Спорт
Луда обожавателка животот на Александер-Арнолд му го претворила во пекол

Ѕвездата на Ливерпул и англиски репрезентативец Трент Александер-Арнолд мораше да ангажира телохранители и приватен детектив, дури и го смени телефонскиот број, бидејќи го прогонува обожавателка која го демне и го вознемирува фудбалерот и неговото семејство веќе една година.
Жената „опседната со секс“, како што ја нарече „Сан“, се појавувала пред неговата куќа, тренинг центарот на Ливерпул и во неговите омилени ресторани, а пораки со експлицитна содржина испраќала на телефон и домашна адреса. И членовите на неговото семејство добивале „болни пораки“.
Поради несаканата ситуација, на Александар-Арнолд му било препорачано да преземе низа безбедносни мерки, па ангажирал телохранители и приватен детектив, го сменил телефонскиот број, поставил камери за надзор и побарал да му ја проверуваат поштата.
Ливерпул е свесен за ситуацијата и му дава целосна поддршка на својот играч.
„Пеколот на Трент трае повеќе од една година“, цитира „Сан“ извор од клубот.
„Оваа жена ги тероризира него и неговото семејство, ги бомбардира со експлицитни пораки, постојано му се јавува на телефон, испраќа непотребни писма и непристојни материјали во неговиот дом во Чешир. Ова е навистина загрижувачки за Трент, кој прави се сето тоа да влијае на неговите перформанси на теренот“.
Бурната година на ѕвездата на Ливерпул дополнително беше „зачинета“ со инцидент од октомври кога за влакно избегна трагедија кога поради олуја столб од далновод се урна на патот.
На крајот на краиштата, тој неодамна го повреди коленото и ќе биде надвор од терените најмалку еден месец.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Клупско СП: Палмеирас славеше во бразилското дерби во продолженијата

Ботафого во групната фаза приреди едно од најголемите изненадувања, го победи во Пасадена шампионот на Европа, Пари Сен Жермен, но овој пат не можеше против земјаците од Сао Пауло. Фудбалерите на Палмеирас први се четвртфиналисти на Клупското светско првенство што се одржува во Соединетите Американски Држави.
Зелените од Сао Пауло беа подобри од црно-белите од Рио де Жанеиро во осминафиналето. Дуелот на два бразилска великанa на стадионот Линколн Фајненшл Филд во Филаделфија заврши со резултат 1:0 (0:0, 0:0).
Победникот е одреден дури по продолженијата откако по 90 минути игра немаше голови. Стрелец на одлуката беше Паулињо во 100. минута. Палмеирас по 90 минути имаше далеку повеќе удари кон голот (16:4), но идната ѕвезда на лондонскиот Челси, 18-годишниот „вундеркинд“ Вилијан Естевало и останатите фудбалери во зелени дресови не најдоа пат до мрежата на Ботафого во регуларниот дел.
Спорт
Норис со брутален круг до пол-позицијата во Австрија

Возачот на Мекларен, Ландо Норис, ќе стартува од пол-позицијата на трката за Големата награда на Австрија.
Британецот до третата пол-позиција оваа сезона дојде со брилијантен круг 1:03.971 минути. За речиси половина секунда го остави зад себе шарл Леклер од Ферари, а тимскиот колега Оскар Пајстри беше уште подалеку.
Вторито ред за утрешната трка го комплетира Луис Хамилтон од Ферари. Зад него се Џорџ Расел (Мерцедес) и Лијам Лосон (Рејсинг Булс). Актуелниот светски првак, Макс Ферстапен ќе стартува од седмата позиција, веднаш до него е дебитантот од Заубер, Гавриел Бортолето.
Топ 10 ги комплетираа Кими Антонели (Мерцедес) и Пјер Гасли (Алпин).
Трката на патеката Спилберг се вози в недела со почеток во 15 часот.
Спорт
Ѓоковиќ: Сакам да играм уште неколку години

Српскиот тенисер Новак Ѓоковиќ им се обрати на медиумите пред учеството на претстојниот Гренд слем – Вимблдон.
Ѓоковиќ има 24 Гренд слем титули, а новинарите беа заинтересирани дали токму Вимблдон е негова најголема шанса да дојде до 25 Гренд слем трофеј.
„Дали е ова мојот последен танц? Не знам. Имам желба да играм уште неколку години! Би сакал да бидам физички здрав и ментално мотивиран да продолжам да играм на највисоко ниво. Тоа е мојата цел, но на оваа возраст којзнае. Би се согласил дека Вимблдон е мојата најголема шанса, поради резултатите овде и како се чувствувам и како играм овде.“
Новак Ѓоковиќ седум пати во кариерата победил на Вимблдон. Рекордер со осум трофеи е Роџер Федерер.