Спорт
Нејмар го спасил Дани Алвеш од поголема затворска казна
Поранешниот бразилски репрезентативец Дани Алвеш, вчера беше осуден на затворска казна од четири ипол години. Алвеш силувал девојка во ноќен клуб во Барселона ноќта меѓу 30 и 31 декември 2022 година.
Станува збор за првостепена одлука против која Дани Алвеш ќе поднесе жалба, но тешко дека ќе може значително да ја намали казната, бидејќи добил многу помалку отколку што побарале адвокатите на силуваната девојка (12 години), односно обвинителството (девет години).
Според информациите на бразилските медиуми, од поголема казна Дани Алвеш го спасил неговиот голем пријател Нејмар. На жртвата пред судењето и биле исплатени 150.000 евра, а тие пари ги дал Нејмар, а исто така во одбраната на Дани Алвеш бил и беговиот адвокат Густаво Сист, вработен во компанијата на таткото на Нејмар.
Според шпанскиот закон, исплата на отштета пред судењето се смета за „олеснителна околност“, поради што Дани Алвеш добил помала затворска казна.
Адвокатите подготвуваат жалба, но Алвеш ќе остане во затвор бидејќи постои опасност тој да избега во Бразил. Шпанија и Бразил немаат потпишано договор за екстрадиција.
Бразилскиот фудбалер (40) е еден од најдобрите десни бекови на сите времиња и втор најтрофеен фудбалер во историјата на овој спорт. Во кариерата тој освои 44 трофеи, вклучувајќи три Лига на шампиони со Барселона и две Копа Америка со Бразил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва