Забава
„Вилијам нема да зборува со Хари додека не се извини за нападите“, велат кралски експерти
![](https://makfax.com.mk/wp-content/uploads/2024/02/carls-hari-vilijam.jpg)
Принцот Хари ја посети Велика Британија по веста дека на кралот Чарлс му бил дијагностициран рак. Имал средба со својот татко, која траела само 45 минути, а следниот ден војводата од Сасекс се вратил во Калифорнија. Тој не се сретнал со својот брат Вилијам.
„Принцот Вилијам воопшто не е заинтересиран да разговара со Хари додека тој не се извини за нападите врз кралското семејство“, изјавил кралски експерт, пренесува „Дејли мејл“. Многумина го гледаа доаѓањето на Хари како „знак на помирување“ откако помладиот британски принц се оддалечи од семејството и тоа не во најдобри услови.
Но, Хари се врати дома по само еден ден во Лондон. Покрај тоа, тој не преноќил во еден од имотите на палатата, туку се упатил кон хотелот. Извори блиски до војводата од Сасекс тврдат дека Хари дошол во Лондон исклучиво за да го посети својот татко, но тој сигурно не би одбил средба со Вилијам доколку се укаже можност.
„Вилијам нема да зборува со Хари додека не се извини за годините на грубост и зборови што ги упати кон него и кон принцезата од Велс. Вилијам е сигурно бесен затоа што го поддржуваше Хари сите овие години“, додаде авторката Ингрид Севард.
Хари пред неколку години изјави дека тој и Вилијам „тргнале по разни патишта“.
„Дел од овие улоги во кои се наоѓаме е да се справуваме со голем притисок. Неизбежно ќе има кавги. Но, ние секогаш ќе бидеме браќа, јас секогаш ќе бидам тука за него, како што знам дека ќе биде и тој за мене“, рече тогаш тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Луѓето се шокираа од изгледот на Адријана Лима: „Претерала со ботоксот“
![](https://makfax.com.mk/wp-content/uploads/2024/09/Screenshot-2024-09-06-112947.jpg)
Бразилската манекенка Адријана Лима последните години беше цел на хејтерите, кои го критикуваа нејзиниот изглед, а во последно време таа ретко се појавува на јавни настани.
43-годишната Адријана сега се појави на премиерата на филмот The Thicket и повторно изненади со изгледот на нејзиното лице со видно искосени очи и кренати веѓи.
Фановите претходно ја обвинуваа дека претерала со ботокс и филери, а таа на хејтерите им одговори со објавување фотографија без шминка.
„Лицето на уморна мајка на тинејџерка, две предтинејџерки, активно момче, едногодишно дете, кое учи да оди, и три кучиња… Ви благодариме за грижата“, напиша таа тогаш.
Адријана пред шест години се повлече од светот на манекенството и се посвети на семејството. Со поранешниот сопруг, српскиот кошаркар Марко Јариќ, таа има две ќерки – Валентина (14) и Сиена (11), а со сегашниот сопруг, филмскиот продуцент Андре Лемер, го има двегодишниот син Сијан.
Забава
Една од најубавите жени на светот го привлече вниманието на шоуто на црвениот тепих во Венеција
![](https://makfax.com.mk/wp-content/uploads/2024/09/madalina1.jpg)
Романската актерка и модел Мадалина Генеа, која е позната како една од најубавите жени на светот, прошета на црвениот тепих на Филмскиот фестивал во Венеција и ја воодушеви публиката со својот изглед.
37-годишната Мадалина се појави на премиерата на филмот Joker: Folie a Deux во тесен фустан со светки, со долга, пуштена коса и насмеано им позира на фотографите.
Покрај тоа, актерката се појави и на премиерата на филмот Queer, а беше облечена во беж фустан со качулка и со изрез што ги истакна нејзините долги нозе.
Убавата Романка беше во врска со Џерард Батлер и Леонардо ди Каприо, а на крајот се омажи за романскиот милијардер Матеи Стратан, со кој има 7-годишна ќерка.
Забава
Ортега призна дека ѝ е тешко да се справи со славата: „Тоа е страшно чувство“
![](https://makfax.com.mk/wp-content/uploads/2024/09/39915bbe-69d4-4b14-b543-9a6ffc626f0a.jpg)
Џена Ортега, ѕвездата на новото продолжение на „Бубимир“, откри дека тешко се справува со славата.
Ортега, која се прослави со улогата во серијата на Тим Бартон во средата, ја почна својата кариера на 10-годишна возраст во серијата „Заглавени во средината“ на каналот „Дизни“ и во хит-серијата Jane the Virgin, а глумеше и во филмот Iron Man 3“.
21-годишната актерка во интервју за МТВ зборуваше за својата почит и восхит кон колешката Винона Рајдер, ѕвезда на филмот „Бубимир“ од 1988 година, која исто така се појавува во продолжението.
Ортега објасни како разговарала со актерката за сличностите меѓу нив. Имено, и Рајдер ја почнала својата кариера на рана возраст. На 15-годишна возраст глумела во филмот „Лукас“ од 1986 година, а наполнила 16 години за време на снимањето на „Бубимир“.
„Седнавме и разговаравме за тоа долго време. И тоа е навистина, навистина охрабрувачко и утешно, особено затоа што кога го снимавме продолжението на ‘Бубимир’, немаше ниту една година откако излезе, па сè беше уште ново“, изјави Ортега и објасни дека не е лесно да се справиш со славата.
„Тоа е страшно чувство. И не го велам тоа за да се пожалам. Се случуваат многу работи. И, дефинитивно, е приспоосбување“, признала таа.
„Многу сум благодарна што сум таму каде што сум, а и Рајдер ми го кажа тоа. Не знам, тоа беше една од работите околу кои се врзавме“, рече таа.
Во новото продолжение на „Бубимир“ играат и Мајкл Китон, кој повторно се најде во главната улога, и Кетрин О’Хара, која исто така глумеше во филмот од 1988 година.