Спорт
Легендарниот фудбалер е бездомник: Сега сум тажен пијаница
Легендарниот англиски фудбалер Пол Гаскојн уште еднаш проговори за тешките моменти низ кои минува. Гаскојн со години се бори со алкохолизмот поради што изгубил се, па дури и домот.
Газа по седми пат замина на рехабилитација, се обидува да се откаже од алкохолот. Бил во клиника во Саутемптон каде плаќал 6.000 фунти месечно.
„Откако отидов на мојот прв состанок на анонимни алкохоличари, направив 12 чекори, а еден од нив беше да ја запознаам личноста што ја обвинувам за моите проблеми и да ја запознаам таа личност, таа личност бев јас“, рече Гаскојн, додавајќи :
„Бев среќен пијаница, но веќе не сум, сега сум тажен пијаница. Не излегувам да пијам, пијам дома. Луѓето го знаат Пол Гаскојн, но никој не го знае Газа. Мислам дека не изневерив ниту еден тренер, не ги изневерив соиграчите, навивачите, го изневерив само Пол Гаскојн“.
Бидејќи нема дом, живее кај менаџерката Кејти Дејвис.
„И се јавив на Кејти во ноември пред неколку години и почнав да плачам поради тоа што си го направив себеси и на другите луѓе. Бев во затвор и на рехабилитација, шмркав кокаин од даската на шолјата во тоалет. Сега живеам во нејзиниот стан “.
Во својата кариера Гаскојн играше за Њукасл, Тотенхем, Лацио, Ренџерс, Мидлсброу, Евертон, Барнли, Тианма во Кина и нисколигашот Бостон Јунајтед.
За репрезентацијата одигра 57 натпревари и постигна 10 голови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Хрватските навивачи пееја усташка песна на улиците во Берлин
На инстаграм профилот на ultra_pokret_hr се појави видео на кое се гледаат хрватските фанови како шетаат по улица и ја пеат песната „Истрчале загребачке фрајле“, објави хрватски Индекс.
„Чекор по чекор, млад усташ под знамето. Битката се води, се води, се вее усташкото знаме, за слобода и за дом, хрватски дом“, пеат навивачите.
View this post on Instagram
Во описот на видеото стои: „Хрватските ултраси до Олимпискиот стадион во Берлин“. Според тоа, се претпоставува дека снимката е направена во саботата пред натпреварот од 1. коло на Европското фудбалско првенство меѓу Хрватска и Шпанија.
Спорт
Маринковиќ се врати во Партизан
Кошаркарскиот клуб Партизан го потврди трансферот на Вања Маринковиќ. Најмладиот капитен во историјата на клубот по пет години се врати во црно-белиот табор.
Маринковиќ од 2013 до 2019 година играше во Партизан, потоа две сезони мина во Валнесија, во од 2021 година го носеше дресот на Басконија.
Во последната сезона во Евролигата, тој одигра 36 натпревари (27 како стартер) и имаше просек од 10,8 поени по натпревар (52% за два, 37% за три), 2,4 скока и 1,6 асистенции за речиси 26 минути игра.
Според српските медиуми, Маринковиќ потпишал две годишен договор со Партизан.
Спорт
Мбапе ги повика Французите да гласаат против десницата
Капитенот на Франција, Килијан Мбапе, на последната прес конференција пред мечот со Австрија, малку зборуваше за фудбалот, во преден план беше политиката.
Во Франција е во тек изборна кампања откако францускиот претседател Емануел Макрон распиша предвремени парламентарни избори.
Најдобриот француски фудбалер Килијан Мбапе упати апел до граѓаните, особено до младите, да не дозволува екстремната десница да дојде на власт. Во емотивното обраќање Мбапе порача дека фудбалерите не смеат да се одвојуваат од она што се случува во светот околу нив.
„Сакам да бидам горд што ќе го носам овој дрес на 7 јули (тогаш се одржуваат изборите). Не сакам да претставувам земја која не ги одразува моите вредности, која не ги одразува нашите вредности, верувам и се надевам дека сите сме на иста страна. Затоа не можеме да се сокриеме“, изјави Мбапе и додаде:
„Често се вели дека не смееме да мешаме политика и фудбал. Се согласувам кога ситуацијата е нормална, но кога ситуацијата е ваква, тогаш е важно да се каже ова. Ова е поважно од натпревот што следи. Се надевам дека луѓето нема да ми се лутат што го кажав ова бидејќи нашата земја денес е во многу сериозна ситуација“.
Репрезентацијата на Франција, во 21 часот против Австрија ќе го одигра првиот натпревар на Европското првенство.