Македонија
СДСМ реагира: Изградивме и обновивме над 1.510 километри пат, ДПМНЕ правеше споменици и стиропор

ДПМНЕ е последната партија којшто може да говори за инфраструктура и инвестиции, реагира СДСМ по денешната трибина на опозициската партија.
Тоа е партијата, велат од СДСМ, која спроведуваше криминални проекти како Скопје 2014 за богатење на поединци од белиот дворец.
„Стиропор, жални врби и споменици не се инфраструктура.
Бројките и фактите покажуваат дека СДСМ изгради и обнови 1510 километри патна мрежа, во споредба со ДПМНЕ која за 11 години едвај 660 километри.
Најголемото ниво на капитални инвестиции во време на ДПМНЕ беше едвај 270 милиони евра, СДСМ веќе реализираше над 707 милиони евра капитални инвестиции.
Патишта, гасоводи, канализации, водоводи…
Автопатот Миладиновци – Штип кој беше со околу 50% прогрес кога ја превземавме власта во 2017 година го изгради СДСМ.
Се градат автопати на повеќе делници, Скопје-Блаце, Кичево – Охрид, а започнаа и нови, Тетово-Гостивар- Букојчани, Прилеп-Битола, Требеништа – Струга – Ќафасан.
Само за неколку години СДСМ изгради неколку нови експресни патишта, Штип – Радовиш, Штип – Кочани, а во 2024 година завршуваме со изградба на уште два нови експресните патишта Ранковце-Крива Паланка и Градско кон Прилеп и оваа година и овие ќе бидат пуштени во употреба.
Коридорот 8 го вметнавме на главната мрежа на европски коридори и следува изградба и модернизација на целиот коридор 8 и коридорот 10д.
Со инвестиција од 70 милиони евра обновивме 180 локални улици во над 70 општини ширум државата.
Конечно започна градбата на најголемата инвестиција во железницата, новата пруга кон Бугарија вредна 750 милиони евра.
Од Битола до Кременица пругата исто така е завршена и пуштена во употреба во време на СДСМ.
Изградивме социјални згради во 9 општини и го решивме станбеното прашање на преку 300 семејства.
Нема сегмент во инфраструктурата во којшто ДПМНЕ може да се споредува, СДСМ напраевено неколкупати повеќе од ДПМНЕ и тоа се факти“, се вели во соопштението на СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Грижата за пензионерите е приоритет оти дали е добра оштината се мери по тоа како се грижи за своите највозрасни, вели Меџити

Kандидатот за градоначалник на Општина Чаир од коалицијата ВЛЕН, Изет Меџити, го посети Здружението на пензионери. Се сретна со нивните претставници кои имаат назаменлив придонес во изградбата на општеството.
„Оваа посета има посебно значење за мене. Не сум тука само да слушам, туку да покажам дека ветувањата се реализираат“, рече Меџити и укажа на важноста на конкретната поддршка за возрасните лица.
Во рамките на посетата, тој информираше дека Здружението на пензионери веќе користи дополнителен простор за дневни активности, како дел од заложбите оваа категорија граѓани да биде поактивно вклучена во општествениот живот.
Меџити потсети дека во текот на оваа година, поддршката од Владата за пензионерите е видлива, со зголемување на пензиите како директна мерка за подобрување на економската сигурност на повозрасните граѓани.
Од 1 октомври е реализирано ново зголемување, а со најавеното зголемување во март, пензионерите ќе добијат вкупно 7.000 денари покачување, што претставува значаен чекор кон подобрување на нивниот животен стандард.
„Грижата за пензионерите е клучен дел од мојата политичка програма. Ќе продолжиме да инвестираме во просториите, услугите и благосостојбата на пензионерите. Зашто една добра општина се мери и по тоа како се грижи за
своите највозрасни“, рече Меџити.
Македонија
Левица: Премиере, наместо манипулации за Левица, објаснете зошто не покренувате постапка против Заев и како го амнестиравте Груби

Политичката партија Левица преку соопштение до медиумите му постави неколку прашања на премиерот Христијан Мицкоски.
„Нѐ радува што најголемиот кошмар на корумпираните елити, меѓу кои и самиот премиер Христијан Мицкоски, е токму Левица. До таа мера сме им трн во око, што нивните партиски митинзи започнуваат со повторување на лажни и шизофрени тези насочени против нас. Премиерот, кој треба да претставува државнички капацитет и стабилност, секојдневно ја дискредитира својата функција со контрадикторни изјави – наутро тврди дека Левица е во коалиција со ДУИ, а навечер дека токму ДУИ со своето негласање придонеле за забрана за рекламирање на Левица.
Секој рационален човек гледа дека Левица никогаш не била и нема да биде во коалиција со било која партија. Постојат само две страни – Левица и народот, наспроти криминогените партиски картели.
Во обид за политички маркетинг, Мицкоски продолжува со своето себепонижување во име на коалицискиот партнер ВРЕДИ. На митинг на ВМРО-ДПМНЕ ги бранеше и повикуваше своите членови да гласаат за кадрите на ВРЕДИ, претставувајќи го како најголемо зло тоа што Левица има кандидати во Тетово, Струга и Гостивар, градови кои ВМРО и СДСМ одамна ги избришаа од мапата на Македонија.
Премиере, кога ветувавте дека ќе го вратите достоинството на народот – ова ли го имавте на ум? Да ги терате сопствените членови да гласаат за луѓе кои јавно пропагираат соништа за Македонија како втора албанска држава, а во име на тие соништа жестоко ја напаѓате Левица?
Да потсетиме, кога се собра мнозинство за изгласување недоверба на владата на Заев, на таа маса седеше и Левица. Додека ние го баравме „исчезнатиот“ пратеник поради кој таа влада не падна, Вие објавувавте слики како вадите масно ткиво. Сега, кога сте на власт, зошто во име на бизнисите не покренавте ниту една постапка против Заев, додека тој гради раскош во Дубаи?
А речиси една година по исценираното бегство на Артан Груби, јавноста сè уште чека одговори. До
Македонија
Извршителите ќе имаат увид во пензиите, Правда потпиша меморандум за соработка со Комората на извршители и Фондот за пензиско

Министерството за правда, Комората на извршители и Фондот за пензиско и инвалидско осигурување потпишаа меморандум за соработка со кој се воспоставува брза и директна размена на податоци за должниците кои се корисници на пензија.
Од Министерството за правда велат дека целта на меморандумот Целта на Меморандумот е да се обезбеди побрза и поефикасна размена на податоци за лицата-должници, корисници на пензија, со што се овозможува поголема правна сигурност за граѓаните, заштита на личните податоци, почитување на етичките стандарди, грижа за најранливите категории, особено пензионери со минимална пензија, јасни и транспарентни процедури и поефикасно спроведување на извршувањата.
„Со овој чекор се зајакнува институционалната соработка, се намалуваат административните пречки и се гарантира фер и законито постапување од страна на сите засегнати страни“, велат од Министерството за правда.
Од таму најавуваат дека ќе продолжат градат правосуден систем врз принципите на доверба, отчетност и транспарентност, со посебна грижа за најранливите граѓани.