Европа, Аталанта, не успеа да ја оправда фаворитдката улога против Бриж.
Шампионите на Белгија, вечерва во Бергамо победија со 3:1.
Аталанта промаши буквално се на овој натпревар, а Бриж максимално ги користиеше своите шанси. Тинејџерот Талби постигна два гола во третата и 27.минута, а Џутла зголеми на 0:3 во финишот на првиот дел . Лукнан погоди веднаш на стартото на второто полувреме, а сите надежи на Аталната дека може да се врати во натпреварот пропаднаа во 38.минута кога Мињоле му одбрани пенал на Лукман.
Баерн, во Минхен се мачеше против Слетик. Гостите од Глазгов имаа две добри шанси во првиот дел, но резултатот на семафорот не се смени се до 63.минута, кога Кун ја искористи грешката на Кин.
Баварците избегнаа продолженија, буквално во последните секунди, со среќниот гол на Дејвис.
Во Лисабон, Бенфика водеше, па два пати губеше од Монако, а во 81.минута Кокчу ги постави конечните 3:3.
Спорт
(Видео) Феенорд го елиминира Милан од Лигата на шампионите

Фудбалерите на Феенорд успеаја да се пласираат во осминафиналето на Лигата на шампионите, откако ремизираа на „Сан Сиро“ против Милан во реваншот 1.1..
Славниот италијански клуб, седумкратен европски првак, бркаше гол негатива од првиот натпревар во Ротердам кога Феенорд победи со 1:0 со голот на Бразилецот Игор Паишао во третата минута.
„Росонерите“ имаа уште подобар старт во реваншот. Мечот практично не ни започна, а Милан поведе со голот на поранешниот најдобар стрелец на Феенорд, Мексиканецот Сантијаго Хименез. Во 36.секунда Хименез постигна гол.
Во 23. минута можеше да биде 2:0, кога голманот на гостите Тимон Веленрајтер го одбрани ударот на Жоао Феликс, а потоа Тео Ернандез ја погоди стативата.
Во финишот на првото полувреме одлична шанса имаше и Рафаел Леао, но домашните на одмор заминаа со гол предност.
И второто полувреме започна со иницијатива и шанси на играчите на Милан, а потоа Тео Ернандез капутенот на Милан му направи штета на својот тим. Се обиде да избори пенал, доби втор жолт, автоматски црвен картон и ги остави соиграчите на цедило до крајот на натпреварот.
Од тој момент играчите на Феенорд ја презедоа инцијативата, која вроди со плод во 73.минута кога резервниот напаѓач Карабца, постигна убав гол по центрашутот на Буено.
Феенорд во осминафиналето ќе игра против Интер или Арсенал.
Спорт
Ѓоковиќ надвор од ритам во Доха, Беретини веднаш го елиминира

Најдобриот тенисер на сите времиња Новак Ѓоковиќ е елиминиран на стартот од турнирот во Доха.
Ѓоковиќ успеа да се опорави од повредата на бутниот мускул поради која се предаде на полуфиналниот меч на Австралија опен, но во Катар беше далеку под вообичаеното ниво.
Тоа го искористи Италијанецот Матео Беретини кој победи со 2:0, во сетови 7:6 (4), 6:2.
Натпреварот траеше час и 35 минути игра.
Противник на поранешниот финалист на Вимблдон во следната рунда ќе биде Холанѓанецот Талон Грикспор.