Спорт
Ериксен ќе го напушти „Олд Трафорд“
Кристијан Ериксен (31) има договор со Манчестер јунајтед до 2025 година, но соработката ќе заврши на обострано задоволство една сезона порано.
Според медиумите на островот, Данецот решил во летниот преоден рок да го напушти клубот. Јуанјтед нема ништо против тој да замине бидејќи според проценките повеќе не може да придонесе за успехот на тимот.
Кога направи спектакуларен кам-бек во дресот на Брентфорд откако доживеа срцев удар на отворањето на Европското првенство во 2021 година, Јунајтед реши да го ангажира фудбалерот со пејсмејкер, кој одби да ги прифати лекарските совети да ја заврши кариерата.
Во првата сезона, 2022/23, Данецот навистина наликуваше на фудбалерот кој му недостигаше на славниот клуб сите овие години во обид да дојде до некогашните успеси.
До дербито со Арсенал одиграно на 22 јануари минатата година кога доживеа незгодно истегнување на скочниот зглоб, Ериксен правеше разлика на теренот. Својата прва сезона во дресот на „црвените ѓаволи“ собра осум асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Таткото и синот Џејмс заедно на теренот
Леброн и Брони Џејмс прво играа заедно во тимот на Лос Анџелес Лејкерс.
Во контролен натпревар Лејкерси загубија од Феникс Санс со 118:114, а членовите на семејството Џејмс официјално дебитираа и испишаа историја, бидејќи прв пат откако постои НБА лигата, син и татко беа заедно на теренот.
Таткото за 16 минути постигна 19 поени, со пет скока и четири загубени топки, додека синот доби 13 минути, без конкретен учинок, нула поени, две блокади и четири загубени топки.
LeBron James. Bronny James.
The father-son duo share the court for the first time together! 👏 pic.twitter.com/93hC7k64gK
— NBA (@NBA) October 7, 2024
Спорт
Фонсека: Пулишиќ ги шутира шеналите, ова не смее да ни се повтори
Милан не успеа да го избегне поразот од Фиорентина на „Артемио Франки“. Давид Де хеа им одбрани два пенали на гостите, со што им овозможи на соиграчите да слават со 2.1. Инаку пенал не реализираа и домашните, при резултат 0:0, Мањан го одбрани ударот на Кен.
Тренерот на Милан, Пауло Фонсека, по мечот истакна дека им е лут на фудбалерите бидејќи не ја почитувале хиерархијата, бидејќи како што истакна главен изведувач на пенали е Кристијан Пулишиќ.
„Секако дека сум вознемирен бидејќи играчите самоиницијативно решаваа кој ќе шутира. Пулишиќ треба да ги шутира. Тоа никогаш повеќе не смее да се повтори, тоа им го кажав на играчите“, изјави Фонсека, кој по натпреварот имаше бурна средба со играчите.
Инаку, Де Хеа прво му одбрани пенал на Тео Ернандез, а потоа и на Тејми Ејбрахам.
Спорт
Винисиус поради повреда нема да игра за Бразил
Фудбалерот на Реал Винисиус Жуниор поради повреда ќе го пропушти натпреварите на репрезентацијата на Бразил против Чиле и Перу во квалификациите за СП 2026 година, пренесуваат шпанските медиуми.
Винисиус се повреди во саботата навечер на натпреварот од деветтото коло, меѓу Реал и Виљареал (2:0). Тој го постигна вториот гол за Реал во 73. минута, но шест минути подоцна беше заменет поради болки во вратот.
Реал на својата официјална веб-страница објави дека Винисиус заработил повреда на вратот на натпреварот против Виљареал и соопшти дека подоцна ќе биде објавено колку долго ќе треба да паузира бразилскиот фудбалер.
Шпанските медиуми пишуваат дека Винисиус нема да игра за Бразил на натпреварите против Чиле (11 октомври) и Перу (16 октомври), но треба да биде подготвен за натпреварот од 10. коло на Ла Лига меѓу Селта и Реал, кој е закажан за 19. октомври.
Бразилскиот фудбалер оваа сезона одигра 12 натпревари за Реал и постигна четири гола.