Спорт
Алвеш е осуден на четири и пол години затвор, но за три месеци може да биде слободен човек
![](https://makfax.com.mk/wp-content/uploads/2024/02/download-11.jpg)
Дани Алвеш (40), еден од најтрофејните фудбалери во историјата е осуден на четири и пол години затвор за силување. Судот во Барселона пресуди дека на 30 декември 2022 година силувал 23-годишна жена во ВИП делот на ноќен клуб во Барселона. Судењето на поранешниот фудбалер заврши на 7 февруари годинава, а 15 дена подоцна Алвеш ја дозна пресудата.
Обвинителството побара затворска казна од девет до максимум 12 години. Адвокатите на Алвеш го бранеа со фактот дека бил пијан. Сега имаат право да поднесат жалба, што значи дека случајот се уште не е затворен, а фудбалерот останува во затвор.
Кауцијата беше одбиена поради стравувањата дека ќе побегне во Бразил, кој не ги екстрадира своите граѓани осудени на затвор во други земји. Бразилските медиуми по пресудата објавија дека Нејмар, неговиот поранешен соиграч и голем пријател имал клучна улога во намалувањето на казната.
Казната е намалена бидејќи била применета олеснителна околност на штета, со оглед на тоа што на оштетената пред судењето и биле исплатени 150.000 евра. Тие пари ги дал Нејмар.
Но шпанските медиуми откриваат дека ова не е единствената голема помош за Дани Алвеш. Втората е одредба од шпанскиот Кривичен законик. Алвеш е во притвор од 20 јануари 2023 година. Тоа значи дека таму поминал една година, еден месец и пет дена.
Тоа време се смета во издржување на казната на која е осуден. Ова значи дека Алвеш и покрај тоа што пред само три дена беше осуден на четири и пол години затвор за тешко кривично дело, веќе во мај годинава може да биде на слобода.
Имено, според споменатиот закон, по отслужување на една третина од казната, која ќе биде за неполни три месеци, може да побара предвремено ослободување. Ако судот не му го одобри тоа, тој може да добие значително ублажување на казната, односно преку дена да биде слобода, а да преспива во затворот, или пак да мора да поминува осум часа дневно зад решетки.
Во корист на Алвеш оди уште една одредба од Кривичниот закон, која вели Шпанија ги депортира странците осудени на затворска казна помала од пет години, откако одредено време ќе поминат во притвор или затвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Србите пееја: Дончиќ е еден од нас; Дончиќ: Срцето бие за Словенија
![](https://makfax.com.mk/wp-content/uploads/2024/06/4d9cc798-111b-4d77-a3be-99d5d353f476.jpg)
Денешниот дел од програмата на Европското првенство ќе почне со натпреварот помеѓу Словенија и Србија.
Натпреварот на „Алијанц арената“ почнува во 15 часот, а навивачите на двете репрезентации ја креваат атмосферата во Минхен пред да влезат на трибините.
Голем број словенечки и српски навивачи ги преплавија улиците на Минхен, се слушнаа и мали спортски провокации.
Српските навивачи им пееја на словенечките навивачи:
„Лука Дончиќ е еден од нас“.
“Luka Dončić jedan je od nas” pic.twitter.com/ErTIyHQOQc
— Милутин (@mylutin) June 20, 2024
Дончиќ е словенечки репрезентативец и еден од најдобрите кошарки во НБА-лигата. Сезонава беше избран во идеалната петорка, беше најдобар стрелец, а со Далас стигна до големото финале, каде што загуби од Бостон во пет натпревари.
Семејството Дончиќ потекнува од селото Бича во Косово.
По повод скандирањата на српките навивачи, се огласи и Дончиќ, кој ѝ даде безрезервна поддршка на репрезентацијата на Словенија.
#SrceBije za Slovenijo ❤️🇸🇮@luka7doncic | @kzs_si pic.twitter.com/7GjovzANAd
— NZS | FA Slovenia (@nzs_si) June 20, 2024
Спорт
Депај се сели во Серија А
![](https://makfax.com.mk/wp-content/uploads/2024/06/1024.jpg)
Мемфис Депај по завршувањето на Европското првенство нема да се врати во Атлетико Мадрид. Тој е слободен играч и поради тоа е цел на неколку клубови.
Според Џанлука Ди Марцио, сериозен интерес за Депај покажал Милан, односно новиот тренер Паоло Фонсека.
Депај може да игра повеќе позиции во нападот.
Депај во својата кариера настапуваше за Манчестер јунајтед, Лион, Барселона и Атлетико Мадрид.
Спорт
ФФМ од Даку побара да ѝ се извини на македонската држава, а од УЕФА да го казни албанскиот репрезентативец
![](https://makfax.com.mk/wp-content/uploads/2024/06/91493_profimedia-0883166315_f.jpg)
Фудбалската федерација на Македонија се огласи по повод навредите кои од теренот на стадионот во Хамбург, ги испрати албанскиот репрезентативец Мирљинд Даку.
Даку (26), роден во Гњилане, инаку фудбалер на Рубин од Казан, додека го славеше со навивачите нерешениот резултат на неговата репрезентација против Хрватска (2:2), зеде мегафон и извика „Е..ш Македонци“.
Ooo qifsa maqedonën pic.twitter.com/CWwAi5sqAq
— 𝗦𝗼𝗹𝗮𝗿𝗻𝗶𝗸® 🪬 (@SolarNik) June 19, 2024
Претходно за време на турнирот, камерите снимија и тетоважа на грбот на Даку, која ја покажува неговата почит командант на УЧК кој загина во 1999 година.
„Ја изразуваме нашата длабока загриженост и недвосмислена осуда во врска со националистички скандирања од Мирлинд Даку, репрезентативец на Албанија, насочени против македонската држава по завршување на вчерашниот натпревар Хрватска – Албанија од Европското првенство.
Однесувањето е неприфатливо и спротивно на основните вредности на спортскиот дух и меѓусебното почитување што ги промовира фудбалот.
Спортот, особено фудбалот е основа за здржување на луѓето од различна национална припадност и средина за соработка и почит.
Националистичката реторика, сепак, ги поткопува овие принципи, поттикнувајќи поделба и непријателство меѓу навивачите и општествата.
Принципите на политичка неутралност се вградени во регулативите на меѓународните асоцијации како што се ФИФА и УЕФА. Фудбалската федерација на Македонија за ваквото скандалозно однесување ќе прати официјален допис до УЕФА.
Го повикуваме фудбалерот на Албанија, Мирлинд Даку јавно да се извини за своето однесување, препознавајќи ја штетата што ја предизвика.
Исто така, ги повикуваме релевантните институции да го истражат овој инцидент и да преземат соодветни дисциплински мерки за зајакнување на стандардите на однесување што се очекуваат од сите спортисти.
Нашата посветеност за промовирање единство, почит и фер игра во спортот останува на прво место“.
Сигурно е дека Даку за овој испад ќе биде казнет од УЕФА.