Свет
Израел испраќа тим предводен од шефот на Мосад на преговори во Париз
Воениот кабинет на Израле денеска испраќа преговарачки тим во Париз. Тимот ќе го предводи шефот на Мосад, Дејвид Барнеа. Тие ќе разговараат за потенцијално примирје и ослободување на заложниците, пренесува CNN. На средбата доаѓаат и шефот на ЦИА, Бил Брнс и претставници од Египет и Катар.
Одлуката да дојде на преговори, израелскиот воен кабинет ја донесе во текот на ноќта, откако американскиот координатор за Блискиот Исток Брет Мекгурк се сретна со израелските лидери, меѓу кои и премиерот Нетанјаху. Израелски функционер изјави дека владата чека потврда дека на заложниците во Газа им биле дадени лекови, по што решиле да се вратат на преговарачката маса, пренесува медиумот.
Израел се заканува со офанзива во Рафах, дом на над милион палестински бегалци. Водачите на Хамас оваа недела разговараа со египетските власти кои се обидуваа да ги помират двете страни. Сепак, Нетанјаху ги нарече предлозите на Хамас „заблуди“.
Првиот договор за ослободување на заложниците беше постигнат во ноември. Оттогаш поминаа три месеци и во Газа има се повеќе цивилни жртви. Расте и меѓународната осуда на операциите во Газа и притисокот врз администрацијата на Бајден да стави крај на војната.
Израел предупреди дека доколку не се постигне договор за заложниците до почетокот на Рамазан, ќе започне офанзива на Рафах. Во моментов во градот има милион и пол луѓе кои се затворени во шатори и немаат храна, вода и лекови.
Речиси сите болници во Газа се затворени или под опсада во болницата „Насер“ во Кан Јунис, лекар опишал „очајна и катастрофална“ ситуација без струја, кислород, греење и едвај малку храна или вода. Според информациите на Министерството за здравство во Газа, во израелските напади оваа недела загинале 118 Палестинци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нетанјаху доби предупредување од комисијата што го истражува купувањето на подморници од страна на владата
Израелската комисија, која спроведе истрага за сомневањата дека имало злоупотреби при владината набавка на подморници и ракетни бродови од Германија, денеска упати предупредување до израелскиот премиер Бенјамин Нетанјаху дека ја искористил својата позиција за да ја одобри набавката без да ја следи пропишанота постапка.
Комисијата го информираше Нетанјаху дека, врз основа на собраните докази досега, утврдила дека тој ја искористил својата позиција како премиер помеѓу 2009 и 2016 година за да добие „зелено светло“ за купување без да следи соодветна процедура, објави Ројтерс.
Израелскиот премиер Бенјамин Нетанјаху денеска изјави дека набавката на подморници од Германија е клучно прашање за безбедноста на Израел со цел да се одбрани од Иран, кој, како што наведе, се обидува да ја уништи еврејската држава.
Регион
Во Грција од почетокот на месецот шест туристи загинаа поради големи горештини
Поради високите температури, кои достигнуваат и до 40 степени Целзиусови, од почетокот на месецов во Грција загинаа шест туристи, а неколкумина се водат за исчезнати.
Последната жртва е 67-годишен Германец, кој е пронајден мртов на островот Крит, соопшти денеска полицијата. Туристот во неделата сам излегол на прошетка во кањонот, а по неколку часа и се јавил на сопругата и рекол дека не се чувствува добро.
„Операцијата за пребарување и спасување започна веднаш и специјална единица за спасување со дронови забележа тело на маж во кањонот Трипити“, изјави полициски претставник за Ројтерс.
Спасувачките екипи трагаат и по две Французинки на возраст од 73 и 64 години на островот Сикинос и 59-годишен американски полицаец на одмор на островот Аморгос. Уште еден Американец беше пронајден мртов на грчкиот остров Матраки во Јонското Море минатата недела, а холандски турист беше пронајден мртов на егејскиот остров Самос претходно овој месец.
Телото на британскиот ТВ водител Мајкл Мозли беше пронајдено на 9 јуни на Сими, остров во Егејското Море, по четиридневна операција за пребарување со авиони, дронови и чамци. Мозли наводно одел сам на високите температури пред да исчезне.
Свет
Европската Унија го усвои 14-тиот пакет-санкции против Русија
Европската унија го усвои 14-тиот пакет-санкции против Русија поради нејзината војна против Украина, која почна во февруари 2022 година, објави Европскиот совет.
„Денеска, Советот го усвои 14-тиот пакет економски и индивидуални рестриктивни мерки, кои задаваат дополнителен удар на режимот на Владимир Путин и на оние што ја одржуваат неговата незаконска, неиспровоцирана и неоправдана агресивна војна против Украина“, се наведува во соопштението.
Како што се додава, санкциите ќе ги погодат високовредните сектори на руската економија, како што се енергијата, финансиите и трговијата, и ќе го отежнат заобиколувањето на санкциите на ЕУ.
Пакетот вклучува рестриктивни мерки за дополнителни 116 поединци и субјекти „одговорни за дејства што ги поткопуваат или загрозуваат територијалниот интегритет, суверенитетот и независноста на Украина“.
Европската Унија воведе забрана за европските банки надвор од Русија да го користат SPFS (Системот за финансиски пораки), кој е руски еквивалент на SWIFT, за размена на финансиски пораки.