Свет
Аналитичарите за изјавата на Макрон за Украина: „Ја жртвува Европа за својот статус“
Францускиот претседател Емануел Макрон сака да го преземе глобалното лидерство во однос на помошта од Запад за Украина и да ја зголеми намалената поддршка за Киев, но во овој обид тој се соочува со отпор од француските политичари, пишуваат медиумите во регионот.
Во исто време Макрон се соочува со бурни реакции од европските и НАТО-лидери поради изјавата дека не е исклучено испраќање европска армија во Украина. Со ова, според аналитичарите, тој непромислено ги открил своите намери дека, наместо Германија, треба да ја води поддршката од ЕУ за Украина, но дека постигнал спротивен ефект.
Додека украинските сили се потиснати на бојното поле и постои неизвесност за понатамошна воена помош од Западот, Макрон рече дека одбраната на Европа е во прашање и рече дека можноста европските нации да испратат војници во Украина во иднина не треба да бидат исклучени. Изјавата на Макрон веќе наиде на критики од француската опозиција.
Лидерот на екстремно десничарското Национално собрание, Марин Ле Пен, изјави дека Макрон си поигрува со животите на француските деца не исклучувајќи ја можноста за распоредување западни трупи во Украина.
Лидерот на екстремната левица, Жан-Лук Меланшон, изјави дека конфронтацијата на нуклеарните сили една против друга претставува, како што рече, лудило.
Социјалистичката партија и конзервативните републиканци исто така ја осудија изјавата на Макрон.
Напорот на Макрон да обезбеди поголема помош за Украина не е во согласност ниту со преовладувачкиот став на француските граѓани. Неодамнешните анкети покажуваат дека само 50 отсто од Французите поддржуваат испраќање помош за Украина за вооружување на Украина. Според анкетите, само 62 отсто од Французите ги поддржуваат санкциите против Русија наспроти 72 отсто на почетокот на војната.
Францускиот министер за надворешни работи, Стефан Сежурне, рече дека француските трупи би можеле да имаат неборбена улога во Украина и би можеле да помогнат во чистењето мини, сајбер-одбраната и производството на оружје.
Сежурне им рече на пратениците дека мора да се разгледаат нови акции за поддршка на Западот за Украина.
„Некои од овие акции би можеле да бараат присуство на украинска територија, без преминување на прагот на борба. Ништо не треба да се исклучи“, изјави Сежурне.
Изјавата на Макрон предизвика низа одговори од сојузниците, кои најавија дека немаат намера да испраќаат војници во Украина.
Во својот говор Макрон истакна дека се отворени сите опции за да се спречи Русија да победи во војната против Украина иако сè уште нема консензус за одлуката. Ова предизвика бурни реакции од Кремљ, но и од Европа, чии лидери велат дека нема да има испратени војници во Украина.
„Во моментот нема консензус за испраќање војници. Ништо не треба да се исклучи. Ќе направиме сè за да не победи Русија. Поразот на Русија е неопходен за европската безбедност“, рече Макрон.
Присуството на војници на НАТО на територијата на Украина ќе доведе до директен конфликт со Руската Федерација и ескалација на ситуацијата, изјави портпаролот на Кремљ, Дмитриј Песков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Црна Гора: Полицијата приведува и протерува странски државјани, запален бар во турска сопственост
По инцидентот што ја потресе подгоричката населба Забјело во саботата, црногорската полиција приведе десетици странски државјани и спроведува низа проверки, додека двајца мажи од Азербејџан и Турција се уапсени под сомнение за учество во насилството. Во меѓувреме, нападнат е и бар во турска сопственост.
Како што соопшти Полициската управа, уапсени се азербејџанскиот државјанин Ј.Г. (31) и турскиот државјанин Н.Д. (54), осомничени за кривично дело насилно однесување. Според полицијата, тие го нападнале и повредиле жителот на Подгорица М.Ј. пред две ноќи во населбата Забјело.
За време на истрагата, приведени се 45 лица, претежно странски државјани од Турција и Азербејџан. Сите тие биле предмет на кривична обработка и проверки поврзани со легалноста на нивниот престој во Црна Гора. Полицијата открила неколку неправилности – издадени се седум прекршочни потерници за кршење на Законот за странци, осум лица се протерани од земјата, додека на двајца им е наредено да останат и редовно да се јавуваат во полиција додека не се заврши постапката.
Полицијата апелираше до граѓаните да останат достоинствени и смирени, и да не подлегнуваат на емоции или повици за линч.
„Во секоја заедница има поединци кои со своето однесување го нарушуваат јавниот ред и мир, но задача на властите е да ги идентификуваат и гонат ваквите појави во согласност со законот. Полицијата решително продолжува да спроведува мерки за зачувување на довербата на граѓаните, меѓуетничката и меѓуверската хармонија, како и безбедноста на сите во Црна Гора“, се вели во соопштението.
Полицијата, исто така, најави дополнителни проверки на странци во соработка со Министерството за внатрешни работи, Даночната управа и други надлежни органи, со цел да се утврдат сите неправилности поврзани со престојот и деловните активности на странските државјани на територијата на Црна Гора.
Во саботата навечер тројца турски државјани се забарикадираа во казино во Забјело, по што полицијата ги изнесе и приведе двајца од нив. Потрагата по тројцата напаѓачи, кои, според неофицијални информации, се исто така турски државјани, е во тек. Тие се осомничени дека со нож тешко повредиле жител на Подгорица.
Во меѓувреме, ситуацијата дополнително ескалираше. Продавница во сопственост на турски државјанин е уништена на булеварот Ивана Црноевиќа во Подгорица. Снимките што се појавија на социјалните мрежи покажуваат скршени излози, запален објект и целосно уништена кујна.
View this post on Instagram
Видеото објавено на Фејсбук страницата „Очи Подгорице“ предизвика бурни реакции од јавноста, а властите истражуваат дали станува збор за чин на одмазда поврзан со инцидентот во Забјело.
Полициската управа објави дека ќе го зголеми надзорот врз престојот на странските државјани и ќе примени „бескомпромисни мерки“ против оние што ги кршат законите на Црна Гора.
„Кога ќе се утврдат неправилности, веднаш ќе се покренат постапки за откажување на престојот и депортација, со цел да се зачува безбедноста на граѓаните и да се заштити правниот поредок на државата“, соопшти полицијата.
Државните власти велат дека заедничкото дејствување – од страна на полицијата, Министерството за внатрешни работи, Даночната управа и други институции – ќе ги санкционира сите форми на кршење на законот, но исто така ќе спречи обиди за поттикнување меѓуетнички тензии.
Црна Гора, се вели во соопштението, „останува отворена и безбедна земја за сите што ги почитуваат нејзините закони и институции“
Свет
Трамп: Ќе се сретнам со Ким Џонг-ун ако сака
Американскиот претседател Доналд Трамп денес изјави дека сака да се сретне со севернокорејскиот лидер Ким Џонг-ун ако Ким го сака тоа и не ја исклучи можноста за продолжување на неговата тековна турнеја низ Азија.
„Не сум утврдил ништо, но би сакал да се сретнам со него, ако тој сака да се сретне. Се сложував одлично со Ким Џонг-ун, ми се допаѓаше, тој ми се допаѓаше – ако сака да се сретнеме, ќе бидам во Јужна Кореја“, изјави Трамп пред новинарите во претседателскиот авион на пат кон Токио од Куала Лумпур, објави Си-Ен-Ен.
Трамп ќе ја посети Јужна Кореја подоцна оваа недела, каде што ќе се придружи на самитот на извршни директори на Азиско-пацифичката економска соработка (АПЕК).
На прашањето дали би размислил за продолжување на патувањето за да се овозможи евентуална средба со Ким, Трамп посочи дека е отворен за тоа.
„Не сум размислувал за тоа, но мислам дека одговорот би бил да, би го направил тоа, секако. Тоа е нашата последна станица, па затоа е прилично лесно да се направи“, рече тој.
Трамп се сретна со Ким три пати – во Сингапур, Виетнам и во меѓукорејското село Панмунџом, каде што беше постигнато примирје – помеѓу 2018 и 2019 година, за време на неговиот прв мандат како претседател на САД.
Тој постојано повторуваше дека има добри односи со Ким и неколку пати навестуваше за својата желба да ја продолжи дипломатијата со Северна Кореја, иако нивните нуклеарни разговори на крајот пропаднаа.
Трамп неодамна изрази желба повторно да се сретне со Ким во неколку наврати, велејќи дека е „отворен“ за разговори со него.
Сепак, Северна Кореја остана без одговор на понудата на Трамп, објави агенцијата Џонхап.
Министерот за надворешни работи на Северна Кореја, Чое Сон Хуи, го напушти Пјонгјанг во неделата за да ги посети Белорусија и Русија.
Во разговор со странски дописници денес во Сеул, третиот заменик-советник за национална безбедност на Јужна Кореја, О Хјун Џо, изјави дека средбата меѓу Трамп и Ким е „малку веројатна“ за време на состаноците на АПЕК оваа недела, пренесува Танјуг.
Фото: принтскрин
Регион
(Видео) Возачот што усмрти тричлено семејство во Белград бил пијан и под дејство на дрога
24-годишниот Н.Ѓ. од БиХ вчера, еден час по полноќ, со голема брзина удрил во друго возило со своето „ауди“ во Нов Белград, при што на лице место загинало тричлено семејство кое се наоѓало во автомобилот „хјундаи“. Нивото на алкохол во крвта на возачот било измерено на 1,17 промили, а бил позитивен и на канабис. Тој денес ќе биде сослушан во Вишото јавно обвинителство во Белград, пренесува српски Телеграф.
Во стравичната сообраќајна несреќа, животот го изгубија сообраќајниот полицаец Б.Ж. (43), неговата сопруга Д.К. (38) и нивниот деветгодишен син М.Ж. Совозачот од „аудито“, Ј. П. од БиХ, кој исто така бил под дејство на алкохол со ниво во крвта од еден промил, е во тешка состојба во Ургентниот центар. Лекарите му дијагностицирале тешки повреди опасни по живот.
Вицепремиерот и министер за внатрешни работи Ивица Дачиќ ги потврди деталите за несреќата што се случила околу 00:50 часот на улицата „Омладински бригада“.
„Возачот на ‘аудито’ Н.Ѓ. (24), државјанин на БиХ, е уапсен поради постоење основи на сомнение дека сторил кривично дело Тешки дела против безбедноста во јавниот сообраќај. Утврдено е дека возел под дејство на алкохол во крвта од 1,17 промили“, рече Дачиќ.
Тој потврди дека настрадало семејството во „хјундаито“, а дека возачот ќе биде приведен до 48 часа.
фото: принтскрин
Кривична против полицаец: пукал со пиштолот во просторија во СВР Струмица откако потпишал решение за отстранување од работното место
Одделот за внатрешна контрола, криминалистички истраги и професионални стандарди при Министерството за внатрешни работи до Основното јавно обвинителство за гонење...
(Фото) Општина Центар: Се отстрануваат паднатите дрвја кај училиштето „Киро Глигоров“
Општина Центар информира дека во моментот екипите на ЈП „Паркинзи на Општина Центар“ и ЈП „Паркови и зеленило“ работат на...
(Фото) 30-дневен притвор за скопјанецот што со пиштол крадеше во филијали за брзи кредити
Вчера во Скопје, полициски службеници од СВР Скопје го лишија од слобода 25-годишниот Б.А. од Скопје. Тој се сомничи дека...
На „Дижонска“ уапсен скопјанецот што пукаше со пиштол во Чаир
Вчера околу 20 часот на улицата „Дижонска“ во Скопје, полициски службеници од СВР Скопје го лишија од слобода 30-годишниот Р.Т....
(Видео) Путин се пофали со летачкиот „чернобил“, Трамп: Треба да ја завршите војната во Украина, а не да тестирате ракети
Американскиот претседател Доналд Трамп изјави дека најавата на неговиот руски колега Владимир Путин за тестирање на крстосувачка ракета со нуклеарен...
Две сообраќајни несреќи и одрон на автопатот Скопје – Велес после патарината Сопот
На автопат Скопје – Велес после патарина Сопот пред тунелите на Башино село поради одрон на левата коловозна лента сообраќајот...
Полскиот премиер: Русите имаат една голема предност пред Европа
Полскиот премиер Доналд Туск откри дека украинскиот претседател Володимир Зеленски му рекол во неодамнешен разговор дека Украина е подготвена да...
(Видео) Голем напад со дронови врз Москва, одекнуваат експлозии
Москва беше цел на десетици дронови синоќа, потврди градоначалникот Сергеј Собјанин, кој информира за ситуацијата во текот на целата ноќ....
Скопјанец ограбил две компании за брзи кредити, па го фрлил оружјето од Камени мост и побегнал во Хрватска
Обвинителството поведе истрага против 25-годишен скопјанец, осомничен за две разбојништва извршени во август оваа година во објекти на компанија за...
Мицкоски: Кога Јакимовски бараше поддршка го замолив да нема бетонизација, а потоа ми рече ‘морам од нешто да живеам’
Претседателот на ВМРО-ДПМНЕ, Христијан Мицкоски, од маалска средба во општина Карпош порача дека е време за промена и крај на,...
И меѓународната заедница гледа со неверување дека некој во 21 век може да се однесува така, рече Мицкоски по повиците за етничко гласање во вториот круг
Претседателот на ВМРО-ДПМНЕ, Христијан Мицкоски, денеска од Брвеница испрати порака дека сите кои работат за иднината на државата имаат негова...
(Видео) Филипче најави политички и кадровски промени во СДСМ
Претседателот на СДСМ,Венко Филипче, во изјава за медиумите по првиот круг од локалните избори истакна дека партијата бележи раст во...
(Видео) СДСМ деновиве ќе одлучи кого ќе поддржи во општините каде што нема свој кандидат за градоначалник
Претседателот на СДСМ, Венко Филипче, изјави дека партијата во следните денови ќе одлучи кого ќе поддржи во општините каде што...
Двајца уапсени по спектакуларната кражба во Лувр: полицијата се сомнева на помош од внатре
Француската полиција уапси две лица осомничени за кражба на непроценливи крунски драгоцености од музејот Лувр, извршена на 18 октомври. Истрагата...
Трамп му постави услов на Путин: „Нема да губам време“
Американскиот претседател Доналд Трамп изјави дека нема да се сретне со рускиот претседател Владимир Путин сè додека не се постигне...
Трговските преговори меѓу САД и Кина се во тек
Главниот кинески трговски преговарач Ли Ченгганг и кинескиот вицепремиер Хе Лифенг пристигнаа во Куала Лумпур за вториот ден од трговските...
Метеоролозите најавуваат поинтенезивни врнежи ноќеска и утре, од среда стабилизирање
Времето денес променливо облачно со повремени локални врнежи од дожд, најпрвин во западните делови каде ќе бидат пообилни и поројни...
Почина Агим Јонуз
Политичкиот анлитичар, Агим Јонуз, почина во Скопје на 63 години по боледување. Јонуз беше активен во политичкиот живот во Македонија...
ВМРО-ДПМНЕ веќе има 35 градоначалници, рече Мицкоски по повлекувањето на опонентите од Могила и Македонски Брод, очекува 59
Премиерот и претседател на ВМРО-ДПМНЕ, Христијан Мицкоски од денешниот митинг во Неготино изрази увереност дека кандидатката од ВМРО-ДПМНЕ која има...
Трамп: Имам многу добар однос со кинескиот претседател, сакам да ми помогне со Русија
Американскиот претседател Доналд Трамп изјави дека се надева на помош од Кина во решавањето на ситуацијата со Русија и завршување...
