Свет
Кралското семејство има историја на заболувања од рак – британските медиуми за предците на Чарлс, кои боледувале од оваа болест

Вчера во светот се прошири веста за болеста на кралот Чарлс Трети (75) кому му беше дијагностициран рак, но сѐ уште не се знае за каков карцином се работи.
Минатиот понеделник кралот беше пуштен од болница по тридневна хоспитализација за време на која имаше рутинска операција на зголемена простата.
Неговите предци се обидувале да ги скријат своите здравствени картони, но на јавноста ѝ е познато од што страдале другите членови на кралското семејство.
Дедото на Чарлс, Џорџ VI, бил тежок пушач. Поради „структурни абнормалности“, отстрането му е левото белодробно крило, но наводно станува збор за рак, пишува „Телеграф“.
Починал само пет месеци по операцијата, а лекарите ја криеле дијагнозата од јавноста. Кралот боледувал и од васкуларна болест, па се претпоставувало дека тоа е причина за тромбоза, но подоцна се зборувало дека се случила по ширењето на ракот.
Болни биле и родителите на Елизабета Втора.
Од рак боледувала и мајката на кралицата Елизабета Втора, Елизабета. Кралицата Мајка двапати била лекувана од оваа тешка болест.
Во 1966 година таа беше подложена на операција за отстранување тумор на дебелото црево. Кларенс Хаус тогаш изјави дека била подложена на абдоминална операција. По 18 години, повторно заврши на операција, а вистинската причина била отстранување тумор од градите. Таа почина во 2002 година на 102-годишна возраст.
И нивната ќерка, кралицата Елизабета Втора, наводно починала од рак. „Телеграф“ објави детали од биографијата „Кралицата Елизабета: Интимен портрет“, во која Џајлс Брандрет напиша дека кралицата боледува од ретка форма на рак на коските. Авторот бил пријател со принцот Филип и наведува дека лекарот на кралицата бил свесен за нејзината здравствена состојба.
„Навистина не сакав никого да вознемирувам, но тоа ќе се потврди, а еден ден ќе биде, барем јас како новинар кажувам што се случило“, рече Брандрет кога неговите тврдења предизвикаа контроверзии.
Принцезата Викторија, ќерка на кралицата Викторија и принцот Алберт, почина од рак на дојката во 1901 година, објави „Ју-ес викли“. Тие исто така наведоа дека според книгата на Џејн Ридли, „Берти: Животот на Едвард VII“, кралот Едвард VII се оперирал од карцином.
На кралот Едвард VIII му бил дијагностициран рак на грлото во 1971 година по долгогодишно пушење. Тој починал следната година.
Војвотката од Јорк, Сара Фергусон, во јуни минатата година откри дека боледува од рак на дојката, а потоа во јануари оваа година објави дека има уште една дијагноза, малигнен меланом, пишува „Ју-ес викли“.
Пред четири години имаше шпекулации за уште една сериозна здравствена криза која го снајде британското кралско семејство кога магазинот National Enquirer на својата насловна страница објави дека принцот Вилијам боледува од напреднат рак. Тие напишаа дека тоа е веќе неизлечива фаза на болеста за која принцот дознал по заразувањето од коронавирусот.
Други медиуми ја демантираа веста, а самиот принц не коментира. Royalcentre.co.uk го прозва National Enquirer за лажни вести и нивното списание го нарече ѓубре.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
ОН: Планот на Израел за преземање на Газа мора веднаш да се запре

Планот на израелската влада за воено заземање на Газа ќе предизвика повеќе смртни случаи и страдања и мора веднаш да се запре, изјави шефот на Советот за човекови права на ОН, Фолкер Турк.
„Планот е во спротивност со пресудата на Меѓународниот суд на правдата дека Израел мора што поскоро да ја прекине окупацијата за да постигне решение за две држави и да го оствари правото на самоопределување на Палестинците“, вели Турк во соопштението.
Безбедносниот кабинет на Израел рано утрово одобри план за преземање на контролата врз градот Газа, додека земјата ги проширува своите воени операции и покрај растечките критики дома и во странство за разорната, речиси двегодишна војна.
„Врз основа на сè што видовме досега, понатамошната ескалација ќе резултира со поголемо присилно раселување, повеќе убиства, повеќе страдања, бесмислено уништување и криминал“, предупреди Турк.
„Наместо да ја ескалира војната, израелската влада треба да направи сè што може за да ги спаси животите на цивилите во Газа, дозволувајќи влез на хуманитарна помош. Палестинските вооружени групи треба веднаш и безусловно да ги ослободат заложниците“, додаде тој.
Фото: ЕПА
Свет
Објавено е што е подготвен Путин да направи

Русија и САД се обидуваат да постигнат договор што би ја запрел војната во Украина и би ја потврдил руската контрола врз териториите што ги зазеде по инвазијата, според информирани извори, објавува Bloomberg.
Американските и руските претставници работат на договор за териториите што би бил презентиран на планираната средба меѓу претседателот Доналд Трамп и Владимир Путин, која би можела да се одржи уште следната недела, велат изворите, кои побараа да не бидат именувани.
Според нив, Вашингтон се обидува да ја обезбеди поддршката на Украина и европските сојузници, но исходот од договорот е сè уште многу неизвесен.
Путин инсистира Украина да ѝ го предаде на Русија целиот регион Донбас, вклучувајќи ги регионите Луганск и Донецк, како и Крим, кој Русија го анектираше во 2014 година. Тоа би значело дека украинскиот претседател Володимир Зеленски ќе мора да ги повлече силите од областите во тие региони што сè уште се контролирани од Киев, давајќи ѝ на Москва територијална победа што не успеа да ја постигне воено од почетокот на тоталната инвазија во февруари 2022 година.
Таквиот исход би бил голема победа за Путин, кој долго време сака директни разговори со САД за да се стави крај на војната, заобиколувајќи ја Украина и европските земји. Зеленски се соочува со ситуација во која би можел да се соочи со ултиматум да ја прифати загубата на територија, додека европските земји стравуваат дека ќе останат задолжени за надгледување на прекинот на огнот додека Путин ги обновува своите воени сили.
Според изворите, Русија би ја прекинала својата офанзива во регионите Херсон и Запорожје по сегашните бојни линии како дел од договорот. Но, тие додаваат дека условите се сè уште флуидни и ништо не е конечно.
Не е јасно дали Русија ќе се согласи да врати дел од територијата што моментално ја окупира, вклучително и нуклеарната централа Запорожје – најголемата во Европа.
Белата куќа не одговори на барањето за коментар. Портпаролот на Кремљ, Дмитриј Песков, исто така, не одговори. Украинските власти одбија да коментираат за предлозите.
Според изворите, целта на договорот би била да се „замрзне“ војната и да се отвори патот за технички разговори за трајно мировно решение. Пред тоа, САД побараа Русија безусловно да се согласи на прекин на огнот за да се создадат услови за преговори.
Свет
Лукашенко: Би му ги отворил очите на Трамп

Претседателот на Белорусија, Александар Лукашенко, изјави дека средбата со Доналд Трамп би била „исклучително корисна“ за американскиот лидер, бидејќи, како што вели тој, би му ги „отворила очите“ за клучните глобални прашања, првенствено за односите меѓу САД и Русија и ситуацијата во Украина.
„За разлика од сите што трчаат околу него, јас би му ги отворил очите за многу работи. Вклучувајќи ги односите меѓу САД и Русија, особено за конфликтот во Украина. И, секако, за позицијата на Белорусија“, рече Лукашенко во интервју за „Тајм“, чие снимање го објави агенцијата БелТА.
Белорускиот претседател откри и дека се пошегувал на средбата со американските претставници дека „на Американците им недостасува диктатор“. „Ми одговорија дека имаат доволно свои. Реков дека размислувам за себе – би имал многу да му кажам на нивниот претседател“, додаде Лукашенко.
Изјавата дојде откако Лукашенко се сретна во Минск со специјалниот претставник на американскиот претседател, Кит Келог, кој стана највисокиот американски функционер што ја посети Белорусија во последните години.
Во интервју за „Тајм“, Лукашенко ја поддржа „цврстата политика на Трамп кон Европа“, наведувајќи го како пример извозот на украинско жито. Според него, Трамп сакал да транспортира жито од Одеса преку Полска и да го испрати до европските пристаништа, но не му е дозволено да го стори тоа бидејќи се плаши од појавувањето на тоа жито на европскиот пазар.
Белорускиот лидер изрази подготвеност да организира трилатерална средба меѓу Владимир Путин, Доналд Трамп и Володимир Зеленски во Минск, со оценка дека двајцата претседатели ќе бидат задоволни од изборот на белоруската престолнина како преговарачка платформа.
Тој, исто така, го пофали потпретседателот на САД, Венс, нарекувајќи го „пристоен човек“ кој би можел да стане нов американски лидер, додавајќи дека се надева дека ќе ја продолжи политиката на Трамп кон ЕУ.
Лукашенко ги повика Американците да го „покренат“ Трамп за да го охрабри Зеленски барем да се согласи на „воздушно примирје“, предупредувајќи дека светските односи драстично ќе се променат во следната деценија и дека решенијата треба да се бараат врз основа на сегашната реалност.
Фото: принтскрин