Спорт
Јокиќ прогнозира кои екипи ќе се борат за трофејот во Евролигата
НБА ѕвездата Никола Јокиќ прогнозираше кои екипи ќе се пласираат на завршниот турнир во Евролигата оваа сезона.
До крајот на регуларниот дел од сезоната во Евролигата остануваат уште седум кола, а потоа следува разигрувањето преку плеј-ин и плеј-оф.
Јокиќ смета дека ниту еден српски клуб на завршниот турнир, Црвена звезда има теоретски шанси за плај-ин, а Партизан се бори за место во плеј-ин.
„Мислам дека Реал и Барселона ќе бидат меѓу четирите најдобри екипи. Можеби Монако и се надевам на Олимпијакос бидејќи таму игра мојот пријател Никола Милутинов“, изјави Јокиќ.
Интересно екипите што ги наведе Јокиќ минатат сезона играа на завршниот турнир.
На табелата во Евролигата убедливо води Реал Мадрид со скор 22-5, а потоа следат Барселона со четири и Панатинаикос, Монако и Виртус со по пет победи помалку.
Олимпијакос и Фенербахче се на границата на плеј-офот и плеј-ин со скор 16-11.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шортс не успеа да спречи пораз на Париз од Црвена звезда
Ти-Џеј Шортс и екипата на Париз со пораз дебитираа во Евролигата. Актуелниот освојувач на Еврокупот загуби на домашен терен од Црвена звезда со 77:80.
Париз ја имаше контролата врз натпреварот две и пол четвртини, во еден момент предноста на домашните изнесуваше 13 поени, но и тоа не им беше доволно да забележат победа.
Шортс натпреварот го заврши со 16 поени, три скока и четири асистенции. Покрај Американецот со македонски пасош, двоцифрени во редовите на Париз беа Хифи и Ло со по 12, односно Хејс со 10 поени.
Кај Црвена звезда блескаше Немања Недовиќ со 21 поен за нешто повече од 21 минута, Кенан постигна 14 поени, Калиниќ и Мекинтаер по девет, првиот имаше и пет скока и три асистенции, вториот шест скока и седум асистенции.
Kalinaaaaaa 🔥🔥🔥#kkcz #WeAreTheTeam
— KK Crvena zvezda Meridianbet (@kkcrvenazvezda) October 4, 2024
Во вториот натпревар кој започна во 21 часот, Анадолу Ефес во Болоња го победи Виртус со 76:67. Во натпревар полн со пресврти гостите ги предводеа Отуру со 14 поени и девет скока, Брајант со 12 поени и пет скока, односно Ларкин со 11 поени, шест скока и три асистенции.
Кај Виртус се истакна Кординие со 16 поени. Поранешниот играч на Ефес, Клајбурн за 18 минути не постигна ниту еден поен, во статистиката запиша пет скока и една асистенција.
Спорт
Голем удар за Фенербахче, Вилбекин тешко се повреди
Кошаркарот на Фенербахче, Скоти Вилбекин се повреди во првото коло од Евролигата. Фенер со победа над Олимпијакос 82:71 ја започна новата сезона во елитното натпреварување.
Крајот на овој натпревар го одбележа расправијата меѓу двајцата тренери Шарунас Јасикевичиус и Јоргос Барцокас, кои имаа што да си кажат и за време на натпреварот.
На овој натпревар, поточно во втората четвртина, се повреди американскиот кошаркар со турски пасош Скоти Вилбекин.
Како што се стравуваше, повредата на Скоти Вилбекин е посериозна и тој ќе ја пропушти целата сезона 2024/25, пренесува новинарот Донатас Урбонас.
Тој вели дека се Вилбекин ги оштетил предните вкрстени лигаменти на коленото.
Спорт
(Видео) Лукаку со гол и две асистенции го водеше Наполи до триумф над Комо
Наполи со победата против Комо со 3:1 во натпреварот од седмото коло во италијанската Серија А ја зголеми предноста пред Јувентус на првото место на првенствената табела. За тимот на Антонио Конте погодија Скот Мектоминеј, Ромелу Лукаку и Давид Нерес, а за гостите од Комо, Габриел Стрефеца.
Наполи одлично го започна натпреварот. Шкотскиот играч за врска Скот Мектоминеј постигна гол во првата минута на асистенција на Лукаку. Гостите израмнија во 43. минута со голот на Габриел Стрефеца.
Во второто полувреме, Лукаку реализираше пенал за 2:1 во 53. минута, а потоа му асистираше на Давид Нерес во 86. минута за конечни 3:1, со што Наполи ја постигна петтата победа во новата сезона во Серија А.
Мектоминеј и Нерес ги постигнаа дебитанските голови во дресот на Наполи.
Тимот под водство на Антонио Конте е на врвот на табелата со 16 бодови, пред Јувентус кој има 12 бодови и натпревар помалку. Комо е на десеттата позиција со осум бодови.