Македонија
Николоски: Дали е случајно или не што РЕК „Битола“ во време на Васко Ковачевски на иста фирма дава два тендера со исти суми, и двата со исти анекси од 20 отсто
„Ја продолжуваме серијата прес конференции поврзани со криминалите во Електрани на Македонија и во РЕК Битола. Би сакале да потсетиме на времето на директорувањето на Васко Ковачевски но исто така би сакал и да презентирам некои нови аргументи кои што досега не се познати во јавноста. Имено неговото директорување ќе остане запаметено како едно од најкриминалното работење во историјата на Македонија за што веќе и Државната комисија за спречување на корупција поведе постапка и достави документи до надлежното јавно обвинителство по кој што се надевам надлежното јавно обвинителство ќе постапи, а доколку не постапи сега, убеден сум дека тоа ќе го направи ослободеното јавно обвинителство после изборите на 8-ми мај оваа година“, рече Александар Николоски, потпретседател на ВМРО-ДПМНЕ.
„Познати се скандалите на Васко Ковачевски поврзани со набавката на мазут, поврзани со работењето на разни компании од типот на СВ-Инвест и така натаму, кои што криминално работеа во РЕК Битола и во Електрани на Македонија. Но, исто така сакам да презентирам еден парадокс од неговото работење. Имено се работи за два тендери, внимавајте со иста вредност. Васко Ковачевски како директор во периодот кога е директор на Електрани на Македонија дозволува два договори со иста вредност. Договорите се потпишани од директорите на РЕК Битола.
Па сакаме да прашаме дали е случајно или не што иста компанија добива два договори со иста вредност, името на компанијата е РУД-КОП.
Дали случајно или не РУД-КОП добива два договори со иста вредност. Едниот договор е потпишан на 07.06.2021 година, тоа е овој договор. А, вториот договор е потпишан на 03.10.2022 година, тоа е овој договор.
Двете се со иста компанија. Првиот договор од 07.06.2021 година е за ископ на инвестициска откривка во рудник ПЈС (РЕК Битола). А, вториот од 03.10.2022 година е ископ на инвестициска откривка во рудник Брод Гнеотино (РЕК Битола).
И дотука ништо не би било спорно, она што е интересно е дека двата тендери имаат до денар иста вредност. Имено, и првиот и вториот тендер се во вредност од 708 милиони денари или некаде околу 12 милиони евра.
Ова е првиот тендер од 2021, а ова е вториот тендер од 2022.
Она што е интересно е дека вкупната единечна цена по метар кубен во првиот тендер е 1.896 денари, додека за само една година таа цена пораснала и во вториот тендер е 2.595 денари.
Односно вредноста расте некаде за 600 денари по метар кубен само за една година. И иако вредноста на двата тендери е до денар идентична, количината која што треба да се ископа секако дека не е, затоа што во вториот тендер се оди со далеку повисока цена.
Па, сакаме да прашаме дали е случајно или не, што иста компанија добива два тендери во различен временски период со иста вредност од 708 милиони денари, но во првиот случај цената по метар кубен е 1.896 денари, а во вториот е 2.595 денари.
Следната работа која што сакаме да ја прашаме, е дали е случајно или не што истата оваа компанија добива анекс и на првиот и на вториот тендер и двата анекси се во иста вредност од 120 милиони денари, односно од два милиони евра. Па, двата договори на крај се во вкупна вредност од 849 милиони и 600 илјади денари и едниот и другиот, или некаде околу 14 и пол милиони евра.
Еве го анексот од 2021 година и еве го анексот од 2022 година.
Па, јавно прашуваме, дали е случајно или не што оваа компанија е привилегирана и за разлика од други компании добива анекс во вредност од 20% од висината на договорот и анексот и во првиот, и во вториот договор е со иста вредност?
Повикуваме надлежните институции да го преиспитаат работењето на Електрани на Македонија и на РЕК Битола, како и да постапат по укажувањата на Државната комисија за спречување на корупција за работењето на претходниот директор, Васко Ковачевски за кој што веќе има, како што кажав, дознаки, односно претставки од страна на Државната комисија за спречување корупција. А, во однос на сите останати, ослободеното Јавно обвинителство и ослободените институции, после 8 мај ќе поведат соодветни постапки“, изјави Александар Николоски, потпретседател на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лицемерие и евтин театар, Дејан Митески без легитимитет собира политички поени преку лажно обвинување, реагираат од ЈП „Комунална хигиена-Скопје“
Лицемерие и евтин театар од В.Д. градоначалникот на Аеродром Дејан Митески. Полу градоначалникот Митески без легитимитет се обидува да собира политички поени преку лажно обвинување на ЈП Комунална хигиена Скопје, реагираат од таму.
ЈП Комунална хигиена, како што потенцираат, работи според оперативен план кој го усвојува Советот на Град Скопје, под целосна контрола на ВМРО-ДПМНЕ и ВЛЕН.
Планот, според наведенотот во реакцијата, го спроведува управниот одбор составен од ВМРО и ВЛЕН, предводен од Јулијана Спировска функционерка на ВМРО и криминалка осудена за убиство.
„Кога В.Д градоначалникот Митески ги повикува граѓаните да фрлаат кабаст отпад, треба да знае и дека законот го обврзува да го собира тој отпад.
А кога на слика се гледаат гарнитури и мебел од нечија дневна соба, тоа е обврска на службите кои тој ги раководи. Ако навистина ви беше Митески до хигиена, ќе побаравте од осудената криминалка за убиство и претседателка на Управниот одбор на Комунална хигиена, Јулијана Спировска и од вашиот Совет на град Скопје да си ја завршат работата. Но, на Митески кога целта му е да избегне одговорност, вистината не му е важна“, истакнуваат од ЈП Комунална хигиена Скопје.
Македонија
(Видео) Арсовска: Жителите на Ѓорче Петров не сакаат хемиски фабрики да се градат во општината
Жителите на Ѓорче Петров не сакаат три индустриски објекти хемиски фабрики на 157.000 m2 да се градат во општината, вели градоначалничаката на Град Скопје, Данела Арсовска.
„Во февруари 2024 година како град Скопје, не дозволивме и не дадовме согласност за градба на три индустриски објекти, хемиски фабрики на 157.000 m2 и дополнително над 30 висококатници со кои ќе се пренатрупа за двојно повеќе бројот на жители дозволени согласно ГУП во тој дел на градот“, додава Арсовска.
Како што појаснува, одлуката на општината Ѓорче Петров ја обжалиле уште тогаш до Уставниот суд затоа што хемиските фабрики ќе се градат во заштитната зона Нерези – Лепенец и бунарите од кои вода пие цело Скопје.
„На 28 мај 2025 година, година и половина од нашата иницијатива до Уставниот суд, судиите одлучија да не ја разгледуваат иницијативата за оценка на Уставноста поднесена од град Скопје“, реагира Арсовска.
Македонија
(Видео) Конески: СДММ тоне во безидејност, наместо предлози и поддршка на младите, тие се занимаваат со некрофилство како нивните ментори
СДММ по стапките на нивните ментори, тонејќи во безидејност и немање политики за младите, се занимаваат со некрофилство. Немањето на идеи, предлози, аргументирани критики, туку само ад хок напади врз власта, ги доведува на она место коешто се денес, а тоа е во длабока опозиција, вели Тодор Конески, член на ИК на УМС на ВМРО-ДПМНЕ.
„Иако, според Законот, членот 31 предвидува забрана за употреба во затворени простории. Да е уште потрагично, пратениците или оние коишто им ги пишуваат пресовите, не ги читаат Законите до крај. Бакљите спаѓаат во групата на пиротехнички средства од третата категорија коишто се во слободна продажба и без обврска на продавачот да го извести надлежниот орган, односно Отсекот за оружје. Се продаваат на физички лица, коишто не треба да имаат дозвола за ракување и доаѓаат со упатство за употреба. Притоа, мора да потенцираме дека ги испочитувавме сите параметри и предвидени законски норми за одржувањето на настанот. Пред одржувањето на настанот, ги известивме МВР, противпожарната бригада и Итната медицинска помош, сите кои беа просутни за време на одржувањето на настанот“, вели Конески.
СДММ, додава тој, наместо некрофилство и безидејност, треба да одговори, зошто вака не беа гласни за Модуларната болница, за Онкологија, за Дурмо турс, за Беса транс?
„Зошто не беа гласни кога нивните претседатели на партијата ветуваа многу проекти за млади, но ништо не остварија. Зошто не беа гласни кога се ветуваа студентски домови, нови факултети, нови вработувања за младите, нови стипендии, туку се тоа беше укинато. Зошто не прашаа каде се гугл, фејсбук и ветената стаза за Формула 1? Зошто не го прашаа Заев од каде му се парите за инвестиции за висококатници во Дубаи и акциите во индиска авиокомпанија? Зошто не го прашаа Филипче од каде му е златната виза за Дубаи“, праша тој.
Сега, нагласи тој, има конкретни мерки за младите, наведувајќи ги реконструкцијата на студентски домови, нови факултети и реконструкција на постоечките, нови училишта и реконструкција на голем дел на постоечките училишта и капацитети за учениците, поддршка на младите земјоделци, поддршка на старт ап бизнисите, поддршка за младите при купувањето на свој нов дом исто така нов оперативен план за вработување на младите.
Сите се проекти, според него, кои СДС не успеа да ги оствари за време на нивното владеење.
Порача, СДС и СДММ да не се срамат во јавноста, пред да кажат нешто два пати да размислат.
Обвинителството не докажа дека таткото на Вања го сторил делото, освен нечија перцепција дека бил чуден, нема доказ дека е вмешан, вели адвокатот Туфегџиќ
По денешното судење за убиствата на 14-годишната Вања Ѓорчевска и пензионерот Панче Жежовски, Владимир Туфегџиќ, адвокатот на таткото на убиената...
Талески за Алиу: Власта нуди министер за здравство информатичар кој не знае ни колку болници има
Кандидатот за министер за здравство, Азир Алиу, е апсурден и срамен потег на оваа власт. Срамно е што за министер...
Приведен бизнисменот Ристо Крмзов, осомничен за финансиски криминал
Полицијата утрово го привела Ристо Крмзов, бизнисмен од Струмица, за кого минатата година во септември беше отворена предистрага за финансиски...
Се зголемува цената на дизелот
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...
Мицкоски ги предложи Азир Алиу за нов министер за здравство и Албрим Хоџа за заменик министер за земјоделство
Премиерот, Христијан Мицкоски, денеска во Собранието ги предложи Азир Алиу за нов министер за здравство и Албрим Хоџа за заменик...
Објавени повици за самовработување, за млади до 29 години грант до 10.000 евра, а за невработени над 29 години грант до 7.000 евра
Министерот за економија и труд, Бесар Дурмиши, заедно со директорот на Агенцијата за вработување на Република Северна Македонија, Селајдин Белули,...
(Видео) Скандал е да се прави журка додека Македонија се уште тагува, скандал е да се пали пиротехника, која што е забранета, велат од СДММ
„Социјалдемократската младина на Македонија со згрозеност реагира на скандалозната и срамна прослава на УМС на ВМРО-ДПМНЕ. Додека родителите и семејствата...
Ослободителна пресуда за струшкиот градоначалник, Мерко законски го набавил луксузното „ауди“
Основниот суд во Струга го ослободи градоначалникот на Струга, Рамиз Мерко, кој беше обвинет за незаконска набавка на луксузното службено...
„Човекот кој инсистираше Алијансата за Албанците да се поврзе со Ахмети, денес ќе се изгласа за министер за здравство“, велат од АА
„Азир Алиу, човекот кој инсистираше Алијансата за Албанците да се поврзе со Али Ахмети, прв и главен човек кој ја...
„Влен“: Носиме промени со имиња што го прават секој граѓанин горд
„Во време кога на земјата ѝ се потребни професионализам, посветеност и вистинскo претставување повеќе од кога било, „Влен“ го презема...
Влада: Tелефонската линија за сите повредени и нивните семејства во трагедијата во Кочани е во функција, Пониква станува центар за рехабилитација
Од денес телефонската линија за сите повредени и нивните семејства во трагедијата во Кочани е во функција, извести Владата. „Преку...
Истрага против уште едно лице за пожарот во кочански „Пулс“
Со истражната постапка за пожарот во кочанската дискотека „Пулс“ е опфатено уште едно лице за кое е поведена истрага за...
(Видео) Гувернерот на Калифорнија: Ќе го тужам Трамп за распоредувањето на Националната гарда
Гувернерот на Калифорнија, Гевин Њусом, вели дека ќе го тужи Доналд Трамп за распоредување на трупи на Националната гарда во...
(Видео) Израелската армија упадна во бродот на Грета Тунберг
Израелските сили пресретнаа брод со хуманитарна помош што пловел кон Газа, на кој биле активистката за климатски промени Грета Тунберг,...
(Видео) Жестоки руски напади во западна Украина, Полска ги подигна воените авиони
Полските и сојузничките авиони беа активирани рано утрово за да ја обезбедат безбедноста на полскиот воздушен простор откако Русија започна...
(Видео) Немири во Лос Анџелес, судири меѓу полицијата и демонстрантите, запалени автомобили
Американскиот претседател Доналд Трамп нареди распоредување на 2.000 војници од Националната гарда во Лос Анџелес за смирување на немирите по...
(Фото+видео) Мицкоски: Извесно е дека градоначалниците на ВМРО-ДПМНЕ ќе победат, има шанси СДСМ да остане без ниту една општина
Следните избори, и локалните, но и следните парламентарни, две основни работи ќе бидат важни – првата ќе биде борбата против...
Предлогот Азир Алиу да биде министер за здравство утре пред пратениците, Владата од него очекува макотрпна работа и посветеност
Собранието утре треба да го разгледа владиниот предлог Азир Алиу да биде министер за здравство. Во биографијата пишува дека Алиу...
(Видео) Митева: Одморалиштето Пониква се става на располагање за рехабилитација на повредените од Кочани
Владата во текот на следната недела ќе донесе одлука со која одморалиштето Пониква, кое е во сопственост на Министерството за...
(Видео) Петрушевски: 9 милиони евра завршиле во фирма на Заев од Бугарија блиска до Филипче за ископ на јаглен во време на СДС
Огромни суми на пари, кои се бројат во десетици милиони евра, од продажбата на јаглен на ЕСМ завршувале на сметки...
