Спорт
Легендата на Кина со години местел натпревари, доби доживотна затворска казна

Поранешниот фудбалер на Еветон, Ли Таи (46) е осуден на доживотен затвор во Кина, јавуваат локалните медиуми. Ли признал дека примал и давал мито, а учествувал и во местење натпревари.
Врвот на неговите активности го достигна кога беше селектор на Кина од 2019 до 2021 година.
Познатиот кинески фудбалер призна дека местел натпревари додека бил тренер на Хебеи и Вухан, како и дека платил повеќе од 350.000 евра за да стане селектор на Кина.
Една година по неговото заминување од кормилото на репрезентацијата, обвинителството отвори истрага, а сега пристигнуваат информации дека тој ќе биде во затвор до крајот на животот.
Покрај Ли, на 15 години затвор е осуден поранешниот претседател на кинеската фудбалска асоцијација, Чен Ксујен, а затворска казна од 13 години доби директорот на репрезентацијата Ду Џаокаи.
„Многу ми е жал. Требаше да одам со наведната глава и да тргнам по вистинскиот пат. Имаше одредени работи кои беа вообичаена практика во фудбалот во тоа време. Добивањето „успех“ на такви несоодветни начини всушност ме направи понетрпелив и желен за брз резултати. За да постигнам добари резултати, почнав со притисоци врз судиите, давање мито на противнички играчи и тренери, понекогаш преку клубови кои се занимаваат со други клубови. Ова однесување станува навика, а на крајот има дури и мала зависност од овие практики“, тој кажа тоа.
Во Англија, Ли Таи беше член на Евертон и Шефилд јунајтед. За кинеската репрезентација забележа 92 настапи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Клупско СП: Палмеирас славеше во бразилското дерби во продолженијата

Ботафого во групната фаза приреди едно од најголемите изненадувања, го победи во Пасадена шампионот на Европа, Пари Сен Жермен, но овој пат не можеше против земјаците од Сао Пауло. Фудбалерите на Палмеирас први се четвртфиналисти на Клупското светско првенство што се одржува во Соединетите Американски Држави.
Зелените од Сао Пауло беа подобри од црно-белите од Рио де Жанеиро во осминафиналето. Дуелот на два бразилска великанa на стадионот Линколн Фајненшл Филд во Филаделфија заврши со резултат 1:0 (0:0, 0:0).
Победникот е одреден дури по продолженијата откако по 90 минути игра немаше голови. Стрелец на одлуката беше Паулињо во 100. минута. Палмеирас по 90 минути имаше далеку повеќе удари кон голот (16:4), но идната ѕвезда на лондонскиот Челси, 18-годишниот „вундеркинд“ Вилијан Естевало и останатите фудбалери во зелени дресови не најдоа пат до мрежата на Ботафого во регуларниот дел.
Спорт
Норис со брутален круг до пол-позицијата во Австрија

Возачот на Мекларен, Ландо Норис, ќе стартува од пол-позицијата на трката за Големата награда на Австрија.
Британецот до третата пол-позиција оваа сезона дојде со брилијантен круг 1:03.971 минути. За речиси половина секунда го остави зад себе шарл Леклер од Ферари, а тимскиот колега Оскар Пајстри беше уште подалеку.
Вторито ред за утрешната трка го комплетира Луис Хамилтон од Ферари. Зад него се Џорџ Расел (Мерцедес) и Лијам Лосон (Рејсинг Булс). Актуелниот светски првак, Макс Ферстапен ќе стартува од седмата позиција, веднаш до него е дебитантот од Заубер, Гавриел Бортолето.
Топ 10 ги комплетираа Кими Антонели (Мерцедес) и Пјер Гасли (Алпин).
Трката на патеката Спилберг се вози в недела со почеток во 15 часот.
Спорт
Ѓоковиќ: Сакам да играм уште неколку години

Српскиот тенисер Новак Ѓоковиќ им се обрати на медиумите пред учеството на претстојниот Гренд слем – Вимблдон.
Ѓоковиќ има 24 Гренд слем титули, а новинарите беа заинтересирани дали токму Вимблдон е негова најголема шанса да дојде до 25 Гренд слем трофеј.
„Дали е ова мојот последен танц? Не знам. Имам желба да играм уште неколку години! Би сакал да бидам физички здрав и ментално мотивиран да продолжам да играм на највисоко ниво. Тоа е мојата цел, но на оваа возраст којзнае. Би се согласил дека Вимблдон е мојата најголема шанса, поради резултатите овде и како се чувствувам и како играм овде.“
Новак Ѓоковиќ седум пати во кариерата победил на Вимблдон. Рекордер со осум трофеи е Роџер Федерер.