Спорт
„АС“ откри колку пари од Реал бара Мбапе
![](https://makfax.com.mk/wp-content/uploads/2024/02/Kylian-Mbappe.jpg)
Килијан Мбапе (25), најдобриот играч и стрелец на ПСЖ и капитен на француската репрезентација речиси се согласил да се пресели во Реал. Од клубот за кој постигна 242 и забележа 105 асистенции на 289 натпревари и кој го купи од Монако за 180 милиони евра, заминува на крајот на сезоната по седум години како слободен играч.
Реал го добива без отштета бидејќи договорот со ПСЖ му завршува за четири месеци. Ова го пишуваат водечките француски медиуми и посочуваат дека прашање на денот е кога и официјално ќе биде потврдено дека од следната сезона Мбапе ќе го носи дресот на Реал.
„АС“, открива што побарал Мбапе од Реал за да го потшише договорот.
„Дознаваме дека бројките на кои инсистира францускиот капитен во Реал се значително помали од оние што ги има во Париз, но сепак се баснословни. Мбапе од Реал бара 120 милиони евра само за потпис на договорот.Толку сака затоа што доаѓа без отштета, што значи дека Реал ќе штеди. Понатаму бара годишна плата од 50 милиони евра бруто, тоа е 25 милиони евра нето. Конечно, тој бара и серија бонуси поврзани со бројот на голови, освоени индивидуални и тимски трофеи, а најмногу оние поврзани со употребата на имиџот“.
Се шпекулира дека Реал ќе направи преседан и ќе дозволи распределбата на авторските права да биде 60-40 во корист на Мбапе.
Како што се додава: „Мбапе моментално е во ПСЖ, според договорот што го продолжи пред две години, кога доби 130 милиони евра само за потписот, заработува 72 милиони евра бруто годишно. Но на тоа треба да се додадат и бонусите за лојалност, кои растат секој година. Првата година доби 70 милиони евра. Втората требаше да добие 80 милиони евра и третата 90 милиони евра. Сепак, ќе остане без последните две цифри“.
Шпанците истакнуваат: „Мбапе има џентлменски договор со претседателот на ПСЖ, Насер Ал Келаифи тој мора прво да го извести претседателот на францускиот шампион за одлуката каде ќе ја продолжи кариерата“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Генерална проба пред Вимблдон
![](https://makfax.com.mk/wp-content/uploads/2024/06/JOKOVITS.jpg)
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва
Спорт
Најгледаната екипа во Евролигата
![](https://makfax.com.mk/wp-content/uploads/2024/06/partizannn.jpg)
Кошаркарите на Партизан повторно се најдоа меѓу најгледаните екипи во Евролигата.
Црно- белите се на врвот по овој параметар, иако во оваа сезона тимот на Жељко Обрадовиќ немаше одлична сезона, тие беа меѓу најпопуларните екипи, ако не и најпопуларна.
Во однос на другите параметри, тие беа на врвот по гледаност, со оглед на бројот на навивачи и бројот на продадени влезници.
Кошаркарскиот клуб повторно покажа дека е една од најпопуларните екипи во најквалитетното натпреварување во Европа.
Останува да видиме каква ќе биде ситуацијата следната сезона, поточно дали трендот на вакви бројки ќе продолжи да расте.
Спорт
Егото на големиот Роналдо
Португалија очекувано ја помина својата група како првопласирана, доминираше во сите три одиграни натпревари, па дури и успеа да ги одмори најважните играчи пред втората фаза.
Сепак, нешто сè уште не е јасно
Против Чесите победата беше остварена со голем број на прекини, додека поразот од Грузија иако резултатски незначаен, донесе нервоза во португалските редови.
Тоа јасно го покажа Роналдо кога го шутна шишето при замената на крајот од третиот натпревар.
Со оглед на неговиот натпреварувачки дух, беше доволно да започнат приказни за неговото лошо влијание врз репрезентацијата полна со таленти.
Па оттука неговото присуство на теренот често се покажуваше како контрапродуктивно.
Затоа, успехот на Португалија може да зависи и од соработката на Роналдо со тимот, како што беше случајот со третиот гол против Турција, кога тој несебично играше со Фернандез.