Македонија
Демири и АЦФ: „Трикафта“ го подобрува животот на пациентите со цистична фиброза
Министерот за здравство, д-р Илир Демири, денеска, се сретна со претседателите на Асоцијацијата за цистична фиброза (АЦФ), Александар Стамболиски и Елмир Сејфулаи, како и членката од Асоцијацијата, Ивана Атанасоска. На средбата се дискутира за состојбата на пациентите со цистична фиброза, за третманот и лекувањето со „трикафта“, но и за следните конкретни чекори што треба да се преземат за подобрување на животот на оваа група пациенти.
Демири потенцира дека Министерството и Асоцијацијата имаат успешна соработка, која резултира со поквалитетен живот на пациентите.
„Асоцијацијата за цистична фиброза е нашиот партнер и заеднички продолжуваме да дејствуваме за подобра здравствена состојба на пациентите со цистична фиброза. Се гордеам што нивната белодробна функција по примањето на терапијата е подобрена. Досега 32 пациенти имаат примено ‘трикафта’ и етапно сите ќе се вклучат на терапија. Верувам дека заеднички можеме многу да постигнеме, во Министерството за здравство имате искрен партнер“, рече Демири.
Претседателот на Асоцијацијата, Стамболиски, во извештајното резиме нотира дека пациентите што се вклучуваат на терапија со „трикафта“ комплетно им го подобрува животот.
„Во сите овие процеси АЦФ не ја заборава и се заблагодарува за улогата на ресорното Министерство за здравство, во кое гледаме пријател за здравјето на пациентите – процес што треба да продолжи и да ги опфати сите на кои лекот живот им значи. Тоа може да се потврди само со коректна соработка и институционален континуитет каков што воспоставивме на релација Асоцијација на цистична фиброза – Министерство за здравсто. Веруваме дека нашите заложби се заемни со Министерството бидејќи и покрај досега постигнатото, пред нас се и нови сериозни задачи. Како потврден учесник во добрата соработката со институцијата, продолжуваме со адресирање на проблемите, но и да нудиме соодветни решенија од заеднички интерес за пациентите“, вели Стамболиски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Грчкото МНР реагира на заклетвата на Силјановска: „Европскиот курс зависи од употребата на уставното име“
Грчкото Министерство за надворешни работи упати реакција по денешна заклетва во Собранието на новоизбраната претседателка на државата, Гордана Силјановска-Давкова.
Од грчкото МНР велат дека и покрај тоа што во официјалниот текст на заклетвата што и’ беше диктирана, земјата се нарекува „Северна Македонија“, новата претседателка одлучи да ја нарече својата земја „Македонија“.
Со овој чин, велат од Министерството, грубо се крши Договорот од Преспа како и Уставот на соседната земја, кој е усогласен со нејзините меѓународни обврски.
„Грчката влада, и покрај приговорите што ги искажа како противење при ратификацијата на договорот, го почитуваше како ратификуван меѓународен договор кој има предност над која било друга законска одредба. Грција, во овој контекст, категорично наведува дека натамошниот напредок во нејзините билатерални односи со Северна Македонија, како и европскиот курс зависат од целосното спроведување на Договорот од Преспа и пред се од употребата на уставното име на земјата“, се вели во реакцијата.
За време на давањето заклетва, грчката амбасадорка во земјава ја напушти пленарната сала во знак на протест, а грчкиот весник „Катимерини“ напиша дека тоа било под директива на грчкото Министерство за надворешни работи.
Македонија
Лога: Непочитувањето на уставното име на државата ја прави ништовна заклетвата на Силјановска
Непочитувањето на уставното име на државата ја прави ништовна заклетвата на Гордана Силјановска-Давкова, реагира министерот за правда, Кренар Лога.
„Или повторување на постапката или функцијата претседател на државата треба да ја преземе Јован Митревски (претседател на собрание), како В.Д.“, порача Лога.
Гордана Силјановска-Давкова денес положи заклетва во Собранието за претседател на државата без да употреби Северна Македонија, по што грчката амбасадорка ја напушти пленарната сала во знак на протест.
Македонија
Силјановска-Давкова ја презеде претседателската функција од Стево Пендаровски
Гордана Силјановска-Давкова со највисоки државни и воени почести ја презеде функцијата претседател на државата од Стево Пендаровски во „Вила Водно“.
Таа претходно беше во Собранието каде што даде свечена заклетва за совесно и одговорно извршување на должноста.
Силјановска потоа се обрати пред пратениците, каде повика на единство, истакнувајќи дека ќе биде претстедателка на сите партии и сите граѓани, а говорот им го посвети на жените, сугерирајќи дека ќе биде инспирација за нивно учество во политичкиот живот.
Од денес почнува нејзиниот петгодишен претседателски мандат. Таа е шести претседател, и прва жена која се здобила со оваа функција од осамостојувањето на државата.