Спорт
Врие во Фенербахче – Џеко и балканскиот клан се главни во соблекувалната
Фенербахче води голема битка со Галатасарај за титулата во првенството на Турција, во таа борба секој бод е од големо значење. Поради тоа во жолто-синиот табор сериозно се загрижени по нерешениот резултат на домашен терен со Алањаспор (2:2).
За разлика од Фенербахче, Галатасарај, рутински славеше против Башакшехир (2:0) и се искачи на врвот на табелата, сега со два бода повеќе од најголемиот ривал.
Неколку турски медиуми тврдат дека постојт пролеми цо соблекувалната на Фенербахче, кои се поврзани со несугласувањата меѓу тренерот Исмаил Картал и еден од најдобрите играчи Един Џеко. Наводно, балканскиот клан, на чие чело е Џеко, го има главниот збор.
Секако, Фенербахче, а тоа го направи и самиот Џеко ги негираа овие наводи, но „Фотоспорт“ отиде чекор понатаму.
Овој портал тврди дека Картал е вознемирен поради статусот на Џеко во клубот, со акцент дека искусниот напаѓач ја води клупската трансфер политика. Како што пишува „ФотоСпорт“, Фенербахче од стартот на сезоната се засилил со 15 играчи, шестмина од нив во клубот дошле по барање на Џеко.
Станува збор за Доминик Ливаковиќ, Раде Круниќ, Џенгиз Ундер, Леонардо Бонучи, Душан Тадиќ и Сердар Дурсун. Наводно тренерот овие играчи не ги сакал во клубот.
Негови засилувања се Шимански, Кагларо, Фред, Бесаоа, Мулдура, Кент, Џику и Наџир.
„ФотоСпорт“, наведува дека Картал сакал да ги донесе Круниќ и Бонучи во јануари, но во основа никој ништо не го прашал, а токму Џеко ги предложил овие двајца играчи.
Џеко им посакал добредојде на Круниќ и Бонучи по пристигнувањето во Истанбул. На тренерот му пречело што Џеко се однесувал како да е спортски директор или претседател на клубот.
Прашање е како клубот ќе се однесува ако и 11. година по ред остане без титулата.
Инаку, Џеко сезоната има учинок од 21 гол и седум асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.