Спорт
Сон и Канг Ли се степале пред полуфиналето со Јордан

Јужна Кореја доживеа голем неуспех со поразот од Јордан во полуфиналето на Азискиот куп. Неколку дена по завршувањето на првенството медиумите објавија дека пред полуфиналето била нарушена атмосферата во националниот тим на Јужна Кореја. Фудбалскиот сојуз потврди дека за време на првенството во Катар дошло до физичка пресметка помеѓу првата ѕвезда Сон и младиот Канг Ли.
Сон го повредил прстот, но и покрај инцидентот што го предизвикаа, Сон и Канг Ли се најдоа во тимот за полуфиналниот меч, а епилогот на лошите односи беше поразот од аутсајдерите.
Веста објавена во англискиот „Сан“, брзо ја потврдија од ФС на Јужна Кореја, а медиумите во таа азиска земја излегоа со повеќе детали за скандалот.
Се се случило на вечерата пред натпреварот со Јордан. Причина за реакцијата на Сон била одлуката на најмладите репрезентативци Канг Ли, Ву Сеол и Ву Јонг, брзо да го завршат оброкот и да заминат да играат пинг-понг.
Разочаран и лут што пред важен натпревар се нарушува единството во тимот и се прави бука пред сите да ја вечерата, Сон се обидел да ја прекине играта. Откако не го послушале асот на Тотенхем и еден од најдобрите играчи во светот го фатил за врат Канг Ли, а играчот на ПСЖ возврати со тупаница.
Корејските медиуми јавуваат дека Сон го избегнал ударот, но го повредил прстот. Постарите играчи во тимот побарале од селекторот, Јирген Клинсман да го исклучи Канг Ли од репрезентацијата, но Германецот одбил да го стори тоа.
Во нарушена атмосфера Јордан ја совлада Јужна Кореја се пласира во финалето каде што подоцна загуби со 3:1 од Катар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Бруно промаши пенал, Јунајтед не успеа да победи кај Фулам

Фулам и Манчестер јунајтед одиграа 1:1, во последниот денешен напревар, одигран во рамките на второто коло во Премиер лигата.
Манчестер јунајтед продолжи онаму каде што застана минатата сезона. Ниту скапите засилувања не ја подбрија играта на „црвените ѓаволи“. Кај Фулам, Јунајтед имаше подобри панси но не успеа да му зададе удар на противникот.
Матеуш Куња во првиот дел ја погоди стативата, а во 38.минута капитенот Бруно Фернандеш не реализира пенал. Ужасно шутираше Португалецот, ударот заврши над голот.
Јунајтед успеаја да постигнат гол, во 58.минута по ударот на Јоро, топката го погоди Муниз го смени правецот и заврши во голот.
Фулам изедначи во 73.минута. Стрелец беше Смит-Роу кој нецели 120 секунди претходно влезе во игра.
Спорт
Го избркаа од Марсеј, тој потпиша за Болоња

Младиот англиски крилен играч Џонатан Роу се пресели од Олимпик Марсеј во Болоња.
Роу претходно беше ставен на трансфер листата во францускиот тим откако се степа во соблекувалната цо соиграчот Адриен Рабио, по поразот во Рен.
И двајцата беа суспендирани поради недисциплина, а Роу веќе си најде нов клуб. Овој поранешен играч на Норич одигра десет натпревари за младата репрезентација на Англија и постигна три гола.
Во Болоња ќе има биде замена за Дан Ндоје, кој замина во Нотингем Форест.
Спорт
(Видео) Грилиш како во најдобрите денови, го водеше Евертон до победа над Брајтон

Фудбалерите на Евертон имаа совршено деби на својот нов стадион. По неубедливиот настап и поразот против Лидс во првото коло, играчите на Евертон значително го подобрија впечатокот со победата над Брајтон (2:0)..
Од самиот почеток на натпреварот, Дејвид Мојс на теренот го испрати најзвучното засилување во летниот преоден рок, Џек Грилиш.
Поранешниот играч на Манчестер сити, забележа две аситенции. Во 23-та минута, брилијантно проигра покрај Ендиае, кој со прецизен удар му донесе водство на Евертон.
Уште една магија на Џек Грилиш во 52-та минута, кога му намести гол на Џек Гарнер.
Брајтон можеше да внесе драма во финишот на натпреварот, но Дени Велбек промаши пенал, поточно, голманот Џордан Пикфорд го одбрани ударот од белата точка.
Во следното коло, Евертон ќе гостува кај Вулверхемптон, додека Брајтон има тешка задача пред себе, бидејќи се соочува со Манчестер сити.