Свет
(Видео) Историска пресуда во САД: мајка прогласена за виновна – не го спречила синот да убие четворица ученици

Поротата прогласи мајка од Мичиген за виновна за ненамерно убиство бидејќи не го спречила својот син да изврши смртоносно пукање во училиште.
Џенифер Крамбли (45) е првиот родител во САД кој е осуден за убиство од небрежност за масовно пукање кое го извршило нејзиното дете.
Обвинителите ја обвинија дека небрежно му дозволила на нејзиниот син да го има пиштолот и дека ги игнорирала знаците за предупредување.
Нејзиниот сопруг Џејмс се соочува со посебно судење за истите обвиненија.
Нивниот син, кој сега има 17 години, отслужува доживотен затвор за убиство на четворица соученици во средното училиште Оксфорд во Мичиген на 30 ноември 2021 година.
Судијата им кажа на поротниците дека ова е веројатно „најтешката работа што некогаш ја направиле“.
Крамбли изгледаше без емоции и гледаше во подот додека пресудата се читаше во судот во Оукленд во вторникот, објави Би-би-си.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.