Регион
Авионот на „Ер Србија“ удрил во антена, па почнало да тече гориво – кружел еден час над Белград
![](https://makfax.com.mk/wp-content/uploads/2024/02/н1-1.jpg)
Авионот на компанијата „Маратон ерлајнс“, која врши сообраќај за „Ер Србија“, при полетувањето од аеродромот „Никола Тесла“ удрил во инфраструктурата, најверојатно инструментацијата која служи за слетување на авионот во спротивна насока од пистата, објасни Петар Воиновиќ од „Танго сикс“, воздухопловниот портал на Србија, за „Н1“.
Авионот потоа летал над Белград еден час пред итно да слета на белградскиот аеродром.
„Со сигурност знаеме дека 60 минути летал над предградијата на Белград. Тоа е со цел да се искористи што повеќе гориво“, објасни Воиновиќ за „Н1“.
Рече дека делот од антената што го удрил се заглавил во левиот корен на крилото, но дека леталото било целосно контролирано, освен еден детаљ – а тоа е дека клапите на авионот откажале.
„Авионот слета само малку побргу“, нагласува Воиновиќ.
Evo kako je izgledao E-195 reg. OY-GDC kompanije Marathon airlines koji leti za ErSrbiju večeras posle prinudnog sletanja na BEG.😕 pic.twitter.com/crLJURHeDa
— Peđa Vučetić (@Pedjijatar) February 18, 2024
При слетувањето, авионот прелетал покрај контролната кула на мала висина од 120 метри, така што контролата визуелно потврдила дека тркалата се извлечени. Уредникот на порталот „Танго сикс“ објаснува дека и ова е дел од вообичаената процедура бидејќи дошло до удар.
„Веднаш почувствувале дека удриле во нешто. Имале индикација дека тркалата се извлечени, но тоа морала да го потврди кулата“, додава Војиновиќ.
Екипажот знаел дека удриле во нешто, но не и колкава е целата штета, па по принудното слетување, станало јасно дека тече гориво, вели соговорникот. Но, таму веќе ги чекала пожарникарско-спасувачка единица, која штом видела дека тече гориво, почнала да го полева авионот со пена за да спречи пожар.
Според неофицијални информации, до инцидентот дошло бидејќи леталото полетало од погрешен дел од пистата, иако контролата на летање утврдила поинаква позиција.
„Она што се случи е дека требаше да има редовно полетување, временските услови беа повеќе од добри.
„За време на полетувањето, авионот излетал од пистата неколку стотини метри и дури кога се одвоил од земјата, удрил во некоја конструкција, што најверојатно е инструментацијата, која служи за слетување на авионот во спротивна насока од пистата“, вели Воиновиќ.
Според неговите информации, контролата на летање му дала дозвола на екипажот да полета од соодветна позиција, но од необјасниви причини авионот се нашол на пократка позиција отколку што требало.
Контролата на летање го забележала тоа и го прашала екипажот дали се сигурни дека може да полетаат оттаму или да се вратат на претходно определениот дел.
„Контролорот на летање забележал дека авионот дошол на раскрсницата Д5 наместо на Д6, која има многу помалку мерачи за полетување. Тој го повикал екипажот и прашал ‘дали сте свесни дека сте влегле во Д5’ и им рекол да ја прекалкулираат изведбата или да се вратат. Екипажот рекол дека сè уште може да полета од Д5. Не е јасно зошто го смениле ставот. На овој авион им требаат околу 1.430 метри за да полета под разни услови, а најверојатно имале околу 1.200 метри“, вели Воиновиќ.
Тој посочува дека во целиот инцидент „барем дел од безбедносниот синџир бил правилно направен“, а тоа, според него, е контролата на летање.
Тој забележува дека на крајот секогаш е одговорноста на екипажот на летот бидејќи тие ги знаат перформансите во однос на бројот на патници, тежината на авионот и должината на пистата.
„Не можеме да знаеме што се случило во нивниот процес на размислување. Таму, пак, одговорноста е исклучиво на пилотот“, заклучува соговорникот за „Н1“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Регион
Маж од Албнија вооружен со мачета се заканувал на полицајци во западна Германија, извикувал „Алах акбар“
![](https://makfax.com.mk/wp-content/uploads/2018/08/policija-germanija.jpg)
Маж од Албанија вооружен со мачета бил совладан и уапсен откако рано утринава се заканил дека ќе убие полицајци во полициска станица во западна Германија, соопшти обвинителството.
Инспекторите рекоа дека веруваат дека тој имал исламистички, екстремистички мотив, пренесе АП.
Албанскиот државјанин (29) околу 02.40 часот пристигнал во полициската станица во гратчето Линц на Рајна, меѓу Кобленц и Бон.
Обвинителите рекоа дека тој извикувал „Алаху акбар“ – „Господ е голем“ на арапски – и рекол дека сакал да ги убие полицајците.
Дежурните полицајци ја заклучиле вратата од полициската станица и влезот во внатрешниот двор.
Осомничениот се обидел, но не успеал да ги натера да го отворат влезот, се вели во соопштението на обвинителот.
На местото на настанот биле повикани специјалци кои го совладале со пиштол за шокирање.
Инцидентотследи по нападот со нож на 23 август во западниот град Солинген, во кој осомничен екстремист од Сирија беше обвинет за убиство на три лица.
Регион
Сопругата на Бора Чорба се прости од рокерот со трогателни зборови: „Твоето срце ќе чука со нас засекогаш“
![](https://makfax.com.mk/wp-content/uploads/2024/09/Screenshot-2024-09-06-134325.jpg)
Легендата на рокот, Бора Ѓорѓевиќ, почина на 72 години, на 4 септември, а последен поздрав преку некролог во весник денеска му испратија сопругата Дубравка и другите членови на семејството.
Во Чачак, денеска, 6 септември, беше прогласен ден на жалост, а во Центарот за култура беше отворена книга на жалоста.
„Погребот ќе се изврши в сабота, 7.9.2024 година, во 14.30 часот, на градските гробишта во Чачак. Црковниот обред е во 14 часот. Сочувство ќе се прима од 13 часот. Драг наш, твоето срце ќе чука засекогаш со нас. Твоите песни засекогаш ќе бидат дел од нас… Ни подари грст спомени преку кои ќе те паметиме“, пишува во последниот поздрав на сопругата на Бора и семејството.