Македонија
СДС веднаш да го прифати нашиот предлог за продолжување на важноста на пасошите и да ги ослободи граѓаните од државен притвор, велат од ВМРО-ДПМНЕ
ВМРО-ДПМНЕ оценува дека СДС создаде вистински хаос во државата.
Според оваа партија, владата на СДС и ДУИ во домашен притвор стави над 600.000 граѓани, а на над стотици илјади граѓани им го загрози престојот во странство.
„И наместо да го прифатат предлогот на ВМРО-ДПМНЕ за продолжување на важноста на пасошите, СДС тера инат на сметка на граѓаните. Инатот на СДС ќе биде казнет на изборите. СДС ќе доживее дебакл за сите неправди, неуспеси и порази кои им ги приреди на граѓаните изминатите 7 години. И додека граѓаните буквално се во домашен притвор, СДС дополнително прави фешта со тоа што додека го кочи законот и не го поддржува за продолжувањето на пасошите, го испраќа заменик дополнителниот министер за внатрешни работи Митко Бојмацелиев да тера пи-ар на пречек на обрасците кои требаше да пристигнат многу порано. Доколку СДС се грижеше за народот веднаш ќе ги ослободеше граѓаните од притвор и ќе го прифатеше предлогот на ВМРО-ДПМНЕ“, се истакнува во нивниот допис.
Им порачуваат на СДС, да се вразумат и надминат себеси и веднаш да го прифатат предлог законското решение на ВМРО-ДПМНЕ, бидејќи како што велат, само така имаат шанса да помогнат и да стават крај на хаосот кои самите тие го создадоа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Променливо облачно и потопло време со сончеви периоди
Променливо облачно и потопло со сончеви периоди. Попладне ќе има локален слаб дожд. Ќе дува слаб до умерен ветер од северен правец. Минималната температура ќе биде во интервал од 4 до 11, а максималната ќе достигне од 20 до 26 степени.
Во Скопје променливо облачно и потопло со сончеви периоди. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 24 степени.
Во следните денови времето ќе биде променливо облачно со сончеви периоди. Во попладневните часови ќе има локална појава на нестабилност со пороен дожд и грмежи, особено во вторник.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.