Свет
Командант на НАТО: Ги преценивме шансите на Украина
![](https://makfax.com.mk/wp-content/uploads/2024/01/ukraina-vojnik.jpg)
Западот во голема мера ги прецени шансите на Украина да напредува на бојното поле против Русија минатата година, тврди адмиралот Роб Бауер, главниот командант на НАТО. Неговите оценки за ситуацијата на теренот следеа по неуспешната контраофанзива на Киев и неодамнешното губење на стратешкиот град Авдејевка.
Во интервју за „Фајненшл тајмс“, адмирал Бауер, кој претседава со Воениот комитет на НАТО, призна дека западните сили биле „премногу оптимисти за војната во 2023 година“. Очигледно, се мислеше на амбициозните планови на Киев да ја пробие руската одбрана и да стигне до полуостровот Крим, кои не се реализираа.
Бауер, кој беше на чело на холандските вооружени сили меѓу 2017 и 2021 година, вели дека Западот верувал дека „ако им ја дадат на Украинците потребната муниција и обука, тие ќе победат“.
Во исто време, тој предупредува дека не сака да биде „премногу песимист за 2024 година“, наведувајќи дека и покрај неодамнешните неуспеси, Украина останува суверена нација.
Неговите изјави уследија по минатонеделната Минхенска безбедносна конференција, која главно се занимаваше со воената ситуација во Украина.
Овогодинешниот настан бил сосема поинаков од оној во 2023 година, наведува „Фајненшл тајмс“ со оценка дека „оптимизмот се претворил во континуиран мрак“, отежнат со сознанието дека на Киев итно му требаат големи испораки на муниција, која Западот се бори да ја обезбеди.
Весникот „Политико“ во неделата објави дека неколку официјални лица ја искористиле конференцијата за да инсистираат дека Украина ќе го загуби конфликтот доколку САД не одобрат дополнителни 60 милијарди долари помош. Оваа мерка со месеци ја блокираа републиканците во Конгресот, барајќи да се зајакне безбедноста на јужната граница на САД со Мексико.
Според весникот, официјалните лица „звучеле далеку од сигурно како би можела да изгледа победата на Украина“, дури и со обновената американска помош.
Засега, планот на Западот е едноставно „да спречи колапс на украинската армија“, пишуваат медиумите.
Стравувањата на Западот од потенцијалниот пораз на Киев повторно се разгореа откако неговата летна контраофанзива не успеа да ги пробие руските линии, и покрај тоа што украинската војска беше засилена со огромни количества странска опрема.
Руското Министерство за одбрана ги процени загубите на Киев на повеќе од 215.000 лица само во 2023 година.
Украинците претрпеа нов тежок пораз минатата недела, руските војници го зазедоа утврдениот град Авдеевка во Донбас. Според руското Министерство за одбрана, украинските војници хаотично се повлекле, претрпувајќи големи загуби.
Украинскиот претседател Володимир Зеленски инсистираше на тоа дека повлекувањето е „апсолутно логично“ и дека се обидува да избегне големи жртви.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.