Свет
Столтенберг ја поздрави одлуката на Унгарија да го ратификува влезот на Шведска во НАТО
Генералниот секретар на НАТО, Јенс Столтенберг, ја поздрави одлуката на унгарскиот парламент да го ратификува влезот на Шведска во НАТО.
„Ја поздравувам одлуката на унгарскиот парламент да го ратификува влезот на Шведска во НАТО. Сега кога сите сојузници го одобрија влезот, Шведска ќе стане 32-та членка на алијансата. Членството на Шведска ќе не направи сите посилни и побезбедни“, објави Столтенберг на социјалната мрежа „Икс“.
Приемот на нови земји бара едногласна поддршка од сите членки на НАТО, а Унгарија е последната од 31 членка на алијансата која ја даде својата поддршка откако Турција го ратификуваше барањето минатиот месец.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Јапонски милијардер откажа приватен лет околу Месечината
Јапонскиот милијардер Јусаку Маезава ја откажа својата мисија „DearMoon“, која требаше да биде првото приватно вселенско летало што ќе прелета околу Месечината, беше објавено денеска.
Тимот на Маезава првично имаше намера да лета околу Месечината со познати личности на крајот на минатата година, но тоа не беше можно, се вели во соопштението на веб-страницата на мисијата.
„Без јасен распоред во блиска иднина, Маезава ја донесе неизбежната одлука со тешко срце и го откажа проектот“, се вели во соопштението.
„На сите кои го поддржаа овој проект и со нетрпение го очекуваа овој потфат, искрено им се заблагодаруваме и се извинуваме за ваквиот исход“, се додава.
Во соопштението за медиумите не се наведени детали за причините за откажувањето на мисијата.
Свет
(Видео) Се прегрнале пред да ги однесе водата – Италија трага по тројца млади луѓе кои исчезнаа
Младо момче и две девојчиња биле однесени од водата по излевањето на реката Натисоне во провинцијата Удине во Италија, и им се губи секаква трага.
Како што пишува локалниот портал „Удине тудеј“, станува збор за 21-годишна Италијанка и двајца млади луѓе со романско потекло. Засега не е утврдено зошто и како тројцата авршиле во реката.
Спасувачките служби трагаат по нив, но безуспешно.
Нивото на водата на реката порасна за неколку минути, пишува порталот. Како што покажува последното видео, тројцата се гушнале, но струјата ги однела. Спасувачите се обиделе да им пријдат со кран и да им фрлат јаже за да ги спасат, но не успеале. Недолго потоа им се губи секаква трага.
„Јас не сум од овде, но мештаните многу добро знаат дека не треба да се игра со реката во услови како овие бури“, изјави еден од сведоците за порталот.
„Тоа е прекрасна река, но и опасна, водата може да достигне и до 5 метри“, додаде тој.
Свет
Туск: Хакерскиот напад врз новинската агенција е намерата на Русија да ја дестабилизира Полска
Хакерскиот напад врз полската новинска агенција (ПАП) сведочи за намерата на Русија да ја дестабилизира ситуацијата во Полска пред изборите за Европскиот парламент, изјави денеска полскиот премиер Доналд Туск.
„Уште еден многу опасен хакерски напад добро ја илустрира стратегијата на Русија за дестабилизирање на ситуацијата во пресрет на изборите за Европскиот парламент“, напиша Туск на мрежата „Икс“.
Тој оцени дека се поочигледно е колку се важни изборите за Европскиот парламент, кои ќе се одржат на 9 јуни.
Хакери, најверојатно поврзани со руските специјални служби, извршија сајбер напад врз ПАП, ставајќи на системот на полската државна новинска агенција две лажни информации за мобилизација на 200.000 Полјаци во блиска иднина да се борат во Украина, соопштија претходно полските власти.