Спорт
(Видео) Вориорс „свиреше“ џез, Томпсон како резерва го одигра мечот на сезоната
Три натпревари се одиграа изминатата ноќ во НБА лигата. Победи забележаа Голден стејт Вориорс, Минесота Тимбервулвс и Мемфис Гризлис.
Вориорс гостуваа во Солт Лејк Сити, во државата Јута. Овој натпревар требаше да се одигра на 17 јануар, беше одложен поради смртта на помошникот на Стив Кар, Дејан Милојевиќ.
Вориорс ја победија Јута со 140:137, најмногу благодарение на неверојатната игра во втората четвртина, во која постигнаа 48 поени.
До победата Вориорс ги предводеше Клеј Томпсон, кој по 727 последователни натпревари како дел од стартната петорка, започна како резерва, што не му се случило уште од руки сезоната 2011/12.
Новата улога му „легна“ на Томпсон, го одигра најдобриот меч од почетокот на сезоната. Го предводеше тимот со 35 поени, шест скока и две асистенции и без загубена топка.
Кари заврши со само 16 поени и 10 асистенции, но освен Томпсон, најдобрата офанзивна партија сезонава ја имаше и Дрејмонд Грин, кој постигна 23 поени. Домаќините ги предводеа Колин Секстон со 35 и дебитантот Кејонте Џорџ со рекордни во кариерата 33 поени.
Подеднакво возбудлива завршница имаше во Мемфис, каде домашните Гризлис ги победија Милвоки Бакс со 113:110. Мемфис имаше девет поени предност во последната минута, но Бисли погоди две тројки ја намали разликата на три поени, но потоа Демијан Лилард не успеа да избори продолженија.
Зиаир Вилијамс и дебитантот Џеј Џеј Џексон, најмладиот играч во лигата, ги предводеа Гризлис со по 27 поени, додека 35 поени и 12 асистенции на Јанис Адетокумбо не беа доволни за Бакс. Ова е седми пораз за Милвоки во 10 натпревари откако тренерот Док Риверс го презеде тимот.
Во последната вечер пред Ол-стар викендот се одиграа само три натпревари, а на последниот Минесота го потврди лидерското место на Западот со убедливата победа во Портланд од 128:91, во која Ентони Едвардс постигна 34 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.