Црна хроника
Нов заплет во случајот со свекорот и снаата од Драчево, и таа го пријавила дека ја натепал
Случајот со снаата и свекорот од Драчево добива нов заплет.
Откако вчера во полицијата било пријавено дека 32-годишната снаа го нападнала својот 67-годишен свекор, а во нападот учествувале и нејзините деца кои го мавале со тврди предмети, подоцна стигнала нова пријава.
Сега жената тврди дека таа e онаа којашто била нападната од него.
„Во текот на вчерашнинот ден, 32-годишна жена пријавила дека во семејниот дом на подрачје на Драчево била физички нападната од нејзиниот свекор З.М.(67) од Скопје“, велат од МВР.
На настанот претходеле семејни недоразбирања.
Претходно вчера „Макфакс“ објави дека 67-годишниот маж пријавил дека во неговиот дом на подрачјето на Драчево, по претходна расправија, физички бил нападнат од снаата М.М. и неговите малолетни внуци, кои употребиле и тврди предмети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична за охриѓанец: предизвикал пожар во казино
СВР Охрид поднесе кривична пријава против С.Р.(54) од Охрид поради постоење основи на сомнение за сторено кривично дело лицето „предизвикување општа опасност“.
Тој се сомничи дека на 04.05.2024 со запалива течност предизвикал пожар во казино на улицата „Партизанска“ во Охрид.
Повредени лица нема, а била предизвикана само материјална штета.
Црна хроника
Тројца повредени во сообраќајна несреќа на регионалниот пат Велес – езеро „Младост“
Вчера во 18.15 часот во СВР Велес било пријавено дека на регионалниот пат Велес – Езеро „Младост“, во близина на крстосницата кај Башино село, се случила сообраќајна несреќа помеѓу патничко возило „алфа мито“ со скопски регистарски ознаки, управувано од 23-годишниот И.А. од Скопје и патничко возило „опел корса“ со велешки регистарски ознаки, управувано од 31-годишниот К.М. од Велес, соопшти МВР.
„Во несреќата со тешки телесни повреди се здобил К.М., додека другиот возач И.А. и неговата сопатничка М.Б.(25) од с.Водоврати, општина Градско, се здобиле со телесни повреди, констатирани во Општата болница Велес“, соопшти МВР.
По овластување на јавен обвинител, извршен бил увид од увидна екипа од СВР Велес.
Црна хроника
Со „пунто“ удрил во паркирани „голф“ и трактор во Злетово, тешко повреден возачот
Вчера, во СВР Штип било пријавено дека во 11 часот, на улицата Македонија во Злетово, патничко возило „фиат пунто“, со штипски регистарски ознаки, управувано од 69-годишниот Т. М., удрило во паркирано патничко возило „фолксваген голф“, со пробиштипски регистарски ознаки, сопственост на М. П., и во паркиран трактор „имт“, со штипски регистарски ознаки, сопственост на К. Г., сите од Злетово, извести МВР.
Во несреќата тешки телесни повреди добил возачот Т. М., констатирани во Здравствниот дом во Злетово, соопшти МВР.
По овластување на јавен обвинител, бил извршен увид од екипа на Полициската станица Пробиштип.