Свет
Нов пресврт во случајот Навални: близок соработник тврди дека имало договор за размена на политичари
![](https://makfax.com.mk/wp-content/uploads/2024/02/navalni-svekji.jpg)
Тимот на Алексеј Навални објави дека рускиот опозициски политичар е намерно убиен по наредба на претседателот Владимир Путин пред размената на затвореници, во која требаше да биде ослободен во замена за убиецот на Федералната служба за безбедност на Русија затворен во Германија.
Во видео објавено во понеделникот, со наслов „Зошто Путин го уби Навални сега?“, Марија Певчих, близок соработник на опозицискиот политичар, вели: „Навални требаше да биде ослободен во следните неколку дена бидејќи донесовме одлука за неговата размена“ и додаде дека рускиот милијардер и олигарх Роман Абрамович дејствувал како врска меѓу западните претставници и Путин во посредувањето во договорот.
„Политико“, кој ја објави приказната, не ги потврди тврдењата на Певчих.
Певчих понатаму изјави дека договорот го вклучувал Вадим Красиков, агент на ФСБ затворен во Германија, за убиство на поранешен чеченски командант во 2019 година и двајца американски државјани.
Таа додаде дека доцна на 15 февруари добила потврда оти таква замена ќе има, но верува дека Путин тогаш се предомислил.
„Бидејќи во принцип се подготвени да го разменат Красиков, тогаш треба само да се ослободам од преговарачкиот адут, Навални“, рече Певчих претпоставувајќи го начинот на размислување на Путин. „Тогаш треба да понудам некој друг кога ќе дојде време“.
„Тоа е апсолутно нелогично, ирационално, тоа е однесување на луд мафијаш. Но, факт е дека Путин полуде од омраза кон Навални“, рече таа.
Кремљ веднаш не ги коментира наводите на тимот на Навални.
Двајца западни претставници признаа дека разговорите за размена на затвореници се во тек, но негираа дека имало каква било официјална понуда.
На 16 февруари, еден ден откако Певчих тврди дека добила потврда оти договорот е во завршна фаза, се појави веста дека Навални се онесвестил и починал по прошетката во затворскта колонија.
Певчих не ги наведе имињата на двајцата американски државјани, но рече дека доколку некогаш постоел таков договор, веројатно би биле вклучени американскиот новинар Еван Гершкович и Пол Вилан, кои и двајцата беа затворени во Русија под обвинение за шпионажа.
Во интервју со американскиот десничар Такер Карлсон претходно овој месец, Путин рече дека не исклучува договор за ослободување на новинарот на „Волстрит џурнал“, Гершкович, „ако нашите партнери преземат реципрочни чекори“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Најмалку 13 загинати во судир на воз во Индија
![](https://makfax.com.mk/wp-content/uploads/2024/06/јк.jpg)
Најмалку 13 лица загинаа во судир на патнички и товарен воз во источната индиска држава Западен Бенгал, соопшти денеска полицијата.
Премиерката на Западен Бенгал Мамата Банерџи изјави дека лекарите и спасувачките екипи пристигнале на местото на несреќата, пренесува Ројтерс.
Според неа, возот „Канчанџунга експрес“, кој ги поврзува североисточните држави Асам и Трипура со Западен Бенгал, бил удрен од товарен воз.
Регион
За една недела тројца исчезнати туристи пронајдени мртви на грчките острови
![](https://makfax.com.mk/wp-content/uploads/2023/08/plaza-grcija-more-1.jpg)
За само една недела тројца исчезнати туристи се пронајдени мртви на грчките острови, јавија грчките медиуми. Турист од САД кој исчезна на островот Матраки вчера е пронајден мртов како трет во изминатата недела, јавува грчката телевизија Скај њуз.
55-годишен маж исчезна од својот хотел на грчкиот остров Матраки во Јонското Море минатиот вторник, а 74-годишен маж од Холандија беше пронајден мртов на островот во саботата.
Британскиот ТВ водител д-р Мајкл Мозили беше пронајден мртов на егејскиот остров Сими пред една недела. Тој очигледно паднал по стрмна падина, изјави градоначалникот на Сими, Лефтерис Папакалодукас за Sky News.
Според грчките медиуми, во Грција моментално се водат како исчезнати уште неколку туристи.
Американски турист, 59-годишниот Алберт Калибет, исчезна на егејскиот остров Аморгос додека планинареше, а операцијата за потрага по двајца исчезнати француски туристи продолжува на егејскиот остров Сикинос.
Во соопштението на грчките власти се наведува дека спасувачката мисија ќе користи доброволци, пожарникари и ќе регрутира дополнителен полициски тим од блискиот остров Иос.
Свет
Шест лица загинаа во свлечиште во Еквадор, 30 се водат за исчезнати
![](https://makfax.com.mk/wp-content/uploads/2024/06/vcv.jpg)
Најмалку шест лица загинаа, а 30 се водат за исчезнати во лизгање на земјиште во градот Банос де Агуа Санта во централен Еквадор, соопштија властите.
Свлечиштето е предизвикано од силно невреме кое во неделата ги зафати Централна и Јужна Америка, а предупредувања за лизгање на земјиштето и поплави беа издадени во повеќе земји, пренесува Ројтерс.
Властите во Ел Салвадор издадоа предупредување поради обилните врнежи, а во Гватемала неколку авиокомпании ги пренасочија летовите.