Свет
Светска метеоролошка организација: Секој месец се уриваат температурни рекорди
Временската шема на Ел Нињо почна да слабее, но ќе продолжи да поттикнува натпросечни температури во светот, објави Светската метеоролошка организација (СМО).
Ел Нињо е природен временски феномен поврзан со нарушување на шемите на ветерот, што значи потопли температури на површината на океаните во источниот и централниот дел на Пацификот. Ел Нињо, кој се јавува во просек на секои две до седум години, обично трае од девет до 12 месеци и може да предизвика екстремни временски настани, како што се шумски пожари, тропски циклони и долги суши.
Портпаролката на Светската метеоролошка организација, Клер Нулис, вчера изјави дека Ел Нињо го достигнал врвот во декември и дека ќе биде меѓу петте најсилни досега. „Сега постепено слабее, но очигледно ќе продолжи да влијае на глобалната клима во наредните месеци. Очекуваме температури над нормалните во наредните месеци, помеѓу март и мај, и, генерално, во повеќето копнени области“, им рече таа на новинарите во Женева.
Во посебна изјава генералниот секретар на Светската метеоролошка организација, Селест Сауло, рече дека Ел Нињо делумно придонел за неодамнешните рекордни температури.
„Секој месец од јуни 2023 година поставува нов месечен температурен рекорд, а 2023 година беше убедливо најтоплата година досега“, рече Сауло во соопштението.
„Ел Нињо придонесе за овие рекордни температури, но стакленичките гасови, кои ја заробуваат топлината, се очигледно главниот виновник“.
СМО соопшти дека има околу 60 отсто шанси Ел Нињо да опстојува од март до мај и 80 отсто шанси за неутрални услови од април до јуни.
Постои можност Ла Ниња, временска шема која се карактеризира со невообичаено ниски температури во Тихиот Океан, да се развие подоцна во текот на годината, но изгледите остануваат неизвесни, соопшти СМО.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бебе застрелано од мало дете кое во паркиран автомобил посегнало по наполнет пиштол во САД
Бебе било застрелано и убиено од мало дете кое додека биле во паркиран автомобил посегнал0 по наполнет пиштол и го повлекло чкрапалото, соопшти полицијата.
Пукањето се случило на паркинг во близина на медицински центар во Сан Антонио, Тексас.
Во возилото имало три деца и една жена, изјави началникот на полицијата на Сан Антонио, Вилијам Мекманус.
„Деца на возраст од 3, 2 години и 10 или 11 месеци биле во задниот дел на возилото“, рече тој.
Едно од постарите деца се фатило за наполнет долг пиштол што бил во задниот дел на возилото и „случајно го повлекол чкрапалото“, пукајќи во најмалото дете, рече началникот.
„Ова што го имаме денес овде е ужасна, страшна трагедија“, рече Мекманус на брифинг со новинарите.
Свет
Бразилскиот претседател Лула е стабилен по повредата на главата
Бразилскиот претседател Луис Инасио Лула да Силва се чувствува добро денеска откако се здоби со повреда на главата во неговиот дом во текот на викендот, кога доживеа мало крварење на мозокот, изјави бразилскиот министер за институционални односи Александре Падиља.
Според лекарите Роберто Калил и Ана Хелена Гермољо, нов контролен преглед ќе биде извршен за 72 часа, пренесува Ројтерс.
Лекарите исто така потврдија дека бразилскиот претседател може да ја продолжи својата нормална работна рутина.
Свет
Ердоган: Турција сака да ја подобри соработката со БРИКС
Турција сака да ја подобри соработката со БРИКС и очекува дека претстојниот самит во Казан ќе даде поттик на овој потфат, изјави денеска турскиот претседател Реџеп Таип Ердоган.
„Искрено сакаме да ја продлабочиме нашата соработка со БРИКС. Верувам дека самитот во Казан значително ќе придонесе за овие напори“, рече Ердоган во Анкара.
Според турската телевизија ТРТ Хабер, Ердоган потврдил дека „на покана на рускиот претседател Владимир Путин утре ќе го посети Казан за да учествува на проширената средба на лидерите на БРИКС“.