Спорт
Познат фудбалер во кома – страшна сцена во првата минута од играта

Напаѓачот на Бордо Алберт Елис паднал во кома откако добил удар на почетокот на натпреварот против Генган во француската Лига 2.
По само 34 секунди од почетокот на мечот, се судрија со главите Елис и Донатиен Гомис. Натпреварот беше прекинат, а на теренот н а Елис осум минути му се укажуваше помош пред да биде изнесен од теренот на носилки. Лекарите му го имобилизираа вратот и му ставија маска за кислород на теренот.
По речиси 50 минути без свест, тој е ставен во индуцирана кома за подобро да се следи неговата состојба поради тешките повреди на главата.
Неговата состојба во текот на ноќта се стабилизирала, но се уште внимателно се следи и се чекаат првите резултати.
„Мислам дека тој прво ја удри топката, а потоа јас го удрив. И јас бев зашеметен за секунда и тој се онесвести. Се надевам дека е добро”, изјави Гомис по натпреварот.
Инаку, Елис е роден во Хондурас каде играше за Олимпија, а потоа играше и за Монтереј во Мексико. Играше во МЛС за Хјустон, пред да замине во Европа преку Боависта, од каде пристигна во Бордо.
За репрезентацијата на Хондурас одигра 60 натпревари и постигна 13 голови.
#VTVNoticias Así fue la jugada en la que Alberth Elis sufrió la lesión en su cabeza.
Según información su estado de salud es delicado.#VtvSomostodos
¡Conéctese con nosotros!
📺 https://t.co/4Ho7ymbVYJ pic.twitter.com/btXsr4XQ1Y— VTV Somos Todos (@VTVSomosTodos) February 25, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Аморим уште долго ќе го предводи Манчестер Јунајтед

Најбогатиот Британец, ко-сопственик на Манчестер Јунајтед, воедно задолежн за спортскиот сектор, Џим Ретклиф нема намера да му врачи отказ на Рубен Аморим, без оглед на лошите резултати на клубот.
Сер Џим Ратклиф, во подкастот „Бизнис“, рече дека тренерот ја има неговата целосна поддршка. Повтори дека на Аморим ќе му се даде време да ги имплементира своите идеи во тимот и дека доколку мнозинскиот сосптвеник, семејството Глејзер побара да му врачи отказ на Амрим, дека неговиот одговор ќе биде „Не“.
Потоа објасни зошто…
„Вистина е дека Аморим не ја има најдобрата сезона во клубот. Но, на Рубен му требаат три години за да покаже дека е одличен тренер. Тогаш јас би ги донел одлуките…“, рече Ратклиф, кој издвои 1,6 милијарди фунти за партнерство со Глејзерс во февруари 2024 година за 26,1 процентен удел во Манчестер Јунајтед.
Дел од договорот е неговата компанија ИНЕОС да ги преземе спортските работи на „Олд Трафорд“, па затоа следеше смената на Ерик Тен Хаг, односно промоцијата на Аморим.
Сепак, во првите 50 натпревари на „Олд Трафорд“, Португалецот сè уште има негативен скор, поради што е сè почесто под притисок од јавноста.
„Не можете да водите клуб и да паѓате на колена под притисокот на медиумите секоја недела одново и одново“, изјави неодамна најбогатиот Британец.
Спорт
Јанис (засега) останува во Милвоки

Јанис Адетокумбо, кошаркарот на Милвоки Бакс, реши да се огласи по повод шпекулациите дека во блиска иднина би можел да ја напушти франшизата од Висконсин.
Јанис Антетокумпо е жива легенда на Милвоки Бакс и, заедно со Карим Абдул-Џабар (Лу Алсиндор), оставија најдлабок белег во историјата на овој клуб.
Токму двајцата ги донесоа единствените две шампионски титули. Јанис беше МВп на финалната серија против Феникс во 2021 година.
Со денови се зборува дека Јанис би можел наскоро да замине, и дека бил многу блиску до преселба во Њујорк Никс ова лето.
„Веќе многу пати кажав, сакам да бидам во ситуација каде што можам да победувам и да освојувам титули и сега сум тука. Верувам во овој тим, верувам во моите соиграчи. Тука сум за да бидам лидер на тимот, да видиме до каде можеме да стигнеме и сигурно нема да ни биде лесно. Сега, за шест или седум месеци, можам да се предомислам. И јас сум човек. Дозволено ми е да носам свои одлуки, но сега сум целосно фокусиран и посветен на овој тим“, рече Адетокумбо.
Фото/ Принтскрин
Спорт
Консеисао го презеде Ал Итихад

Португалскиот тренер Сержио Консеисао, кој е беше без работа откако во мај го напушти Милан во мај, го презеде Ал Итихад, актуелниот шампион на Саудиска Арабија.
„Победата не е избор. Таа нè дефинира. Противниците можат да се менуваат, сојузниците да паѓаат, но шампионот останува. Тој е господар на играта. Јас сум Сержио Консеисао, дојдов да изградам слава со Ал Итихад“, рече Португалецот во видео објавата, во која не беа наведени деталите за договорот, неговата должина или финансиските услови.
Поранешниот тренер на Порто, 50-годишниот Консеисао, го наследи Французинот Лоран Блан, кој беше отпуштен на 28 септември по поразот од Ал Наср (0:2).
Ал Итихад, во кој играат Карим Бензема и Н’Голо Канте, ја освои двојната круна минатата сезона, првенството и купот, а моментално е трет во саудиската лига.
Фпто/ Принтскрин