Црна хроника
Спасувачка акција на Попова Шапка: Повредена Австријка за време на скијање, пренесена е со хеликоптер
Спасена е туристка од Австрија која се повредила при слободно скијање кај месноста „Орлов Камен“ на Попова Шапка.
Повикот за незгодата стигнал на 112 во Центарот за управување со кризи во 14:20 часот. Заради сериозноста на повредата, а и други здравствени специфичности, не била во можност да се движи, па побаран бил хеликоптер за спасување за транспорт до болница.
Директорот на ЦУК, Стојанче Ангелов, бил во директна комуникација со спасителите, а при комуникацијата со повредената австијка, таа информирала дека претходно имала операција на рбетниот столб и на него имала вградена метална шипка со штрафови.
„На местото на настанот пристигнал ратрак и луѓе за поддршка, но состојбата на повредената и комуникацијата со неа, индицирала дека транспортот со ратрак заради проблемот со ’рбетот од минатото, како и сегашната дополнителна повреда, би довел до поголеми компликации. Заради специфичноста на итниот случај за повредената бил побаран транспорт со хеликоптер од местото на настанот до болница во Скопје“, велат од ЦУК.
Пилотите од Хеликоптерската единица на МВР одговориле веднаш на барањето на Ангелов за интервенција и хеликоптерот веќе се враќа кон Скопје од Шар Планина. На повредената од почетокот на спасителната акција и е пружена прва помош, адекватно била покриена со фолија за да и се зачува топлината и се наоѓа во добра општа здравствена состојба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Исчезна Турчинка која престојувала во хотел во Скопје
Вчера во 23.00 часот во Полициската станица Бит Пазар, Е.Б.(34) од Република Турција пријавила дека нејзината мајка А.П.О.(73) од Република Турција се оддалечила од хотел во Скопје каде престојувала.
Се преземаат мерки за пронаоѓање на лицето.
Црна хроника
Скопјанец натепал скопјанка во Карпош, а потоа агресивно се однесувал и со полицајците
Вчера во 11.20 часот на подрачјето на Карпош, полициски службеници од СВР Скопје го привеле К.Л.(41) од Скопје, затоа што физички ја нападнал О.Л.(39) од Скопје, а потоа агресивно се однесувал кон полициски службеници кои извршувале службени дејствија.
По целосно документирање на случајот ќе следува соодветен поднесок.
Црна хроника
Оштетил паркирано возило, врата и инвентар во кафеана, такси-возило: кривична против маж од Делчево
Надворешната канцеларија за криминалистички работи Делчево поднесе кривична пријава против В. А. (36) од Делчево.
Тој се сомничи за сторено кривично дело насилство.
На 8.5.2024 пријавениот оштетил влезна врата и друг инвентар во угостителски објект, се обидел да оштети стакло од возачка врата на такси-возило, во обложувачница оштетил врата од наплатниот пулт, по што оштетил возило паркирано пред Територијалната противпожарна единица и физички нападнал двајца вработени.