Свет
Синот на Нетанјаху ужива на Флорида: Живее во луксузен комплекс и е заштитен од израелски телохранители, додека стотици илјади негови сонародници се во војна
Постариот син на израелскиот премиер Бенјамин Нетанјаху, Јаир, се чини дека не брза да ѝ се придружи на израелската армија, бидејќи беше снимен како шета низ луксузен станбен комплекс во Флорида додека рекорден број резервисти водат брутална војна против Хамас во Појасот Газа, пишува Дејли Мејл.
На фотографиите кои ги сними Дејли Мејл, синот на Нетанјаху е фатен како се излежува на терасата на луксузниот комплекс, кој чини 5.000 долари месечно, пие пијачки и ги забавува пријателите.
Јаир има 32 години и ги исполнува условите да служи во резерва на израелската армија додека не наполни 40 години.
Неговиот татко минатата недела вети целосна победа над Хамас и им нареди на трупите на ИДФ да се подготват за голема копнена офанзива врз густо населениот јужен град Рафах во Газа.
Јаир, кој има свој подкаст и активизам на социјалните мрежи, го помина поголемиот дел од 2023 година во САД, и покрај масакрот на 1.200 Израелци, главно цивили и рејвери кои присуствуваа на музичкиот фестивал Нова.
Нетанјаху Јуниор конечно се поклони на притисокот на јавноста и полета во Тел Авив на крајот на ноември, каде што беше фотографиран како управува со телефоните за итни случаи на една невладина организација.
Но, тој веќе се вратил во САД во средината на јануари, дознава Дејли мејл, и останал на неколку километри од Мајами Бич, а изворите велат дека Јаир деноноќно го чуваат двајца вооружени агенти од израелската безбедносна служба Шин Бет кои го следат до теретана, базен..
Комплексот во кој престојуваше Јаир може да се пофали со удобности во стилот на одморалиштето, вклучувајќи тениски терени, спа центар, соба за игри, приватно кино и винарска визба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Истражување: Рекорден број луѓе во светот избегнуваат да следат вести
Рекорден број луѓе ширум светот избегнуваат да ги следат вестите, покажа истражувањето на Институтот Ројтерс на Универзитетот Оксфорд.
Како што е наведено, 39 проценти од испитаниците од 47 земји рекле дека понекогаш или често активно ги избегнуваат вестите, додека во 2017 година, 29 проценти од учесниците во истражувањето го дале овој одговор.
Околу 46 отсто од луѓето одговориле дека се многу или екстремно заинтересирани за вести, наспроти 63 отсто во 2017 година, пренесува Би-би-си.
Свет
Шумски пожар се шири во близина на Лос Анџелес, евакуирани се 1.200 луѓе
Шумски пожар во Јужна Калифорнија во близина на Лос Анџелес се прошири на површина од 60 квадратни километри, еден ден откако принуди евакуација на најмалку 1.200 луѓе.
Само околу 2 отсто од пожарот што избувна во саботата беше локализиран до недела навечер, пренесува АП.
Засега нема извештаи за жртви.
Свет
Најмалку 13 загинати во судир на воз во Индија
Најмалку 13 лица загинаа во судир на патнички и товарен воз во источната индиска држава Западен Бенгал, соопшти денеска полицијата.
Премиерката на Западен Бенгал Мамата Банерџи изјави дека лекарите и спасувачките екипи пристигнале на местото на несреќата, пренесува Ројтерс.
Според неа, возот „Канчанџунга експрес“, кој ги поврзува североисточните држави Асам и Трипура со Западен Бенгал, бил удрен од товарен воз.