Европа
Медведев одржа говор, ја објави својата карта на Европа
Дмитри Медведев, заменик-шефот на Советот за безбедност на Русија и сојузник на претседателот Владимир Путин, рече дека Украина е дел од Русија и ја отфрли можноста за мировни преговори со актуелното украинско раководство.
Во воинствен говор во јужна Русија, Медведев рече дека Русија ќе продолжи со специјална воена операција додека другата страна не капитулира додавајќи дека историските делови од Русија ќе се вратат дома.
Медведев го одржа својот говор пред мапата на Украина, која ја прикажува земјата како скратена територија стисната до Полска, со Русија во целосна контрола на источниот, јужниот и брегот на Црното Море.
„Еден од поранешните украински лидери во одреден момент рече дека Украина не е Русија. Тој концепт мора да исчезне засекогаш. Украина, дефинитивно, е Русија“, рече Медведев.
Medvedev shows his plans for Ukraine. He wants the land partitioned between Poland, Russia, Romania and Hungary. Only Kiev would be Ukrainian. pic.twitter.com/yDunMzLQq1
— LogKa (@LogKa11) March 4, 2024
Тој ја отфрли можноста за мировни преговори со актуелното украинско раководство предводено од претседателот Володимир Зеленски и рече дека секоја идна украинска влада, доколку сака да преговара, ќе мора да ја препознае новата реалност на теренот.
Териториите на двата брега на Днепар се дел од стратешките и историските граници на Русија, нагласи Медведев.
„Затоа сите обиди насилно да се сменат, да се отсечат живи, се осудени на неуспех“, додаде тој.
Коментирајќи ги односите Исток – Запад, Медведев, кој ги обвинува американските специјални сили и воени советници за водење војна против Русија, рече дека односите меѓу Москва и Вашингтон се полоши отколку за време на кубанската ракетна криза во 1962 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.