Полицијата во Германија извршила претрес во куќата на тинејџер осомничен дека произведувал и чувал  исклучително отровна и смртоносна биолошка супстанца која се користи како воен агенс, пишува Си-Ен-Ен.

Според полицијата, 16-годишникот е осомничен дека произвел неколку ампули во импровизирана лабораторија на таванот на семејна куќа во Цајтајн, општина во сојузната покраина Саксонија во источна Германија.

Канцеларијата за криминални истраги на Саксонија започна истрага во соработка со државното правобранителство во Дрезден поради можно прекршување на германскиот Закон за воено оружје, кој го регулира производството и трговијата со супстанции кои се сметаат за воено оружје.

Полицијата соопшти дека во четвртокот во раните утрински часови почнала со претрес во домот на осомничениот со цел „да ги обезбеди сите отровни материи и други докази“. Инспекторите се уште не нашле докази за намерите на осомничениот во врска со тие отрови, соопшти полицијата.

Според досегашните сознанија од истрагата, нема законски основи за приведување на осомничениот согласно германскиот Закон за кривична постапка, а предвид е земен и Законот за малолетници, се наведува во соопштението.

Руското Министерство за надворешни работи упати остра закана до Германија поради можноста за распоредување на ракети со долг дострел „Таурус“ во Украина, пишува ДВ.

Портпаролката на руското Министерство за надворешни работи, Марија Захарова, изјави дека Русија ќе ги смета ракетните напади Таурус врз нејзината критична транспортна инфраструктура како директно германско мешање во украинскиот конфликт.

Фридрих Мерц, претседател на Христијанско-демократската унија (ЦДУ) и веројатно иден канцелар на Германија, минатиот викенд изјави дека е отворен за испорака на ракети Таурус во Украина, но под услов тоа да биде направено во координација со европските партнери.

Според ДВ, Мерц нагласил дека целта е да и се помогне на украинската армија, а не директно да се интервенира во војната и потсети дека Велика Британија и Франција веќе и испорачале слични проектили на Украина.

Германија на тој начин ја рестартира дискусијата за испорака на ракети Таурус, кои имаат дострел поголем од 500 километри и можат да погодат цели длабоко на руска територија.

Снимен е моментот кога крадец на луксузни часовници „Мејфер“ се обиде да ограби двојка. Тој не знаел дека тие всушност се полицајци во цивилна облека, пишува „Скај њуз“.

Тие носеле скапа облека и додатоци како дел од тактиката за апсење на банди кои крадат луксузни часовници. Инцидентот се случи на 10 октомври минатата година во луксузна област во Лондон.

Јакоб Харкет, кој имал најмалку еден соучесник, се гледа на видеото како ја следи полициската двојка, а потоа се обидува да украде часовник од раката на полицајката во Хејс Меус.

На видеото потоа се гледа како полицаецот го зграпчува Харкет додека тој се обидува да побегне, а потоа влегува друг човек во одело, исто така полицаец, за да го спречи. Другиот полицаец се лизнал и Харкет успеал да побегне, но набргу потоа бил уапсен. На видеото се гледа и апсењето на двајцата мажи кои биле запрени од полицајците во цивилна облека во врска со истиот обид за кражба.