Спорт
Стејк тимот го претстави болидот за новата сезона
„Ова не е Формула 1 болид каков што сте виделе досега. Агресивен, возбудлив, различен – на и надвор од патеката: Стејк Ф1 Тим Ц44 конечно е тука и за него веќе се зборува во светот на мотоспортот“, со овоие зборови започнува соопштението за медиумите, по преземтацијата на болидот на Стејк тимот за новата сезона во првенството на Формула 1.
Валтери Ботас и Џоу Гуанжу за прв пат ќе ги возат новите машини во петок, на приватен настан за сопствениците во Барселона, пред да заминат во Бахреин на тридневниот тест што ќе го означи официјалниот почеток на сезоната.
Од фабриката се надеваат дека хармонично распоредените црни и зелени бои ќе бидат привлечни за секој фотограф на патеките ширум светот, но и лесно ќе го привлече вниманието на гледачите покрај ТВ екраните.
„Ц44 е резултат на работата на стотици луѓе во Хинвил, кои работеа со месеци на дизајнот, развојот и конечно претставија нов болид кој е возбудлив“, велат од Стејк Ф1 тимот.
„Ц44 дава дефинитивно поинакво чувство, и поради неговиот изглед, но и поради она што го очекуваме од самиот автомобил. Треба да работиме како да го извлечеме максимумот од овој „пакет“ кој има импресивен потенцијал, ништо друго не е важно. Лично влегувам во трета сезона со тимот, целите треба да бидат повисоки. Моите лични очекувања се големи и дефинитивно треба да направиме добри чекори и да напредуваме во однос на минатата година, во која, искрено кажано, не ги исполнивме целите што си ги поставивме“, изјави Валтери Ботас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Таткото и синот Џејмс заедно на теренот
Леброн и Брони Џејмс прво играа заедно во тимот на Лос Анџелес Лејкерс.
Во контролен натпревар Лејкерси загубија од Феникс Санс со 118:114, а членовите на семејството Џејмс официјално дебитираа и испишаа историја, бидејќи прв пат откако постои НБА лигата, син и татко беа заедно на теренот.
Таткото за 16 минути постигна 19 поени, со пет скока и четири загубени топки, додека синот доби 13 минути, без конкретен учинок, нула поени, две блокади и четири загубени топки.
LeBron James. Bronny James.
The father-son duo share the court for the first time together! 👏 pic.twitter.com/93hC7k64gK
— NBA (@NBA) October 7, 2024
Спорт
Фонсека: Пулишиќ ги шутира шеналите, ова не смее да ни се повтори
Милан не успеа да го избегне поразот од Фиорентина на „Артемио Франки“. Давид Де хеа им одбрани два пенали на гостите, со што им овозможи на соиграчите да слават со 2.1. Инаку пенал не реализираа и домашните, при резултат 0:0, Мањан го одбрани ударот на Кен.
Тренерот на Милан, Пауло Фонсека, по мечот истакна дека им е лут на фудбалерите бидејќи не ја почитувале хиерархијата, бидејќи како што истакна главен изведувач на пенали е Кристијан Пулишиќ.
„Секако дека сум вознемирен бидејќи играчите самоиницијативно решаваа кој ќе шутира. Пулишиќ треба да ги шутира. Тоа никогаш повеќе не смее да се повтори, тоа им го кажав на играчите“, изјави Фонсека, кој по натпреварот имаше бурна средба со играчите.
Инаку, Де Хеа прво му одбрани пенал на Тео Ернандез, а потоа и на Тејми Ејбрахам.
Спорт
Винисиус поради повреда нема да игра за Бразил
Фудбалерот на Реал Винисиус Жуниор поради повреда ќе го пропушти натпреварите на репрезентацијата на Бразил против Чиле и Перу во квалификациите за СП 2026 година, пренесуваат шпанските медиуми.
Винисиус се повреди во саботата навечер на натпреварот од деветтото коло, меѓу Реал и Виљареал (2:0). Тој го постигна вториот гол за Реал во 73. минута, но шест минути подоцна беше заменет поради болки во вратот.
Реал на својата официјална веб-страница објави дека Винисиус заработил повреда на вратот на натпреварот против Виљареал и соопшти дека подоцна ќе биде објавено колку долго ќе треба да паузира бразилскиот фудбалер.
Шпанските медиуми пишуваат дека Винисиус нема да игра за Бразил на натпреварите против Чиле (11 октомври) и Перу (16 октомври), но треба да биде подготвен за натпреварот од 10. коло на Ла Лига меѓу Селта и Реал, кој е закажан за 19. октомври.
Бразилскиот фудбалер оваа сезона одигра 12 натпревари за Реал и постигна четири гола.