Свет
Бајден одговори на поканата на Трамп за дебата: „Да бев јас на негово место…“
Американскиот претседател Џо Бајден одговори на поканата на поранешниот претседател Доналд Трамп за дебата.
Трамп го упати повикот за дебата за време на понеделничкото гостување на радио со конзервативниот коментатор Ден Бонгино, велејќи дека дебатата би била „добра“ за земјата.
„Би сакал да расправаме сега затоа што треба да дебатираме. Треба да дебатираме за доброто на земјата“, рече Трамп.
Бајден подоцна истиот ден беше прашан за коментарите на Трамп за време на кампањата во Невада.
„Веднаш? Па, да сум на негово место, и јас би сакал да разговарам за себе. Тој нема што друго да прави“, им рече Бајден на новинарите.
Со оглед на тоа што Трамп доминира на републиканските прелиминарни избори, изгледите за општите изборни дебати се неизвесни. Републиканскиот национален комитет се повлече од Комисијата за претседателски дебати во 2022 година, а самиот Трамп ја нарече организацијата „корумпирана“, пренесува „Фокс Њуз“.
„Тие се тотално корумпирани. Тие се потполно демократски настроени, и се уште е добро кога го користам зборот настроени. Тие се тотално корумпирани, и тие се ужасни. И покрај тоа, јас би излегол на 20 дебати и да ги организираат. Ќе водам дебати колку сакаат. Би дебатирал со овој човек (Бајден) секоја вечер. Но, тој никогаш нема да се појави на дебатата“, рече Трамп во декември, пренесува „Ен-би-си Њуз“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хамас: Израел ги враќа преговорите на почеток со измени на предлогот за прекин на огнот
Палестинската милитантна група Хамас соопшти дека Израел практично го отфрлил предлогот за прекин на огнот во Појасот Газа, откако на посредниците во преговорите им доставил амандмани на предлогот, со што преговорите се вратиле на самиот почеток.
Хамас соопшти дека ќе одржи консултации со палестинските фракции за да ја разгледа преговарачката стратегија, објави Ројтерс.
Индиректните разговори меѓу Израел и Хамас за договор за прекин на огнот во Појасот Газа и ослободувањето на заложниците се чини дека се заглавени без очигледен напредок, бидејќи Хамас рече дека нема намера да се откаже од предлогот веќе отфрлен од Израел.
Свет
Најмалку 60 лица се повредени во судир на воз и локомотива во Буенос Аирес
Најмалку 60 лица се повредени кога патнички воз се судрил со локомотива и празен вагон во главниот град на Аргентина, Буенос Аирес, соопштија локалните власти.
Пожарникарите, полицијата и брзата помош се на терен и помагаат да се префрлат повредените патници во болниците, објави Ројтерс.
Во судирот првиот вагон од патничкиот воз излета од шините и беше оштетен.
Свет
Најмалку 50 луѓе загинаа во поплавите во Авганистан
Најмалку 50 лица загинаа во Авганистан во поплави по обилните дождови во северната провинција Баглан, изјави портпаролот на Министерството за внатрешни работи, Абдул Матен Кание.
Тој посочи дека бројот на жртви може да се зголеми, пренесе Ројтерс.
Кание рече дека има поплави во повеќе од пет области во Баглан по обилните дождови и на некои домаќинства им е потребна итна помош.
Тој додаде дека за вечерва се предвидуваат две силни невремиња.
„Министерството за внатрешни работи испрати екипи и хеликоптери во областа, но поради недостиг на светла за ноќно гледање во хеликоптерите, операцијата можеби нема да биде успешна“, рече тој.
Најмалку 33 лица загинаа, а 27 се повредени во силните поплави предизвикани од сезонските дождови во средината на април во Авганистан.
Поплави во април го погодија главниот град Кабул и неколку провинции низ земјата.