Македонија
Сопругот на претседателката на второстепената комисија, Даница Чадиева, ангажиран како адвокат во болницата во Велес, велат од Левицата
![](https://makfax.com.mk/wp-content/uploads/2024/02/мн.jpg)
Државната комисија во управна постапка, во чија надлежност е решавање на жалби на граѓаните, е целосно узурпирана и девалвирана од страна на претседателката на ОО СДСМ Велес, Даница Чадиева. Чадиева целосно ја има партизирано оваа институција, па истата не чувствува никаква етичка одговорност што паралелно два мандати ја извршува функцијата Претседател на оваа второстепена Комисија, додека ја држи партиската функција во СДСМ – Велес, велат од Левица.
„За отсуството на било каква одговорност, говори и тоа што токму нејзиниот сопруг е ангажиран како адвокат во велешката болница, од каде според јавно достапни информации, Костадин Чадиев наплатил над 6.000 евра од болницата! За Даница Чадиева сигурно и во овој случај нема ништо спорно, како што не е спорно дека истата истовремено врши и партиска и државна функција. Откако Чадиева е назначена на чело на оваа Второстепена Комисија, вработените во институцијата се под постојан мобинг да одлучуваат по предмети по нејзина лична директива. Дополнително, парламентарното мнозинство во Собранието, минатата година скандалозно именува два членови во оваа Комисија (Ивана Шапкар и Весна Илиева – Лубуриќ), кои воопшто не ги исполнуваат законските услови за да бидат дел од ова тело“, дополнуваат од Левица.
Левица претходно реагираше за Одлуката на Граѓанскиот суд против Даница Чадиева, каде било утврдено дискриминација на лице вработено во самата институција.
„Оваа Комисија одлучува во втор степен за жалби на граѓаните, кои процениле дека биле дискриминирани од институциите во првостепената постапка. Но, токму институцијата која треба да ги штити граѓаните од самоволието на власта, истата е узурпирана од партиски послушник, која единствено постапува по директивите на својата партија. Очигледно е дека Владата на СДС го штити скандалозното работење на Даница Чадиева, каде тенденциозно и намерно се партизира делувањето на Комисијата, додека самите граѓани се оштетени од незаконските одлуки на Комисијата. Левица го повикува Државниот управен инспекторат да изврши надзор врз работење на оваа Комисија и начинот на постапувањето по предметите, со цел интересите на граѓаните да бидат заштитени од самоволието на партиските послушници“, завршуваат од Левица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Сончево и многу топло, во текот на ноќта невреме со пороен дожд, грмежи, силен ветер и град
![](https://makfax.com.mk/wp-content/uploads/2022/08/Ohrid-meteo-sonce.png)
Времето денеска ќе биде сончево и многу топло со слаб до умерен ветер од југозападен правец. Во текот на ноќта ќе има локална појава на невреме со пороен дожд, грмежи, силен ветер и град. Минималната температура ќе биде во интервал од 12 до 21, а максималната ќе достигне од 32 до 39 степени. UV=9
Во Скопје сончево и многу топло, со слаб до умерен ветер од југозападен правец. Во текот на ноќта во делови од котлината ќе има услови за локална појава на невреме со пороен дожд, грмежи, засилен ветер и град. Минималната температура ќе се спушти до 18, а максималната ќе достигне до 37 степени.
Денеска преку денот ќе се задржи сончево и многу топло време со дневни температури кои насекаде ќе бидат над 30 степени. Во текот на ноќта кон вторник и во вторник на повеќе места ќе биде нестабилно со пороен дожд и грмежи, локално во форма на невреме со интезивен пороен дожд, силен ветер и град. Потоа во среда и во четврток ќе преовладува променливо облачно и посвежо време со повремен пороен дожд и грмежи и ќе дува умерен северен ветер.
Скопје
Без вода дел од Гази Баба
![](https://makfax.com.mk/wp-content/uploads/2024/02/voda-6.jpg)
Регионалниот центар за управување со кризи на Град Скопје, по добиеното известување од ЈП Водовод и канализација – Скопје, ги известува граѓаните дека денеска без вода ќе бидат улици во општината Гази Баба.
• Поради отстранување појавен уличен дефект на водоводна мрежа со пречник од ф-150мм, на улицата 16-та Македонска Бригада бб (Парк Шума Гази Баба), од 08:00 часот до завршување со интервенцијата, прекинато водоснабдување ќе имаат корисниците од улиците: 16-та Македонска Бригада, Јани Лукровски, Ташко Караџа и Трифун Хаџијанев во општина Гази Баба.
Скопје
Без струја делови од Петровец и Ѓорче Петров
![](https://makfax.com.mk/wp-content/uploads/2019/04/57198750_1221860291320745_1441311623477198848_o.jpg)
Регионалниот центар за управување со кризи на Град Скопје, по добиеното известување од ЕВН, ги информира граѓаните дека, поради технички зафати во електро истрибутивната мрежа, без електрична енергија ќе станат:
на ден 01.07.2024 година (понеделник):
• од 08:30 до 14:30 часот, корисниците од населените места: Долно Коњаре, Средно Коњаре, Горно Коњаре, Дивље и Катлановска Сушица. (Општина Петровец)
• од 09:00 до 15:00 часот, корисниците од дел од село Кучково. (Општина Ѓорче Петров)
на ден 02.07.2024 година (вторник):
• од 08:30 до 12:30 часот, корисниците од дел од ул. Козле, поточно објектите со парни куќни броеви од бр. 2 до бр. 4. (Општина Карпош)